Manolah Mak Sati nan di palanta,
Satantang kaba barito nan kami tarimo di lapau ko, yaitunyo
tantang mukasuik mak sati malapeh siriah jo timbakau.
bagi kami nan di siko, lah kami paiyo jo patidokan, lah kami tukiakan
pandangan nan dakek
lah kami layangkan pandangan nan jauah.
Kok putiah kapeh lah dapek diliek, putiah hati pun lah bakadaan
kami batarimo kasih ateh undanganko.
Nak duo kato sairiang, karano kami barado di sabaliak pulau
dipisah lauik nan jo bukik, mungkin alun bisa mamastikan
manuruik himbauan jo magikuti undangan nan Mak Sati layangkan.
Bagi kami di siko bapandapek nan mukasuik Mak Sati satantang urang Nan Baduo
iyolah sasuai siriah jo inggiknyo, lah sairiang pulo lengang nan jo
lenggoknyo.
Jadi karajo baiak dipacapek sajo nak dapek barakahnyo.
Kami sakalurga di siko mangucapkan salamek manampuah hiduik baru bagi kaduo
pangantin,
umua panjang rasakih murah handaknyo, dan dikaruniai anak nan soleh.
wassalam
Khatib Batuah jo Kaluarga
----- Original Message -----
From: Sjamsir Alam <[EMAIL PROTECTED]>
To: RANTAUNET <[EMAIL PROTECTED]>
Sent: Tuesday, December 12, 2000 7:04 AM
Subject: [RantauNet] KUNYAHLAH SIRIAH, ISOKLAH ROKOK
> Ma sagalo adidunsanak jo anak kamanakan di salapan pinjuru angin,
>
> Assalamu 'alaikum wr. wb.
>
> Nan sakali ko, iyo ka ganti siriah jo pinang di carano, ka ganti daun
> nipah di kampia rokok, datang manjalang sagalo adidunsanak jo anak
> kamanakan saparinduan. Kok nan sapanjang adaik nan tapakai, sapanjang
> garih nan ka dipaek, indak dialiah indak diasak, andaknyo ditakiak
> janjang ditapiak bandua. Tapi, dek jarak nan bakajauahan, dek ari nan
> bakasingkekan, iyo rila jo maauh dipintokan ka sagalo adidunsanak jo
> anak kamanakan.
>
> A etongan nan ka diantaan, iyolah mak Sati jo urang rumah basarato
> sagalo mamak rumah jo urang sumando bamukasuik nak mandoa baralek ketek,
> mamparalekan anak gadih kami
>
> FRIDA OLIVIA ESYA
>
> nan kamanarimo akad nikah ijab kabua di ari Jumaik, tanggal 5-1-2001
>
> jo
>
> JOKO SANTOSO
>
> pado ari Akaik, tanggal 7-1-2001, di dangau kami, Jalan Sitawa 25,
> Tabiang, dibalakang pabirik biskuit ASIA, mulai sakiro pukua 11.00
> sampai salasai.
>
> Satinggi-tinggi gunuang Marapi, labiah tinggi pangharapan kami
> sakaluarga maarokan sanak malangkahkan kaki maayunkan tangan untuak sato
> maagiah doa restu ka anak daro jo marapulai kami ko, tarutamo sakali ka
> sagalo sanak nan di kampuang dan rang rantau nan ka baari rayo di
> kampuang kito. Taalamaik ka adidunsanak jo anak kamanakan nan di rantau
> urang, doa restu nan sanak mintakan dari Allah swt untuak anak daro jo
> marapulai kami, lah labiah dari badan diri.
>
> Wa billahi taufiq wal hidayah,
> Wassalamu 'alaikum wr. wb.
>
> Silang nan bapangka karajo nan bapokok
>
> SJAMSIR ALAM (Apak)
> MARLIS (Amai)
>
> Niniak mamak jo sagalo Rang Sumando
>
>
> RantauNet http://www.rantaunet.com
> =================================================
> Mendaftar atau berhenti menerima RantauNet Mailing List di
> http://www.rantaunet.com/subscribe.php3
>
> Atau kirimkan email
> Ke / To: [EMAIL PROTECTED]
> Isi email / Messages, ketik pada baris/kolom pertama:
> - mendaftar: subscribe rantau-net [email_anda]
> - berhenti: unsubscribe rantau-net [email_anda]
> Ket: [email_anda] = isikan alamat email anda tanpa tanda kurung
> =================================================
> WebPage RantauNet http://www.rantaunet.web.id dan Mailing List RantauNet
> adalah servis dari EEBNET http://eebnet.com, Airland Groups, USA
> =================================================
>
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
Atau kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
