Tarimo kasi Edy ( sialah gala garan ???) lah basadio
manjadi moderator. Saroman posting ambo sabalunko, salamoko
io indak ado nan "sempat" manjadi moderator.
Dibalerong Rn ko nampakno sarupo iko Edy ;
Palapau lai cukuk rami, cuma sabagian gadang manjadi
pandanga nan baik.
Tantu kendalano lah samo maklum awak ; wakatu untuak manyilau
Rn basalingkikgan diantaro karajo, ado pulo nan akses dari rumah
tapi indak bisa pulo balamo-lamo atau indak tantu kadibahas, atau
antena "sayuik". Ado pulo kendala bahaso jo materi.
Mbo raso hanyo sabagian ketek nan bisa mambahas / badiskusi
topik nan katangah dengan agak "mandalam".
Jadi kok kurang sambutan, tapulang ka Edy, kami tatap maharokgan
agar Edy taruh mamotivasi diskusi di balerongko.
Ambo sandiri gaek dibengke, pansiunan montir, jadi harap maklum pulo.
Untuak topik salanjukno aa nan sadang "hot"lah.
Wass
Bandaro ( 50+), Bogor
~~~~~~~~~~~~~~~~~~~~~
edyutama wrote:
>
> Assalamu'alaikum W. W.
> Dunsanak Ambo nan di lapau ko, tarimokasih tanggapannyo
> tantang Agenda Diskusi Rantaunet ko. Dek Ambo nan mamulai
> manyarankan Ambo basadio manjadi moderatornyo. Tapi tantu indak
> bisa satiok hari doh ambo maunyian posisiko, karano taruih tarang
> ambo acok indak di rumah, urang palala istilahnyo di kampuang.
>
> Kini aturan diskusinyo indak usah tarlalu kaku, tapi nan pantiang
> lai terarah dan tatap dalam rel persoalannya. Sia nan malenceng
> kito agiah tahu. Nah, sekarang topik pertamo nan ka kito diskusikan
> apo nan rancak?? Ado banyak masalah dalam masyarakat awak kini.
> Tapi sabaiknyo awak jan tajebak dalam persoalan yang hanyo
> marupokan ekses atau persoalan di permukaan sajo.
> Ambo amati nan ado salamo ko di lapu ko, ado masalah kebangkitan
> kembali fundamentalisme dalam kehidupan pemikiran keagamaan,
> sahinggo ado usaho untuak mambuek aturan malarang padusi kalua malam.
> Masalah ko memang hangat. Ado pulo persoalan baliak ka nagari????
> Dek awak ka mamakai pendekatan Minangkabau, ambo mausulkan
> baa kalau awak mandiskusikan soal baa sabananyo nan rancak
> untuak nagari awak ka muko, dan apo nan paralu dilakukan. Sabab
> hampia saluruah persoalan nan awak bicarokan manjadi masalah pulo
> di nagari-nagari kini ko. Baa konteknyo kalau dikaitkan dengan
> tagak badunsanak mamaga dunsanak, tagak basuku mamaga suku,
> tagak bakaum mamaga kaum dan tagak banagari mamaga nagari.
> Jadi maksudnyo apa tangungjawab sosial nan paralu awak kembangkan
> dalam hubungannnya dengan nagari awak surang-surang.
>
> Sakian dulu dari ambo, kalau masih ado ide nan lain mari kito katangahkan.
>
> Tarimokasih,
> Salam dari kampuang
> Edy Utama
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
