Ass.ww
Iyo alah rindu pulo awak mancaliak urang Islamko, hablun minan nas. Bilo ka
dapek managakkan pasatuan nantun. Kini alah tacerai berai, alah main tinju
dan main ancam ka mambunuah bagai, sampai ma halalgan darah muslim nan lain
untuak mandukuang nan lain ...........
Ya Allah tunjukilah umatmu jalan yang benar, yaitu jalan yang Kau ridhoi,
bukan jalan orang yang sesat, atau jalan orang yang kau murkai.
Wass.ww
St.P
-----Original Message-----
From: [EMAIL PROTECTED]
[mailto:[EMAIL PROTECTED]]On Behalf Of Muhammad Dafiq Saib
Sent: Wednesday, February 14, 2001 4:01 PM
To: [EMAIL PROTECTED]
Cc: [EMAIL PROTECTED]
Subject: [RantauNet] Saandaino mareka indak bacarai barai
Assalamu'alaikum wr.wb.,
Katiko urang sadang sibuak-sibuak jo Pamilu babarapo
taun nan lapeh ado surang kawan batanyo kaambo, partai
nan ma nan kaambo piliah. Ambo jawek, itu kan rasio.
Kecekno baliak, agiah taulah ambo, ambo kamamiliah
pulo sarupo nan angku piliah.
E eh, baa mangko mantun, tanyo ambo.
Sabab ambo picayo pilihan angku pasti pilihan nan alah
malalui uji nan panjang, kecekno pulo satangah maajuak
satangah maopok.
Indak, jawek ambo, itu tatap rasio.
Tapi ambo raso tantu angku bukan pamiliah Golkar,
tanyono pulo barubah taktik.
Indak kecek ambo.
Bukan pulo PDIP.
Indak, jawek ambo.
Kalau baitu tantu kamungkinan angku kamamiliah PAN,
tanyono pulo.
Indak juo. Tanyoanlah taruih sampai basuo, kecek ambo
mulai agak malunak.
Kalau indak PAN, PKB tantu indak mungkin juo.
Indak.
Kalau baitu yakin ambo, tantu angku PBB (Bulan
Bintang).
Indak.
Atau PUI partai pak Deliar Noer?
Indak.
Atau Masyumi barangkali.
Indak.
Nan ka Partai Persatuan pimpinan J. Naro ndak yakin
ambo.
Iyo indak.
Jadi nama lai?
Antahlah, carilah surang, kecek ambo.
Atau PPP?
Iyo, jawek ambo.
Hah……???? tanyono agak tapurangah. PPP itu kan lah
abih tu. Partai kapatang, partai pandampiang salamo
Orde Baru. Baa mangko itu nan kaangku piliah.
Itulah sababno ambo kecekan sabanano urusanko kan
rasio. Itukan dima ati nan kacocok.
Tolonglah agiah tau ambo a bana alasan angku mamiliah
PPP tu kok iyo. Mudah-mudahan tamakan diambo kabanaran
angku itu.
Iyo agak sarik tumah. Amboko bukan urang politik.
Indak tau jo politik dan kabatulan pulo kurang suko jo
politik. Tapi dek awak musti sato mamiliah juo, mako
tantu ambo paralu juo manimbang-nimbang.
Bialah nak ambo curaikan juo saketek.
Katiko sato Pemilu nan partamu kali taun 71 ambo
mamiliah Parmusi. Mungkin dek tapangaruah dek
urang-urang gaek awak nan Masyumi saisuak. Taun 77
katiko nan sato pemilu jadi 3, PPP, Golkar jo PDI,
ambopun jadi pamiliah PPP. Katiko itu alah jo
kayakinan sabab itu partai urang Islam. Baitu juo
sataruihno satiok Pemilu sasudah itu, walaupun ambopun
tamasuak nan diintimidasi supayo mamiliah nan ditangah
alias Golkar. Sakali duo kali Pemilu panah ambo
satangah bakampanye pulo ka kawan-kawan untuak indak
paralu takuik-takuik mamiliah nan salain Golkar.
Katiko induak samang ambo panah satangah mangancam
kalau ambo indak mamiliah partai karateh koa (kuniang)
tu ambo buliah ‘take it or leave it’, ambo
sanyum-sanyum sajo. Kecek ambo jan cameh, ambo piliah
biko (PPP). Dima pulo kamungkin awakno tau, nama nan
kadipiliah di awak. Jadi amboko alah simpatisan PPP
sajak saisuak, kecek ambo kaangku nan batanyoko.
Jadi hanyo sakadar itu sajo. Sakadar dek angku alah
tradisi mamiliah PPP, samantaro kini banyak pilihan
partai baru angku indak amuah barubah, tanyo Tan
Barainko pulo baliak.
A ikolah puncak kaji, kecek ambo. PPP tu adolah partai
nan mahimpun umaik Islam. Asa mulono, antah apo nan
tapikia dek Suharto jo konco-koncono, dipasatuanno
partai umaik Islam manjadi PPP. Tantu sajo samustino
iko marupokan kasampatan untuak marapekan jamaah,
jamaah umaik Islam. Rupono ikopun taraso juo kudian
dek Suharto, mako indak baranti-ranti awakno
mahoyak-hoyak partai tu.
Kudian Suharto nan santiangtu diparantianno juo dek
Allah SWT. Lapeh rangkik-rangkik kasadoan urang. Samo
mnggaliek kasadoanno. Sudah itu balomba-lomba urang
mambuek partai politik. Sadiah ambo mancaliak, baa
mangko sarupo iko pamimpin-pamimpin umaik Islam.
Bamacam-macam namo partai, antah apolah tujuanno.
Samantaro ambo katatap sajo bapacik ka tali nan
ciekko, Ka wadah nan panah dipakai untuak bakumpua
jamaah umaik Islam sabalun mareka tapacah-pacah sarupo
kini. Tangiang-ngiang ditalingo ambo “wa’ tashimu bi
hablillahi jamian walaa tafarraqu” (bapacik areklah
kalian kapado tali Allah, jaan kalian bacarai barai).
Aa itulah alasanno.
Faam ambo, kecekno pulo. Kalau baitu ambo kamamiliah
PPP pulo.
Sampai disinan rundingan kami katiko itu.
Wassalamu'alaikum wr.wb.,
Lembang Alam
__________________________________________________
Do You Yahoo!?
Get personalized email addresses from Yahoo! Mail - only $35
a year! http://personal.mail.yahoo.com/
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
