----- Original Message -----
From: Bandaro <[EMAIL PROTECTED]>
To: <[EMAIL PROTECTED]>; Sjamsir Sjarif <[EMAIL PROTECTED]>; Masdar
Masdar <[EMAIL PROTECTED]>
Sent: Friday, February 02, 2001 10:09 PM
Subject: Kumango (Re: [RantauNet] Pendaftaran anggota baru)
>
> Adinda Nurman Firman jo sanak lain nan tau.
> Apokoh Kumango ko ( Sg Tarok), barado diantaro Batu Sangka jo Baso ???
> Dimaa tapekno ??? Tolonglah dipapakan saketek manganai nagariko ????
> Dari mano sajo jalan masuak / arah / tambuih kamaa sajo?
> Mungkin point-point spesifik nan ado di nagariko.
> Apokoh iko asa kato padagang "kumango" ??
>
>
> Angku Pakieh Sutan.
> Kalau ndak salah ( = batua) ambo liwaik ka Sg Tarokko taun '95,
> io sabana rancak musajik tu, tabayang-bayang sampai kini.
>
> Untuak kamanakan nan gadang dirantau :
> Galeh "kumango" iko adolah jenis isi / dagangan toko, yaitu barang-
> barang ( biasono ketek-ketek) kaparluan sahari-hari rumah tanga
> ( bukan ; makanan - pakaian - alat dapur - elektronik).
> Ndeeeeh .......... io sulik pulo mah mandepinisikan kumangoko,
> toloooong ............. mak Ngah.
>
> ...... langang baleerong .......... salamaik wik'en
>
>
>
> Bandaro
> ~~~~~~~~
>
Assalamu'alaikum,
Sabananyo nan berkompeten untuak bacurito tentang Nagari Kumango, tantu
dunsanak Nurman Firman. Tapi dek ambo nak bernostalgia, ambo cubo
mangingek-ingek wakatu ambo pernah bamukim di sinan tahun 70-71. Nagari
Kumango tamasuak Kecamatan Sungai Tarab (Sungai Tarok). Dari Batusangka ke
arah ...... (indak jaleh dek ambo), manuju Sungai Tarab - Rao Rao - Tabek
Patah - taruik ka Payokumbuah. Antaro Sungai Tarab jo Rao Rao ado simpang
ampek, ka kida manuju Komango dan ka suok manuju Pasia Laweh. Di Kumango itu
sendiri jalan basimpang tigo, ka ilia Sumaniak dan ka mudiak Rao Rao. Ambo
indak tahu apo ado hubungan antaro Nagari Kumango jo galeh kumango
(kalontoang) di pasa (balai) tradisional. Nan ambo tahu, urang Kumango
memang banyak panggaleh antar pasa (balai). Kumango talatak di lereang,
sahinggo sumber aie minum langsuang dari mato aie. Kalau musim kamarau agak
sulik mandapek aie, kadang-kadang harus dijapuik ka tampek nan agak jauah
memakai perian (dari bambu).
Musajik nyo memang indah, sekilas seperti miniatur dari musajik syuhada di
Yogya. Wakatu itu (70-71) di mano-mano alun ado listrik, musajik ko lah
pakai listrik (pakai diesel). Ekonomi masyarakat rato-rato baiek, mungkin di
ateh rato-rato nagari-nagari nan lain.
Baitulah kiro-kiro nan takana dek ambo. Dunsanak Nurman, atau urang Kumango
nan lain, kok ado nan salah toloang di paelok-i. Ambo sakadar banostalgia.
Wassalam
Damrus Lukman Pakieh Sutan
Jalan Jambu Air II No. 1 Harapan Baru
Bekasi Barat, Bekasi 17133
Telp. : 62-021-88950681
HP : 0818480450
E-mail : [EMAIL PROTECTED]
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
