Kapado dunsanak ambo sadonyo nan sato dipalanta rantaunet ko, ketek indak basabuik namo, gadang indak basabuik gala, salamo ambo bagabuang jo rantaunet alun nampak di ambo apo kiro-kiro atau kama arah dan tujuan dari ota nan ado di palanta ko... kalau ambo caliak kiniko ota nan ado kiniko saroman sajo maota di kadai kopi simpang ampek, carito alah alah kasinan kamari tapi indak tantu ujuang pangkanyo, bak kecek lagu saluang , tiak sabanto manyabuik "anak urang padang panjang pai kabalai....." indak pernah mangecekan anak awak doh, baalah keadaan anak awak lai kamakan, lai baju untuak sikola paja.. indak ado tapikiekan. kini di palantako banyak bacurito tantang keadaan baa urang dijawa, baik itu nan duduk di pamerintah atau di partai politik, pokoknyo sado alaihe indak taetong lai. sabanta lai urang ka bacakak banyak dijawa. kini baa pakana dunsanak kiniko...???? kalau dicaliak dengan ado nyo partai politik kiniko siapo sajo nan kamanjadi pamimin indak ado nan ka mauntuangkan bagi sumatera barat. karano dengan adonyo gejolak politik ko baarti urang jawa berhasil mambuek opini melalui partai politik sahinggo tiok daerah lupo mamakiekan baa nagarinyo. nan paralu baa partai politiknyo bisa manang bia awak sakampuangpun indak paduli. pokoknyo kalau indak saide libas sajo kecek rajo angek!!! sajak kito mardeka sampai kini alah kito liek basamo apo nan bisa di pabuek dek partai politikko ??? karano partai politik itu lebih banyak di pakai untuak maatua urang daerah di indonesiako dek pamerintah pusek (kito tau bara persen urang daerah nan mandapek kue itu bilo di bandiangkan jo urang jawa) jadi kapado dunsanak dan ado diplantako marilah bapikie baliak baa sabananyo urang minangko... ? lai basaga juo anau tu ???? jawaban tantu tapulang kapado dunsanak kasadonyo. wassalam dari ambo afdal_koto
|
