--- Arisman Adnan <[EMAIL PROTECTED]>
wrote:
> On Wed, 9 May 2001, Bandaro wrote:
>
> > Mak Sati tapaso mapospon acarano dikampus dek
> karano rendesvous jo
> > ambo di Ulak Karang, Silasa 2 Mei.
> > Mak Sati, thanks for the TTno.
>
> Mak Bandaro, mokasi ateh laporannyo, laporan
> diterima:-). TT tu artinyo
> Teh Talua kan? Mak Sati, batulak jo teh talua sajo
> Mak Bandaro yo:-)
>
> Wik-end kapatang kami pai balega 3 hari di Scotland,
> menyusuri danau demi
> danau (urang sinan manyabuiknyo Loch), sesekali
> baganti jo lauik. Hampia
> satiok daerah nan dilalui kami bandiangkan dgn
> daerah awak, maklum lah
> taragak pulang. Lah tabayang2 Danau Singkarak, Danau
> Maninjau, Danau
> Diateh-Danau Dibawah, Danau Toba...sbg pambandiang
> Loch Lomond dan Loch
> Ness. Disuatu tampek, bahkan mengingekkan kami ka
> Gunuang Asok Tennessee
> di tampek Ni Ben.
Curito Ajo ko mambuek pikiran ambo malayang-layang.
Takana dek ambo apak angkek ambo di Ross & Cromarty,
dakek Invernes, di utara Scotland tu. Namonyo Bill
McKenzie. Inyolah nan mambukak an mato ambo bahaso
iduik basuku-suku tu indak kuno bagai doh.
Ayah Bill baitu bangganyo jadi anggota clan McKenzie.
Inyo curitokan babagai macam kehebatan urang McKenzie
tu: ado nan jadi urang kayo gadang, profesor, jendral,
dan lain-lain. Kalau inyo pai ka Amerika, inyo latiah
mangunjungi sanak-sanak McKenzienyo tu. Tapi inyo
sangaik bahagia.
Bininyo, Joan - amak angkek ambo tantu sajo -- mambao
ambo ka rimbo labek dakek rumahnyo. Inyo panggak-an
pulo rimbo tu sebagai bagian dari kekayaan McKenzie.
Amai Joan ko aslinyo urang England, tapi dek lah kawin
jo Ayah Bill labiah 20 tahun, inyo lah sato bangga
pulo jadi bagian keluarga gadang lakinyo.
Bill indak lupo mambao ambo ka kastil tampek kapalo
sukunyo tingga, tamasuak jo pakuburan gadang punyo
suku tu. Sudah tu ambo diajak-ajaknyo pai ka pabrik
bir: punyo klan tu juo.
Tapikia dek ambo, urang McKenzie bisa makmur karano
inyo mensinergikan kekuatannyo dalam suku, dan inyo
bisa iduik makmur jo caro-caro itu. Baitu juo nan
dilakukan clan Menzie. Masyarakaiak awak mungkin bisa
pulo bantuak tu. Urang Caniago misalnyo, bahimpun
baliak, bangun solidaritas, kumpuakan modal, bangun
kejayaan. Tanah pusako indak paralu dipikiakan bana
kalau alah tandeh, karano tanah ciri-ciri masyarakaik
agraris. Kito bisa mambuek pusako-pusako baru,
tamasuak jo rekening basamo di bank.
Iko sekedar gagasan sajo. Baa agak aa, mamak?
ECDtRM
>
>
__________________________________________________
Do You Yahoo!?
Yahoo! Auctions - buy the things you want at great prices
http://auctions.yahoo.com/
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
