Ma sagalo adidunsanak jo anak kamanakan di sagalo suduik bumi Allah ko,
Assalamu'alaikum wr. wb.
Ambo baru baliak dari alek kawin ipa Maifil sabanta ko. Adiak rang rumah
baliau jadi anak daro. Namun nan ka ambo kabaan rahmat Allah swt. nan ciek
lai ateh Maifil sakaluarga.
Barakaik doa kita basamo, rang rumah baliau, Yeni, lah malaiakan anak baliau
nan partamo, si gadih, ari Jumaik kapatang, 3 Agustus 2001 lk. pukua 23.05
WIB di rumah basalin dakek rumah mintuo baliau di Lapai, Padang. Si gadih
ketek ko nan kutiko mancogok bareknyo 3,5 kg dan panjang 48 cm, diagiah namo
dek induak apaknyo AULIA RAIDATHUL MAKNA, dan mulai diimbau jo namo
panggialan kasayangan ARUM. Ambo jo induak bareh lansuang sakali mancaliak
si gadih rantih ko ka rumah basalin tu. Alhamdulillah anak jo induaknyo
siaik wal afiaik.
Ari Jumaik nan ka tibo si gadih ko ka dikekahkan sakali dan ari Akaik
sudah tu, Maifil barangkek ka Jawa baliak.
Untuak rang lapau nan baru ambo maklumkan, Maifil ko adolah salah surang
rang dapua rantaunet nan tiok ari sato maunyian tungku basamo jo Miko,
Gindo, dll.
Salam,
mS
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
