Ma sagalo adidunsanak jo anak kamanakan di sagalo suduik bumi Allah ko, Assalamu'alaikum wr. wb., Sumbangan bencana alam Sumbar tahun 2000 nan lah takumpua sampai kapatang, pagi tadi lah ambo sarahan ka rumah bagonjong nan ditarimo dek Kapalo Bagian Kesehatan dan Kesejahteraan, Biro Bina Sosial, Drs. Kafrawi Bachtiar. Ateh namo Gubernur, baliau mangucapkan banyak tarimo kasih ka sagalo adidunsanak jo anak kamanakan nan lah sato mamikiakan musibah nan dialami dek adidunsanak awak di kampuang dan lah manyumbang dalam jumlah nan indak kurang dari urang lain. Tapi, kecek baliau, nan mambuek baliau "terharu" indak jumlah doh, tapi raso sasakik sapanangguangan jo rang kampuang. Baliau bajanji ka malaporkan lansuang ka Pak Gubernur dek ambo indak bisa basuo jo baliau. Pitih ko ka digunokan untuak panambah bantuan rehabilitasi sarana dan prasarana korban nan sangaik dibutuhkan dek mareka. Sagalo adidunsanak jo anak kamanakan nan ingin mancaliak surek asli pengantar awak (basurekan sakali daftar namo panyumbang co daftar dalam laporan ambo kapatang) kok dimintak, ambo kirim ka japri dalam bantuak file attachment. Insya Allah, komputer ambo indak baulek doh. Kok ado di antaro sanak nan mangirim sumbangan, tapi indak masuak dalam daftar, tolong ambo diagiah tahu, di lapau jadih, ka japri rancak bana. Nan masih ingin manyumbang ambo tampuang taruih, tapi jan lupo basorak di lapau atau babisiak di japri. mS RantauNet http://www.rantaunet.com ================================================= Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] Ket: [email_anda] = isikan alamat email anda tanpa tanda kurung ================================================= WebPage RantauNet dan Mailing List RantauNet adalah servis dari EEBNET http://eebnet.com, Airland Groups, USA =================================================
