Ma sagalo adidunsanak jo anak kamanakan di salapan pinjuru angin, Assalamu'alaikum wr. wb. Alhamdulillah, doa adidunsanak jo anak kamanakan ka hadirat Allah swt dikabulkan dek Baliau untuak alek kami di Sitawa 25, Tabiang ari Akaik kapatang. Ari tarang bak dilenang, jan ka hujan, gabak sen indak mandakek baiak di ulu atau di lauik. Dari awa sampai ka akia, sagalo acara nan diama, disampaian Allah swt. Akad nikah nan dilaksanakan di musajik Nurulhuda di kompleks kami, nan lah banyak adidunsanak jo anak kamanakan bantu salamo ko, sasudah shalat Jumat dihadiri dek handai tolan jo kaum kirabaik, ampia indak ado lapiak nan indak baduduaki. Alek nan lah mulai badatangan ka dangau kami sajak ari Jumaik tu, alhamdulillah, indak kurang suatu apo. Puncak alek di ari Akaik, alhamdulillah, juo lai dihadiri dek sagalo handai tolan, kaum kirabaik, sanak jo famili, dan sagalo konco palangkin salamoko nan disaru, lai manyampaik-an diri maagiah doa restu ka anak daro jo marapulai. Duo urang Rang Lapau nan kabatulan pulang ka kampuang, surang dari Japang, kalau indak salah, Alfian dan surang lai niniak mamak awak dari Lhoksamawe, Pak Nizarwan jo rang rumah dan anak-anak baliau lai pulo manghadiri alek. Salah surang Rang Lapau, kamanakan ambo Ben, mangirimkan bingkisan ka ganti badan diri baliau. Ateh namo silang nan bapangka, karajo nan bajunjuang, ambo ucapkan banyak tarimo kasih ka sagalo adidunsanak jo anak kamanakan nan lah maagiah doa restu, samoga Allah swt. tatap malimpahkan rahmatNyo ka anak jo minantu kami sampai ka anak cucu. Amin ya rabbal alamin. Wabillahi taufiq wal hidayah. Wasalamu'alaikum wr. wb. mS RantauNet http://www.rantaunet.com ================================================= Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] Ket: [email_anda] = isikan alamat email anda tanpa tanda kurung ================================================= WebPage RantauNet dan Mailing List RantauNet adalah servis dari EEBNET http://eebnet.com, Airland Groups, USA =================================================
