Alah salasai nan diujung, kalau bulieh ambo sato ciek. Mohon ambo minta maaf kalau
salah bakato.
Nam dampak negatif akibat industrialisasi tu ambo caliek yo indak bisa dibasmi 100 %.
Cuma bak kato Apak atau Uda nan dari Batam, lai ado pulo kamajuan baagamo di sinan tu.
Itu lai sanang hati mandanga tu mah. Ambo lai pernah pulo karajo di Batam cuma ambo
sanggup 6 bulan. Bukan dek segi negatif tadi tapi dek indak takao karajo di Pabrik,
nan masuk malam pulang pagi dan sabalieknyo.
Kalau di Muko Kunieng tu iyo lai rami urang ka Masjid, ambo lai acok ka sinan wakatu
itu. Tapi kiniko mungkin labieh meriah pulo.
Kalau bulieh ambo maharok, kalau di kampuong awak ka dibukak kawasan industri,
sarancaknyo digalakan juo pangajian model di Masjid IKIP Padang tu. Kalau paralu buka
pulo Darrudtauhid macam di Batam tu. Kan lai banyak dunsanak dari Banduong nan ka
mancontoh model pangajian Darrudtauhid Banduong.
Mulai SMP sampai perguruan tinggi digalakan pangajian sarupo ko. Baitu inyo masuk
pabrik, imannyo alah di tempa, indak tagoda dek pandatang, baik dari lua nagari maupun
dari lua daerah.
Rusaknyo nagari tu kan dek awak nan gadang ko juo, nan mancontohan karajo nan indak
batuo. Contohnyo; kalau datang Kontraktor dari Kota Besar (JKT, Medan, dll), disambuik
dek subkon daerah jo pesta karaoke, ujung-ujungnyo main padusi, asa lai dapek proyek.
Kalau iko nan ditaruihkan, caliek sajolah akibaiknyo.
Maaf ambo nan ketek ko. Saitu dari ambo dulu.
> Rinaldi - SHE Dumai <[EMAIL PROTECTED]> "'[EMAIL PROTECTED]'"
><[EMAIL PROTECTED]>Date: Mon, 13 Aug 2001 09:49:44 +0700
> RE: [RantauNet] efek samoing modrenisasiReply-To: [EMAIL PROTECTED]
>
>Manyingguang sangenek yo..
>Pemerintah kan lah mambuek peraturan-peraturan Cth: Kep. Ka. Bapedal No. 8
>Tahun 2000 Tentang Keterlibatan Masyarakat dan Keterbukaan Informasi dalam
>prosess Analisis Mengenai Lingkungan Hidup.
>Nantinyo peranan Masyarakat diparaluan bana dalam mengkaji ka badirinyo
>suatu Industri...
>Nah... iko paralu di paratikan bana Dampak Lingkungannyo tarutamo dalam segi
>Sosial budaya dan Ekonomi.
>Ndak lamo lai Sumbar kan jadi kota MIGAS pulo yo kaan....Mudah mudah
>jadi....
>Jaan ekonomi sajo nan dipikiakan sampai sampai sosial budaya ta jua
>jadinyo...
>Caliak contoh kanan sudah.. abiak eloknyo buang buruaknyo..
>
>Wassalam.
>Dedi..
>
>-----Original Message-----
>From: rudi antono [mailto:[EMAIL PROTECTED]]
>Sent: Monday, August 13, 2001 9:02 AM
>To: [EMAIL PROTECTED]
>Subject: Re: [RantauNet] efek samoing modrenisasi
>
>
>di jawek pandapek angku ciek yoh ..
>
>ado bana nan angku sampaikan, dan ado juo nan dak
>bana.
>ambo salaku panduduak batam labiah tau ba a batam nan
>sabananyo. apo nan angku sampaikain adolah sikap
>"euforia' nan balabihan.
>Mancaliak batam indak buliah dari ciek sisi sajo doh.
>mungkin angku tahu bara banyak nyo kegiatan-kegiatan
>keagamaan di batam. kegiatan remaja masjid yang paling
>aktif di propinsi riau, majlis taklim yg salalu
>diadokan sabtu/minggu dan hari2 biaso nyo. kalau ambo
>bandiangkan jo dikampuang, iyo jarang bana majlis
>taklim nan ko, apolai nan di parakarsai rang
>mudo-mudo.
>kalau angku kalua malam, ijan pai ka nagoya atau
>samiyong sajo, cubo caliak ka batam center, muko
>kuning, tiok malam minggu nan rami urang kalua, iyo
>taraso agamo Allah di bumi batam ko di tagakkan bana,
>lautan jilbab-jilbab putiah/tilakuang .. nampak cando
>aa tu di angku .. masya Allah .. luar biaso angku, iyu
>tambah bakambang agamo Allah disiko dibandiang di
>tampek ambo atau di kampuang angku sakalipun.
