Re: [RantauNet] Pendaftaran anggota baru

[Nurman Firman]

Ass. W W uda Damrus Lukman Pakieh Sutan Ambo pernah mandanga namo urang gaek uda tuh, tapi wakatu itu ambo masih di SMP di Bukit Tinggi, dan pulang ka Kumango sakali-sakali dibawo dek urang gaek ambo. Untuak Kalikih jo pisang buai lai ado juo d Kumango, dan masajidnyo sampai kini lai tarawat dan masih rancak taruih, ambo ampiah tiok tahun pulang ka kampuang terutamo pado saat hari rayo, namun baitu indak manatap di Kumango doh sabab urang gaek ambo ado di Bukit Tinggi dan ciek lai mak rumah ambo urang Payakumbuah. Jadi labiah acok di Payakumbuah dan di Bukit Tinggi. Uda Damrus Salam ambo ka urang gaek uda dan tarimo kasih atas ilmu nan disumbangkan untuak urang kampuang ambo.   Wassalam   Nurman Firman -----Original Message----- From: Damrus Lukman <[EMAIL PROTECTED]> To: [EMAIL PROTECTED] <[EMAIL PROTECTED]> Date: 31 Januari 2001 21:47 Subject: Re: [RantauNet] Pendaftaran anggota baru Dunsanak Nurman Firman ! Salam. Ayah ambo, dulu tahun 1969 s.d 1974 batugeh di SMEP Kumango. Namo baliau Lukman Hamid, biaso dipanggie Pak Luk. Mancaliak umua, nampaknyo sanak sapangkek jo adiak ambo Refri Lukman. Ambo sendiri wakatu itu basikola di Padang, kemudian di Batusangka. Nan istimewa dari Kumango dan sekitarnyo nan takana di ambo kalikih jo pisang buai. Ciek lai, masajiknyo ado nan terindah nan pernah ambo caliek wakatu itu. Baa kolah kaba di Kumango kini. Wassalam. Damrus Lukman Pakieh Sutan   ----- Original Message ----- From: Nurman Firman To: [EMAIL PROTECTED] Cc: [EMAIL PROTECTED] Sent: Wednesday, January 31, 2001 3:16 PM Subject: [RantauNet] Pendaftaran anggota baru Apo kaba dunsanak, ambo manumpang daftar ciek untuak jadi anggota alias member . Iko data-data ambo, jaan dimuek pulo di koran Singgalang malu awak beko :   Namo                 : Nurman Firman Lahia Tahun        : 1958 (ala cukuih gaek ambo, tapi samaget masih mudo) Alamek kini        : Jln. Kano Raya No 76 Kelapa Dua Karajo                : Bank Lippo Kantor Pusat Nagari asal         : Kumango, Kec. Sugai Tarab, Kab. Tanah Datar                             Tapi lamo tingga di Bukit Tinggi Suku                  : Piliang Gala Adat           : -----   Itulah Data-data ambo dan tarimo kasih   Regards   Nurman Firman