RE: [RantauNet] Pidato Siriah

[Erizal Syamsir]

Si Alek :  Indak diulang buah kabanaran Tuan Pakieh Sutan lalunyo indak diulang; karano tapakaikan bana dek Tuan Pakieh Sutan sipaik Pangulu nan ba alam leba - ba padang lapang, mah kandak ambo capek babari kok pintak capek bapalakukan. Baa dek karano kandak buliah pintak balaku, lai dengan insya Allah bapaiyokan dek kami nan sakaji alek nan basamo, sakian sambah   Si Pangka : Dek karano kabapaiyokan, insya Allah bananti.   Sutan Rangkayo Basa  : Kabakeh kitolah nan sakaji alek nan basamo, sambah. ( kabakeh Tuan Lembang Alam/Tuan Parpatiah/Tuan Bandaro/Sutan Sri Bagindo atau siapo sajo nan basadio ambo ajak jadi si Alek untuak mam pakolahan ).       Aratinyolah nan kadibanakan kabakeh kito si alek nan basamo, urang nan pai kasabondong dipulang nan kasatampuah, dek karano lah lalu buah panitahan Tuan Pakieh Sutan disilang nan bapangka karajo nan bapokok. Disimakkan buah panitahan Tuan Pakieh Sutan, jikalau gayuang tantu manghandaki sambuik - kato manghandaki jawab. Baa mahagak digayuang nan kamanyambuik dikato nan kamanjawab buah panitahan silang nan bapangka karajo nan bapokok nantun, dek karano kito si alek nan basamo lai surang jo baduo, kok baduo lai batigo pulo; kok di ma katarabiknyo nan bak padi - tumbuahnyo nan bak bijo, ikolah duduak nan ka ambo paiyokan - tagak nan ka ambo pamolahkan kabakeh kito nan basamo, sakian sambah. -----Original Message----- From: Damrus Lukman [mailto:[EMAIL PROTECTED]] Sent: Tuesday, January 16, 2001 7:16 PM To: [EMAIL PROTECTED] Subject: Re: [RantauNet] Pidato Siriah SI PANGKA : Alah banamo sampai dek Sutan Rangkayo Basa SI ALEK : Alah   SI PANGKA : Manolah Sutan Rangkayo Basa ! SI ALEK  : Manitahlah, Pakieh Sutan.   Si Pangka : Lah tibo titah dari Sutan, kato bajawab gayuang basambuik, dari pihak alek nan satampuah pulang sabondoang suruik, iyo ka datang dari Sutan Rangkayo Basa. Salimbak pintak jo pinto karakok nan bajunjuang, karajo nan bapokok. Tibo dek diri Sutan, satitiak nak di lawikkan, sakapa nak di gunuangkan. Nak mambao kato baiyo jalan bamolah, mancari bulek nan sagoloang, picak nan salayang. Asa pintak lai ka bulieh, kandak lai ka balaku, lamo jo lambek kami nanti. Pulang maklum pado Sutan.   ---- Original Message ----- From: Erizal Syamsir To: '[EMAIL PROTECTED]' Sent: Tuesday, January 16, 2001 10:59 AM Subject: RE: [RantauNet] Pidato Siriah Alah sampai di Tuan Pakieh Sutan. Sakiro alah   Kabakeh Tuan Pakieh Sutan juo sambah, Manitahlah Sutan Rangkayo Basa. Sutan Rangkayo Basa : Tapi mahagak sambah jo titah - taratik jo mujilih - lelo jo tampan - adab jo sopan - randah nan dianjuang tinggi - ketek nan diamba gadang, jo Assalamu'alaikum rundiangan disabuik lalu kabakeh Tuan Pakieh Sutan ditumpak silang nan bapangka karakok nan bajunjuang. Pakieh Sutan: Kapado Allah. Sutan Rangkayo Basa : Karanolah lalu buah panitahan Tuan Pakieh Sutan nan taulaknyolah kabakeh kami ditumpak sialek urang nan pai satampuah pulang nan sabondong suruik. Disimakkan buah panitahan Tuan Pakieh Sutan ruponyo limbago gayuang tantu manghandaki sambuik - kato manghandaki jawab. Baa mahagak digayuang nan kamanyambuik - dikato nan kamanjawab buah panitahan Tuan Pakieh Sutan nantun; dek karano kami ditumpak nan sakaji alek nan basamo lai surang jo baduo, kok baduo lai batigo pulo, kok ambo tariak daulu bajalan nak baiyo-bakato nak bamolah, mancari digayuang nan kamanyambuik-dikato nan kamanjawab buah panitahan Tuan Pakieh Sutan, kok mananti Tuan Pakieh Sutan jo panitahan, lai koh didalam Tuan Pakieh Sutan janyo ambo. Ikolah bana nan dilalukan kabakeh Tuan Pakieh Sutan ditumpak silang nan bapangka karajo nan bapokok, pulang sambah kabakeh Tuan Pakieh Sutan.   SIALEK, Sutan Rangkayo Basa (Sikumbang, Banuhampu - Kiktinggi ) di Riau.   ------ dikuduang .... snek ------