Konbanwa Makjo Duta,
Mambaco imel makjo iyo agak taibo ati ambo. Alah ampia sataun ambo disiko,
baru Tokyo ciek nan tajajak baru. Itupun sabateh Akihabara sajo. Tanyato
indak Piaman sajo nanlaweh doh, Japang pun laweh pulo. :) Jadi mohon maaf
ambo inda bisa bacarito banyak ka Makjo soal nagariko. Nan jaleh kampuang
amboko terkenal jo julukan Yukiguni nyo (daerah basalju -sakadar ma
ingekkan). Dan iko ta bukti sajak awal Desember patang, salju disiko ko
tingginyo mancapai 2 meter. Didaerahko lantai 1 tiok rumah biasonyo gudang
atau garasi, soalnyo tatimbun waktu musim dingin. Dan daerahko adolah salah
satu tampek tujuan urang Japang kalau ka main ski.
Daerahko terkenal sabagai panghasil bareh no1 lamak di Japang. Kualitas
barehnyo rancak. Barangkali sarupo jo Solok diawak. Otomatis jugo sabagai
panghasil sake paling lamak di Japang. Cuman soal sakeko iyo indak ado
aratinyo dek ambo doh. Walaupun murah bana (cuman Y2.000, tapi kalau dibali
di Tokyo, merek yang samo jadi Y12.000!), tapi dek awak diharamkan
maminumnyo, iyo indak pernah bacubo doh.
Kampuang amboko arahnyo ka Niigata. Barangkali Makjo masih ingek.
Kuranglabiah sajajar jo Tokyo, cuman di pantai baratnyo (arah daratan Asia).
Itu baru nan bisa ambo otakan ka Makjo baru. Mudah-mudahan bisa mambuka
kenangan maso mudo dulu.
Hilman
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
