Assalamu'alaikum WW,
Ambo nak sato lo ciek sakedar untuak malapehkan unek-unek sasuai jo topik
diateh.
Bung Amin ko memang indak salah rang gaek baliau maagiah namo dan lah samo
kito caliak sepak terjang baliau didalam politik sabana santiang, ambo
sebagai nan awam angkek tangan ateh karajo dan tangguang jawab baliau.
Sabalun Soeharto jatuah, baliau nan paliang getol sebagai pejuang demokrasi
nan turun kajalan dan ancaman sarato garatak baliau mambuek Soeharto sampai
manyuruah Wiranto dan Jaksa Agung wakatu itu untuak manangkok Bung Amin,
tapi syukur indak jadi talaksana.
Kalau kito telusuri ambo dapek kasimpulan bahaso Amin Rais lah nan pado
hakekaeknyo motor penggerak sampai Soeharto tumbang. Setelah Habibie ditulak
pertanggung jawabannyo dan diadokan pemilu dan kito tahu PDI kalua sebagai
pemuncaknyo, mako baliau buek lo poros tengah untuak manghalangi Mega jadi
RI-1 sahinggo Gusdur nan indak dicalonkan PKB samo sakali malahan disokong
rami-rami dek poros tengah, tapi dengan catatan kalau tanyato indak mampu
nantik mako ditangah jalan akan dijewer talingonyo dan bilo paralu
dihantamkan, kecek Amin Rais wakatu dulu itu.
Amin Rais memang batangguang jawab jo janjinyo dan lah samo kito caliak dan
saksikan bahaso janji nan disampaikan baliau dulu memang ditapek-i dan ikara
di mulia nyo.
Mega nan dulu dihalangi mesti nayiak ka RI-1 sasuai jo UUD, nah... sia kini
nan ka maisi RI-2 ?? Tanyato banyak kandidat dan tajadi pro dan kontra
didalamnyo dan itu bisa kito simak wakatu suaro Hamzah Haz basaiang jo
Akbar.
Kebanyakan pengamat manjagokan suaro Akbar akan batambah dari suaro Susilo
nan lah gugur, ciek lai urang Golkar memang terkenal jo lobbying mereka
salamo ko.
Disikolah Bung Amin manampakkan sakali lai keahliannyo sebagai politisi dan
ahli strategy untuak bisa manduduakkan Hamzah sebagai RI-2 sahinggo para
pengamat nan keceknyo santiang-santiang tu tapurangah gadang dibueknyo.
Caliaklah beda suaro Hamzah jo Akbar sangaik signifikan tarutamo di ronde
nan ka 3.
Untuak itu ateh kepiawaian Amin Rais ambo bapandapek bahaso Amin Rais lah
labiah dari pado sekedar Presiden dan paralu dianugerahi bintang kehormatan
nan paliang tinggi.
Bak kecek urang baliau adolah juara nan indak ba mahkota.
Sakitu pulo dari ambo, kok bana nak samo kito baok lalu nyampang kok ukan
mintak diasak kabakeh nan iyo.
Wassalam,
St. Rangkayo Basa
-----Original Message-----
From: Z Chaniago [mailto:[EMAIL PROTECTED]]
Sent: Saturday, July 28, 2001 8:25 AM
To: [EMAIL PROTECTED]
Subject: Re: [RantauNet] Track Record Amin Rais
Assalamu'alaikum WW|
Cubo ambo maliek dengan caro pandang ambo saketek...
Ambo babaliak ka balakang... di wakatu sabalun Pemilu kapatang.. wakatu
kampanye-kampanye...ambo bandiang-bandiangkan calon-calon presiden dari
partai-partai nan ado.. ,supayo ketek diantaro partai nan arahnyo ka Islam
Buya Didin H dari Partai Keadilan
Bang Yusril IM dari PBB
Gus Dur dari PKB
Amin Rais dari PAN..
babarapo kali ambo danga dan turuikkan kampanye dari urang-urang itu..
hanyo Amin Rais surang nan selalu picayo diri mangatokan
...'...."insyaAllah" saya siap jadi Presiden RI...' dibandiangkan jo nan
lain nan hanyo manjawab baliku-liku bapolitik dulu ..dan point pantiang dari
kalimatnyo Amin Rais nan jadi point bagi ambo adolah kato
.."insyaAllah"-nyo...
Sahinggo jikok baliau indak jadi presiden tantu Yang Maha Kuaso sajo nan tau
lai ...
Ambo wakatu itu juo heran.. kok partai partai lain dan urang-urang lain PD
untuk mangatokan siap jadi Presiden..eg Sri Bintang P, Syarifuddin H, RO
Tambunan bagai... eh malah Presiden awak kini nan wakatu itu "silent
mode"..dan wakil presiden kini nan kurang PD kali,.. dan kini manjadi RI1
dan RI 2...
So itulah pandangan ambo dalam posisi dari Amin Rais..
Wassaalam
Z Chaniago - Palai Rinuak ..
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
