[RantauNet] batanyo

[rudi]

assalamu'alaikum   maaf pintak daulu sabulun ka batanyo ka bakeh angku2 di palantha ko.   ado makasuik nan ambo patangahkan satantangan jo gala adaik nanko.   ilustrasi ambo saketek : sataun nan lalu ambo diagiah gala dek datuak2 mbo : Sutan Pamenan Gala nantun iyo ambo tarimo jo gadang ati, tapi apo arati gala tu ambo yo dak tau doh. kok lai dikampuang, ambo di imbau Sutan. Mintak tlg ambo di palantha ko, apo makasuik gala sutan pamenan nan ambo pakai kini. Dan ciek juo, ambo sabananyo indak urang minang, ambo laia di lubuak basuang, gadang di maninjau, baurang rumah  ang pdg panjang. apak mbo asli jawa, rang gaek padusi rang malayu (riau). Karano ambo lah laia dan gadang di ranah minang, tantu adaik nan mbo pakai adolah adaik minang.   karano itulah ambo minta tolong ka angku2 di palantha manjalehkan ka ambo apo nan ado ambo sampaikan dari lubuak ati ambo :   1. Apokah gala adiak nan ambo pakai ko (sutan pamenan) sah sacaro hukum adaik. ? 2. untuak apo sabananyo gala adaik di bari ka urang mode ambo ko ? 3. Ba a  kadudukan ambo dalam masyarakaik adaik di minang kabau ? 4. Apo arati Sutan Pamenan ? (maaf ambo alun sempat batanyo ka nan maagiah gala tu)   tarimo kasih banyak kok lai di jawek di sutan/mamak2 di palantha ko.   wassalam