Assalamu'alaikum wr. wb.,
Lembang Alam
ARAGO RUPIAH (2)
Sasarik-sarik iduik, sa�vivere veri coloso� no bana
Bung Karno katiko itu, alhamdulillah kami lai siaik
juo. Mungkin dek iduik di kampuang, makan padi
taranak, jo sayua pucuak kapelo dari alaman balakang,
ikan dipapeh di tabek balakang pulo, atau kalau indak
kami (paja-paja ketek katiko itu) pai manaankan papeh
(malatakkan papeh sudah itu ditinggakan) sanjo ari di
pamatang sawah, ditantui pagi subuah dapek dek kami
baluik sawah. Bialah indak kabanyak bana, ayam lai
pulo batalua ciek jo duo. Bialah tapaso antri bana
mambali minyak tanah, pamakaian minyak tanah indaklah
banyak, paliang-paliang paiduiki lampu togok jo lampu
dindiang. Lampu nan labiah tarang saketek pado itu,
lampu siturongkeng kami sabuik, jarang diiduiki urang,
biasono kalau ado urang baralek atau di musajik kalau
bulan puaso. Untuak mamasak didapua urang tuo kami
biasono mampagunoan kayu api. Kayu apiko dibao urang
sababan-sababan gadang dari arah gunuang Marapi,
dipajua balian urang jo bareh. Ado nan aragono tigo
liter, ampek liter bareh. (Saliter di urang
kampuangko, by mistake adolah satangah liter nan
sabanano).
Batambah laruik taun, batambah juo arago rupiah nan
jadi pokok carito kitoko malayang-layang. Puncakno
tajadi katiko dipangujuang taun 65 pitih dipaketek,
nan saribu jadi ciek rupiah. Nan ciek rupiahko untuak
samantaro di agiah �embel-embel� �baru�, ciek rupiah
baru nan samo jo saribu rupiah lamo. Uang karateh ciek
piah ko (satu rupiah) sirah warnono, nan saringgik
(dua satangah rupiah) biru. Nan labiah gadang indak
takana di ambo warano no doh. Kaduo macam pitih, uang
baru jo uang lamo samo bajalan, samo dipakai untuak
samantaro gadang. Jadi bisa sajo awak mambaia ciek
rupiah (baru) disonsong urang 500 rupiah (lamo).
Rupiah baruko mulo-mulo tadiri dari pacahan ciek
rupiah, saringgik, limo rupiah, sapuluah rupiah, duo
puluah limo rupiah. Kasadoanno bagambar Sukarno. Ado
juo uang karateh sasuku (50 sen) jo ciek tali (25 sen)
nan bagambar tentara sukarelawan. Nan sapuluah sen jo
limo sen indak takana diambo. Harusno tantu ado, tapi
nilaino indak amuah diasuah lai. Indak laku pambali
karupuak ciek. Baa mangko pitih kaciak-kaciak ko uang
karateh pulo? Sabab katiko itu uang logam alah indak
bapakai lai doh.
Pitih baru bagandiang jo pitih lamo tu lai indak
lamo-lamo bana doh sabab nan lamo di ilangkan dari
paredaran sacaro baransua-ansua. Namun nan pitih
barupun indak juo amuah badagok, sabab indak lamo
bagai urang baretong jo ciek piah duo rupiah doh, lah
baransua pulo naik jo luah-luah (sapuluah-sapuluah)
sudah itu jo tuih-tuih (saratuih-saratuih) baliak.
Tapi lai juo talalui sabanta, karupuak Batuampa
baarago 2 buah pulo ciek tali (uang baru) atau duo
ratuih limo puluah rupiah uang lamo.
Rupiah tu taraso lai agak tanang aragono saketek,
indak barubah-rubah banyak lai, katiko Suharto jolong
mamarintah jo Orde Baruno sajak taun 67.
(basambuang insya Allah)
__________________________________________________
Do You Yahoo!?
Get email at your own domain with Yahoo! Mail.
http://personal.mail.yahoo.com/
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
