ŧ���mm�����k�m w�r�hm�t����h� w����k�t�h
RantauNet dibangun subana ado semangat untuak hal-hal nan sarupo
dimakasuik oleh Uda Edy Utama ko. Ambo sangaik mandukuang sakali. Jadi
sarancaknyo memang harus labiah baiak dari nan ado kini ko, tapi
kangen-kangenan indak pulo bisa disalahkan begitu sajo.
Nah, sarupo nan ambo sampaikan kapatang (Subject: RantauNet & Surau),
bahwa kadang sulik untuak mamisahkan antaro diskusi jo indak diskusi
dalam tampek umum sarupo iko. Kalau memang rasonyo akan tumpang-tindiah
disiko, rasonyo awak cubolah buekkan biliak khusus. Ambo alah buekkan
biliak khusus untuak diskusi di [EMAIL PROTECTED] Disiko awak iyo
bana-bana badiskusi tapi indak dilarang juo untuak manjadi pambaco sajo.
Karakter milis memang agak sulik dibantuak, kadang bias tanpa disadari
dan ado sajo nan ka batele-tele nantinyo. Untuak hal nan sarupo iko alun
ado jalan kalua nan tampak di ambo
Kalau satuju jo ide ambo diateh, alah bisa dipakai
[EMAIL PROTECTED], caro subscribe sarupo dibawah, kirimkan email:
Ke/To: [EMAIL PROTECTED]
Isi email/Messages, ketik pada baris/kolom pertama:
subscribe diskusi [email_anda] --> untuk mendaftar
unsubscribe diskusi [email_anda] --> untuk berhenti
Ket: [email_anda] = tanpa kata mendaftar/berhenti dan isikan alamat
email anda tanpa tanda kurung
Sarupo milis-milis lain nan ado di RN, ambo juo akan buekkan remotenyo
di @yahoogroups.com, sebagai arsip dan back-up.
Iko cuman ide ambo ... ingin mancubo hal-hal nan sarupo iko, apokah akan
jalan ... kito liek sajo perkembangannyo. Kecenderungan untuak indak
jalan sebagaimana mestinya, sangat gadang. Kalau memang sarupo itu,
mungkin dihapuih sajo dan tetap di [EMAIL PROTECTED]
Manaruihkan masalah sinergi nan ambo sampaikan kapatang, jo hal-hal
ketek sarupo iko sarancaknyo awak mulai kongkritnyo. Jadi terarah dan
indak tumpang-tindiah ... nan nio badiskusi untuak kamajuan Sumatera
Barat dan Minangkabau, di [EMAIL PROTECTED]; nan nio mampadalam
ugamo di [EMAIL PROTECTED]; tentang adat di [EMAIL PROTECTED]; lain
dari pado itu di tampek umum ado di lapau [EMAIL PROTECTED]
Sekaligus mancubo mangakomodir keluhan IJP. Dek awak nan ado di surau
dan lapau ko urangnyo hampia itu-itu sajo.
Iko ide ambo nan sasuai jo misi didirikannyo server RantauNet. Ambo
masih picayo jo pepatah "basatu kita teguh, bacarai kito runtuh",
sepanjang tidak ada pemaksaan untuk persatuan itu sendiri.
Kalau ado pandapek atau ide lain silahkan sajo ... :)
W姧��mm�����k�m w�r�hm�t����h� w����k�t�h
-------------------------------------
MIKO - Administrator RantauNet
-------------------------------------
e-mail: [EMAIL PROTECTED]
[EMAIL PROTECTED]
> -----Original Message-----
> From: [EMAIL PROTECTED]
> [mailto:[EMAIL PROTECTED]] On Behalf Of edyutama
> Sent: 19 Mei 2001 08:47
> To: [EMAIL PROTECTED]
> Subject: [RantauNet] AGENDA DISKUSI RANTAUNET
>
>
> ( ... )
>
> Ambo mausul, baa kalau satiok bulan awak mengagendakan
> diskusi awak tu dengan tema-tema yang awak sapakati basamo,
> di samping masalah-masalah aktual yang muncul baik di
> kampuang maupun di rantau nan patuik pulo awak komunikasikan.
>
> Salamo ko ambo mancatat ado babarapa masalah nan patuik awak
> angkek manjadi topik diksusi, dan mudah-mudahan bisa mencari
> solusinyo.
>
> PARTAMO, masalah hubungan antar kampung dan rantau dalam
> perkembangan masa kini dan masa datang. Ambo mancaliak ado
> nan indak klop salamo ko, sahinggo banyak manimbulkan salah
> sangko dan konflik. Pertanyaan masalah ini mungkin bisa
> dimulai dari; apa posisi atau peranan urang rantau terhadap
> kampung halamannyo?; dan apa
> pula posisi dan tugeh urang kampung? Iko bisa kito caliak
> dalam perspektif Minangkabau, dima antaro rantau dan kampung
> harus merupokan sinergi yang bersifat dialektis.
>
> KADUO, baa sabananyo model nan relevan untuak mambangun
> nagari-nagari di Minangkabau? Kini kan sadang rami-raminyo
> istilah "baliak ka nagarai". Nah iko bisa pulo kito
> diskusikan basamo, baa urang di rantau mancaliaknyo dan baa
> pulo urang di kampuang. Apo nan dapek kito lakukan untuk
> tagak banagari ko??
>
> KATIGO, masalah kehidupan pemikiran dan intelektual Minang,
> nan acok dipakatokan salamo ko. Awak indak usah terlalu
> banyak mangana nan lamo, tapi diskusi masalah ko kito arahkan
> baa intelektual yang punyo karakter bisa muncul dalam
> masyarakat Minang.
>
> KAAMPEK, ambo yo mamintak kok tajadi diskusi baapun kareh dan
> babedanyo kito, jan sampai ado dunsanak kito nan bacaruik
> atau bakato kasa, karano caro ko adolah caro nan anti-intelektual.
>
> Mungkin masih ado topik lain nan paralu kito diskusikan,
> silakan dunsanak tambah, dan sasudah tu mari kito tantuan
> nama nan ka awak bahas dulu.
>
> Sakian sajo dari ambo,
> Salam,
> Edy Utama
RantauNet http://www.rantaunet.com
================================================Mendaftar atau berhenti menerima
RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
================================================WebPage RantauNet dan Mailing List
RantauNet adalah
servis dari EEBNET http://eebnet.com, Airland Groups, USA
================================================
