Batuo bana komen Mr. Ajoduta, nan pitieh lai awak juo nan macik.
Sabananyo banyak urang awak diateh tu cuma lah biaso kiniko inyo ndak namuh mangaku
urang awak sabab inyo alah dari inyieknyo dirantau urang. Urang lainpun indak tau
kalau ureknyo urang awak.
Pak Emil Salim tu kececk urang sumsel, itu warganyo, memang batuo sabab inyo urang
Baturajo (kalau ambo ndak salah), tapi urang awak tau kalau beliau tu cucu dek Angku
Agus Salim.
Ambo adoh pangalaman wakatu di batawi, lah jaleh kawanko urang awak tapi indak namuh
pakai bahaso awak. Itu tando inyo malu jadi urang awak. Kalau dipikie-pikie apolah
dosonyo kalau sasamo awak pakai bahaso awak dan apolah doso urang awak di nagari ko.
Keceknyo kalau awak pakai bahaso awak dirantau tadanga dek urang, disurakan nyo awak
padang bengkok, labih baik awak pakai bahaso betawi sajo. Malah adoh nan manuka
panggilannyo supayo tadanganyo sapinteh indak bunyi namo urang awak.
Kalau dipikie-pikie istilah padang bengkok tu dibuek urang lain untuok manjatuhkan
pamor urang awak dikancah nasional. Tapi sejarah indak bisa dituka atau dikicuoh kalau
urang awak tu banyak nan bajasa ka nagari ko sajak taun 1928.
Ciek lai, salamo Pak Harto jadi Presiden, urang awak banyak dikader di Golkar. Begitu
Babe jatuh, PAN pulo nan banyak di awak, cuma kader PAN ko alun sehebat ilmu kader
Golkar itu sahinggo Amin Rais indak bisa mempromosikannyo jadi Mentri. Kader nan dari
Golkarpun agak malu pulo malobi Akbar Tanjung sabab golkar indak manang mutlak di
Sumbar sarupo dulu. Saharusnyo dari PPP nan jadi saingan Golkar dari dulu bisa
memunculkan kadernyo, cuma indak tapilih dek Mega, contohnyo Ibu Aisyah Amini.
Jadi kondisi urang awak kiniko serba tangguong jo serba riskan untuk tampie.
Kambali kecek ambo patang, kito tunggulah Ajoduta nan kamaloporinyo.
> [EMAIL PROTECTED]: Thu, 9 Aug 2001 17:32:46 EDT
> [EMAIL PROTECTED] Re: [RantauNet] Urang awak di kabinet MegaReply-To:
>[EMAIL PROTECTED]
>
>Ijang baketek hati. Walaupun indak ado urang awak di kabinet,
>namun nan mamacik pitihkan urang awak induak angkangnyo.
>Gubernur BI Sjahril Sabirin. Bayangkan posisinyo indak bisa
>dioyak padusiden ehh...presiden nan padusi tu.
>
>duta
>
><< msg2.html >>
------------------------------------------------------------
Free Web-email ---> http://mail.rantaunet.web.id
Komunitas Minangkabau ---> http://www.rantaunet.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
