On Tue, 5 Dec 2000, Ma'Dang JoLelo wrote:
> Any how, untuak mamak, uni, adiak, mandeh, ibu, uda,
> dunsanak sadonyo, salamaik bapuaso. Insya Allah puaso
> kito barakaik dan ditarimo oleh Allah, amiin..
>
> Ta, baa kaba di kandang kudo tuu ...
>
> Wassalam,
> APS (Jolelo)
Alaaa....
iyo sero pulo bacarito puaso ka puaso dari babagai daerah ko nak,
Kalau di kami di WYO puaso ndak lamo doh, Imsak sakitar pukua 6 pagi, dan
babuko lewat saketek pukua 4 sore. Karano matohari memang sabanta-sabanta
se mancigok nyoh :-) Pukua 9 pagi nyo baru ka mancogok, pukua 3 sore nyo
lah ilang, sahinggo wakatu babuko tu kito biasonyo masih di sikola/di
kelas (jadi biasonyo babuko dengan segelas teh hangat nan sempat di bao ka
kelas atau jo sepotong roti).
Kalau Profesor sadang mangecek, wakatu babuko lah tibo, ambo gigik
se roti lambek-lambek untuak babuko :-)
Kalau ambo nan sadang dihadapan mahasiswa, wakatu babuko lah
tibo, ambo minum pulo aie gak sadaguik, sudahtu lanjuikkan karajo :-)
Makonyo katiko mak Sati jo Evi baciloteh cindua jo kolak, tabik salero
jadinyo... hehehe
Maklum, di siko nagari dingin, kok bisa makan kolak angek nan disabuik mak
Sati, kan iyo raso ka sero tu nak ni Dedeh (hehe... uni awak tu kini
sadang kadinginan..)
A Little town Laramie, [anehnyo urang siko tatap manyabuiknyo 'Laramie
City' :-), di kami namonyo kandang kudo, sabab memang labiah banyak kudo
dan sapi daripado urang], dengan ketinggian 7200 feet dari permukaan
lauik, memang ndak talok di kami mampagarahkannyo doh kalau lah winterko.
Kalau lah musim dingin model kini, suhu rato-rato berkisar antaro -10
sampai -15 derajat Celcius. Kalau nyo sadang mangamuak, bahkan bisa
turun sampai -25 derajat Celcius. Itupun kadang-kadang masih ditambah
angin kancang, sahinggo es katam nan ditabangkan angin dan basaliweran
di udaro bisa maampeh ka badan awak nan sadang bajalan :-(
Kalau lah model itu, biasonyo turun rumah ka sikola, atau sebaliknyo
dari kampus ka pulang merupakan 'perjuangan' tersendiri pulo :-)
Caro manyapo kawanpun bahasonyo lah babeda. Maliek awak taparosok mancari
jalan diantaro salju, kawan model itu pulo, kalau basalisiah jalan, indak
"Hi, how are you" lai nan di sabuik doh, tapi "Hi, good luck!" :-) :-)
Tapi kalau cuaco sadang elok laku, suhu pun bisa naiak sakitar -5 atau
-3 derajat. Cuma kalau acok mengharapkan suhu ka di ateh nol derajat musim
dingin ko, rancak indak lai, daripado kecewa dan taragak kampuang awak
jadinyo :-(
Ondeh.... iyo patuik basyukur sabananyo kito dengan alam nan diciptakan
Tuhan untuak nagari/kampuang kito.
alah tu,
salamaik makan sahur bagi nan ka makan sahur,
salamaik puaso bagi nan sadang puaso
salamaik babuko bagi nan ka babuko (lai jo kolak ndak?)
semoga kito sadonyo dapek berkah di bulan Ramadhan ko.
salam
RDL.
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
Atau kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