>kasimpulannyo, angku ijan mancaliak dari ciek sisi se
>yoh !!..
>
>satantangan jo panduduak asli batam nan angku
>sampaikan dak ado, iyo lah salah gadang angku tuh !!
>.. kok di danga di rang malayu, iyo lah kanai usia
>angku dari bumi malayu ko. sabab ado sorang tokoh
>batam nan asalnyo dari medan/batak, yg profesinyo
>pengacara mangatokan labiah kurang sarupo nan angku
>sampaikan tadi. rekasi urang malayu (pemuda
>tempatan"PERPAT", Forum Komunikasi Rakyat Malayu,
>Masyarakat Hinterland, dll) indak disangko2
>sabalunnyo, sapakaik mausia si pengacara nan tun.
>masih salamaik karano ado jaminan dari ketua otorita
>batam, walikota batam dan unsur tokoh malayu satempek.
>"indak ka ilang malayu tu di bumi sandiri" .. baitu
>samangaiknyo rang malayu angku ..
>
>'sutan pamenan'
>
>
>
>--- zulfahmi jamuris <[EMAIL PROTECTED]>
>wrote:
>> Bagurau dikadai Kopi rang Subalah
>>
>> EFEK SAMPING MODRENISASI
>> Assalaamu'alaikum Wr Wb
>>
>> Kapado dunsanak-dunsanak nan barado di bumi Allah
>> ko, ambo
>> kabacarito agak saketek mungkin bisa maubek hati nan
>> luko,
>> pikiran nan rusuah dan mungkin juo bisa manambah
>> pangalaman
>> dek dunsanak-dunsanak nan barado disaputaran mill
>> list
>> rantau net.
>>
>> Carito ambo ko , masalah bagurau nan nyato. Yaitu
>> tantang
>> "Betapa kentalnyo kehidupan baragamo dalam suatu
>> daerah nan
>> alun tasentuh yo zaman nan dikatokan modoren".
>> Kalau awak analisa agak saketek zaman moderen ko
>> yoo alah
>> mulai mambuek kito jauah yo sandi-sandi agamo.
>> Disiko dapek
>> kito liek yo daerah-daerah nan alah maju , samakin
>> maju
>> daerah tu samakin jauah inyo baragamo , dan banyak
>> kito
>> tamukan tampek-tampek maksiat disinan .
>>
>> Nan bantuak ko dapek juo kito caliak ka kehidupan
>> kampuang
>> kito maso dahulunyo nan buliah dikatokan agak
>> tabalakang,
>> tapi kalau kito caliak dari segi untuak manjalankan
>> sari'ai
>> baragamo jauah labiah kuat urang dulu dibandiangkan
>> yo urang
>> kini, dan banyak pulo urang dulu nan kiramat bisa
>> manghilangkan tubuahnyo nan kasa karano dek
>> pamahaman
>> pangajian nan didapeknyo dalam Alqur an.
>>
>> Kalau awak cubo pulo pandang ka daerah lua
>> Hongkong, Taiwan
>> , dan Singapura contohnyo itu adolah tamasuak
>> daerah
>> industri terbesar di dunia tapi, kalau kito caliak
>> tingkek
>> perbuatan maksiat disinan Masya Allah, paniang
>> kapalo
>> mancaliaknyo.
>>
>> Baa pulo kalau pulau Batam, nan manjadi daerah
>> industri
>> berkapasitas terbesar pulo di Indonesia ko, Disinan
>> tu bisa
>> awak caliak kadang-kadang lai pulo bantuak kampuang
>> indak
>> batuan, banyak urang nan mambuek maksiat
>> tarang-tarangan dan
>> tampek-tampek hiburanpun tumbuah begitu pesat sarupo
>> discotic, karoke, dan bar-bar .
>>
>> Sampai-sampai ado pandapek nan mangatokan Untuak
>> mangundang
>> Investor asing datang ka suatu daerah tu harus
>> banyak juo
>> mangambangkan atau manyadiokan tampek-tampek hiburan
>> barupo
>> discotic, koroke dan bar-bar sadangkan itu tu sarang
>> nyo
>> untuak babuek maksiat. Pandapek nan bantuak ko
>> sacaro ateh
>> karateh di tantang dek pamerintahan satampek, dek
>> mahasiswa
>> , dek pambuka-pambuka adat nan ado disinan . Tapi
>> kanyataan
>> nyo baa ?
