Mak Lembang,
Lah ambo baco "rang Panggaleh serial 1-4, batua, tapek dan padek
bana, mudah-mudahan kalau lai rang panggaleh ikuik mambaco, akan bisa
maimprove. baiak dari segi pelayanan, mutu dlsbnya.
Kalau buliah ambo sato saketek, yaitu :
1. Dari segi pelayanan, kadang-kadang, iko kadang-kadang go eh, ambo
agak stress balanjo ka rang panggaleh, aratinyo sanak awak ko, karano
raso-raso ka kanai hariak se awak, kalau ago atau tanyo ciek barang lai
masih dilayani, untuak tanyo kaduo, lah mulai agak sandek jaweknyo, kali
katigo, jaweknyo " Ang kamambali atau kabatanyo sajo !!!! ", kalau samo Apek
atau Amoi, inyo bisa manahan perasaan atinyo, walau lah sajam duo awak
bertahan di kadainyo., mungkin dalam artian pelayanan ko paralu dipelok-i
saketek.
2.Dari segi mutu, dalam masalah makanan, iko nan paralu bana
dirobah, dan iko adolah sangaik vital, karano manyangkuik mutu makanan,
yaitu makanan awak, sarupo kue mangkuak, pinukuik, kue, bika, bubua kacang
hijau,itu acok diagiah sarimanis atau S 28, sebagai pengganti gulo pasia,
sahinggonyo agak lain rasonyo, cubo kalau pakai gulo pasia biaso, tantu akan
lamak rasonyo, memang agak maha saketek dibandiangkan pakai sarimanih.
Bagindo
> ----------
> From: Muhammad Dafiq Saib[SMTP:[EMAIL PROTECTED]]
> Reply To: [EMAIL PROTECTED]
> Sent: Friday, 16 3, 2001 16:09 PM
> To: [EMAIL PROTECTED]
> Subject: [RantauNet] Rang Panggaleh
>
> Assalamu'alaikum wr.wb.,
>
> Lembang Alam
>
>
> RANG PANGGALEH(4)
>
> Jadi rang panggaleh paralu pulo sifaik sportif. Baa
> kaindak, di pasa-pasa barang galeh nan sarupo biasono
> takumpua di ciek-ciek tampek, nan manggaleh dagiang
> samo manggaleh dagiang, urang manggaleh ikan samo-samo
> urang manggaleh ikan, urang manggaleh kain samo-samo
> manggaleh kain, toko ameh baririk-ririk samo-samo toko
> ameh sarupo di jalan Kumidi di Bukiktinggi tu. Satiok
> rang panggaleh punyo kiek masiang-masiang untuak
> mandapekan langganan nan kamambali. Jarang awak
> mandanga ado cakak antaro sasamo rang panggaleh nan
> badagang barang nan samo ditampek nan
> basabalah-sabalahantu. Acok kali malahan marekako
> tampak kompak. Indak ado cido mancido. Tantulah
> katabedo kok dalam sistim manggaleh buliah mangecekan,
> 'jan babalanjo pulo disinan, disiko sajolah, nan di
> sinantu barangno buruak.' Rasaki masiang-masiang dan
> insya Allah asa lai samo saba, samo pandai marayu
> pambali, masiang-masiang tatap pulo kasamo bajua bali.
>
> Pakaro manggaleh sacaro labiah gadang, agakno paralu
> urang awak manconto ka Singapura. Kiek nan nampak
> diambo, nan partamu bana adolah caro malayani urang
> nan kamambali. Iko sabanano urang awak alah samo
> santiangno. Nan kaduo manjago mutu barang nan kadijua.
> Iko mungkin nan paralu agak dipeloki. Sajak saisuak
> jadi cimeeh di urang, 'tabali jaitan Ampek Angkek,
> sabanta baru dipakai alah cabiak.' (Jaan bangih pulo
> urang Ampek Angkek, itu carito dulu, kini alah banyak
> kamajuan. Dan ambopun urang Ampek Angkek.) Jadi
> aratino bana agak taliti awak andakno saketek dalam
> hal iko. Ado carito nan agak sadiah juo awak. Satiok
> kali etek Zul bakirim kalau kami pulang ka kampuang
> mintak tolong dibalian karupuak balado salalu pakai
> catatan, 'tolong balian nan di Pondok di Padang, kalau
> indak itu jaan lai.' Sabab walaupun kapelono kapelo
> Gaduik juo, ladono lado Padang Lua juo, nan di
> Pondoktu agak dipaliarono di tacitu mutuno. Nan katigo
> arago jua agak babanderol andakno saketek. Kalaupun
> kabalain, jaan sampai bedono jauah amek. Sakik ati
> awak katiko tau barang nan awak bali 500, kirono
> dibali kawan 300. Nan kaampek kabarasihan. Pasa iyo
> paralu juo barasiah. Sanang ati urang lalu lalang di
> pasa nan barasiah. Kalau pasano kumuah tantu mainda
> urang.
>
> Kok pandailah urang awak di nagari awak mameloki
> saketek-saketek kaarah sarupo itu, gadang juo harapan
> awak nan bahaso ka rami juo Ranah Minang, paliang
> indak kajadi tampek urang mambali-balah. Katiko
> nagari-nagari alah iyo bana ba OTDA, samantaro SDA di
> nagari awak nan iyo agak kurang dibandiangan jo daerah
> sabalah, indaklah paralu awak cameh bana. Bialah nak
> barami-rami urang datang ka Bukiktinggi, atau ka
> Padang, atau kama sajo di Ranah Minang, di tampek
> urang pueh sasudah mambali, sambia mareka
> tacangang-cangang pulo mancaliak nagari nan indah
> banatu
>
> Sakitu sajolah dulu.
>
>
>
>
>
>
>
>
>
> __________________________________________________
> Do You Yahoo!?
> Get email at your own domain with Yahoo! Mail.
> http://personal.mail.yahoo.com/
>
> RantauNet http://www.rantaunet.com
> =================================================
> Mendaftar atau berhenti menerima RantauNet Mailing List di
> http://www.rantaunet.com/subscribe.php3
>
> ATAU Kirimkan email
> Ke / To: [EMAIL PROTECTED]
> Isi email / Messages, ketik pada baris/kolom pertama:
> - mendaftar: subscribe rantau-net [email_anda]
> - berhenti: unsubscribe rantau-net [email_anda]
> Ket: [email_anda] = isikan alamat email anda tanpa tanda kurung
> =================================================
> WebPage RantauNet dan Mailing List RantauNet adalah
> servis dari EEBNET http://eebnet.com, Airland Groups, USA
> =================================================
>
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
