Ass.ww
Alah salasai kaji ruponyo ustadz. Salanmaik mandarma baktikannyo ka kampuang
awak. Insyallah kampuang awak tatap bisa tagak samo tinggi, duduak samo
randah jo propinsi lain. Walau mereka tu kayo jo sumber daya alam.
Ambo turuik mandoakan, semoga muttaqqin nantun dapekpai pulo nanti.
Wass.ww
St.P
-----Original Message-----
From: [EMAIL PROTECTED] [mailto:[EMAIL PROTECTED]]
On Behalf Of Khairi Yusuf
Sent: Saturday, March 31, 2001 11:48 PM
To: [EMAIL PROTECTED]
Cc: [EMAIL PROTECTED]; [EMAIL PROTECTED]
Subject: [RantauNet] Kembali bertugas
Assalamu'alaikum.w.w.
Dunsanak kasadonyo, baiak nan di surau atau nan di lapau. Iko adolah surek
terakhir dari ambo untuak di Japang ko, sabab bisuak ambo barangkek pulang
ka Padang lai. Babaliak ka FTUA manaruihkan karajo nan alah lamo
ditinggakan. Kok lai sempat juo ambo manulih di Padang nantik, kito
taruihkan pangajian kito ataupun carito-carito kito. Tantu sajo dalam
kondisi nan agak tabateh dek karano indak sabebas dan saperai di siko.
Mudah-mudahan diagiah juo jalan dek Allah swt. untuak managak-kan ugamo ko,
baiak malalui tulisan ko ataupun dalam da'wah dan amal.
Kok soal gala, gala tatinggi dalam bidang akademis di mato manusia iyo alah
dapek dek ambo. Gala "doto" di mato manusia. Tapi nan gala "doto" di mato
Allah swt. iyo alun lai doh, yakni gala "muttaqiin". Padahal iko nan
sangaik-sangaik paralu bana dek karano urang nan salamaik, urang nan
baruntuang, urang nan akan dimasuakkan ka dalam sarugo, iyo urang nan ba
"predikat" muttaqiin" ko nyoh, atau ciek lai, urang nan mati "syahid" dalam
managakkan agamo Allah (jihad fi sabilillah). Nah itu nan ka kito tuju lai,
sabab nan iduik di dunia ko iyo singkek sasuai jo kecek Nabi saw., "kalau
kito cilamkan tangan kito ka dalam lauik, aia nan tingga di jari kito tu lah
iduik di dunia ko, sadang aia lauik tu kasadonyo itulah iduik di akhirat".
Jadi, kan iyo sio-sio namonyo kito kok kito abihkan umua kito di dunia ko
dalam maso nan pendek ko kok indak untuak mancari iduik nan panjang tu. Baa
gak ti dek dunsanak ?.
Dek karano itu, tolong juo ambo jo do'a, supayo gala "doto" di mato Allah
swt. tu lai dapek juo ambo jangkau. Aaamiiin.
Kapado urang dapua (surau jo lapau rantau-net), dan admin
ftua, tolong alamaik ambo nan iko diapuih dan diganti jo
[EMAIL PROTECTED]
Wabillahi taufiq wal hidayah
Wassalam
Khairi Yusuf
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
