Di arirayo .......... langang lapau.
Kutiko langangko pa angek-angekan tungku, bapantun lah 'gak sajamang.
Mudah-mudahan baguno.
Kok manyeso dipasorry sen dih, dilit sajo pliiis.
-----------------------------------------------------
Tambilang dibaliak lansek
tasisiak di lambai-lambai.
Dibilang sado nan dapek
nan tingga untuak nan pandai.
Babaju baru diari rayo
Takbir jo Tahmit bakumandang
sumbayang ied di banda olo.
Basanang-bagumbiro diari rayo,
jaan lupo kadunsanak nan malang
nan kanai musibah galodo.
Panakiek pisau sirauik
ambiak galah batang lintabuang
silodang ambiak kaniru
Nan satitiek jadikan lauik
nan sakapa jadikan gunuang
alam takambang jadi guru.
Kaluak paku kacang balimbiang,
tampuruang lenggang-lenggangkan,
bao manurun ka Saruaso,
tanam siriah jo ureknyo.
Anak dipangku kamanakan dibimbiang,
urang kampuang dipatenggangkan,
tenggang nagari jan binaso,
tenggang sarato jo adaiknyo.
Pincang biduak nak rang tiku
didayuang sambia manungkuik.
Basilang kayu dalam tungku
baitu api mangko iduik.
Dimano-mano lah banyak warnet,
tampaik anak mahabih wakatu ...... :-)
Bialah langang lapau rantaunet
bapantun-pantu alah sen tu ...... <8-)
Di gunuang barasok murai sadang ba iyo-iyo jo ni Bennyo.
TGM indak ado barito, mudah-mudahan lai siaik sajo.
Mak Ngah ka balerong alun bisa juo, dek karano ado ulek dikomporno.
Mak Sati sadang sibuk pulo jo alekno.
Nan pulkam jaan lupo oleh-olehno.
Sia nan nan ka bogor, singgah kabogor baru jaan lah lupo.
Sakian dari Tan A Lun jo mak Bandaro.
Salamaik ba'rirayo.
Bogor 1 Syawal.
mak Bandaro
~~~~~~~~~~~~
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
Atau kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