>> Memang iyo, urang asing tu suko bana katampek nan
>> bantuak
>> tu, sambia babisnis hiburan pun dapek, kan itu kato
>> Inyo.
>>
>> Dalam hal bantuak ko ado daerah-daerah nan ado
>> disekitar
>> kito ko indak buliah daerahnyo dikambangkan manjadi
>> daerah
>> industri karano Inyo tahu efek samping dari daerah
>> industri
>> tu adolah mambuek daerah tu maju kalau alah maju apo
>> nan
>> tajadi maksiat tantu maraja lela .
>> Dan inyo takuik kalau kampuangnyo dibuek maju bisa
>> mambuek
>> hilang dan punah kehidupan kampuang nan akrap baiak
>> dalam
>> manjalankan sari'ai baragamo atau caro-caro
>> pergaulan urang
>> di kamapung.
>>
>> Ingek kito wakatu Pulau Madura ka dikambangkan
>> manjadi
>> daerah industri sarupo yo pulau Batam. Batapo
>> karehnyo urang
>> Madura tu mempertahankan daerahnyo supayo indak
>> dikambangkan
>> manjadi daerah industri. Alah bamacam caro
>> Pemerintah kito
>> untuak mambujuak urang Madura tu tapi urang Madura
>> tu tatap
>> basikareh indak amuah.
>>
>> Sabab target pemerintah Indonesia wakatu tu dalam
>> hal
>> pengembangan daerah Industri ado duo yuitu Pulau
>> Batam
>> barado di Indonesia bagian barat dan Pulau Madura
>> Barado di
>> Indonesia bagian Timur. Kalau Batam dikambangkan
>> indak ado
>> halangannyo masalahnyo penduduk aslinyo indak ado
>> sahinggo
>> untuak mangkutak-kutiak daerah tu indak ado masalah.
>>
>> Jadi mako diajaklah wakatu tu Para Cedekiawan .
>> Khiyai-khiyai dan pemimpin adat Madura wakatu tu
>> untuak
>> bakunjuang kapulau Batam nan alah talabiah dahulu
>> dikambangkan. Sasampai di Batam di Servis lah
>> urang-urang tu
>> dan di lalokkan ka hotel nan babintang , diajak
>> urang-urang
>> tu katampek-tampek nan rancak untuk dicaliak, Ka
>> komplek
>> indusri nan ado di sinan sahinggo urang-urang Madura
>> tadi
>> mulai tabujuak dan dikatokan ka inyo "Jadi kalau
>> Madura
>> dikembangkan nanti akan seperti inilah bapak-bapak"
>> Baitu
>> kato salah surang pamandu ka Urang Madura tadi,
>> Urang Madura
>> menjawab :
>> " Kalau sperti ini boleh lah daerah kami untuk
>> dikembangkan".
>>
>> Sahinggo alah mulai lega pamerintah kito wakatu
>> itu. Tapi
>> satalah itu apo nan tajadi, ado pulo Wartawan nan
>> usil
>> datang Inyo ka hotel tampek urang Madura ko Manginap
>> dan
>> mangatokan ka Urang Madura tadi " Hei Pak Khiyai
>> Kalau lihat
>> Batam jangan tengoknya siang hari saja, coba juga
>> tengok
>> kehidupan waktu malam hari" .
>> Mako di ajaklah bapak-bapak khiyai tadi jalan pado
>> malam
>> hari tapeknyo tangah malam Wah�c�c�c�c.. apo nan
>> dijumpai,
>> banyak dijumpai kupu-kupu malam atau krennyo
>> disabuik
>> Lontong nan bakaliaran. Bapakaian rok nan
>> singke-singkek dan
>> ba baju yukensi kecek rangkini, pakaiannyo kain nan
>> tipih-tipih pokoknyo kalau bapakaian banyak nan
>> tabukak
>> dari pado nan tatutuik sahinggo ado dari
>> khiyai-khiyai tadi
>> yo bajabai aia liyua nyo mancaliak kupu-kupu malam
>> tu. Dan
>> ado pulo wakatu mangucap dan bakato : "Astag
>> rafirullah
>> tapi ado juo nan mambaco alhamdulillah sambia
>> mancaliak
>> matonyo tabulalak.
>> Bisuak paginyo apo nan tajadi. Mambaliak 180 derajat
>> dan
>> mangatokan daerahnyo indak buliah dikambangkan
>> manjadi
>> daerah indusri.
>>
>> Iko nan bisa ambo caritokan ka dunsanak-dunsanak nan
>> barado
>> di Rantau net Ko. Mungkin bisa managgapinyo agak
>> saketek.
>> Tarimo kasih dari ambo.
>>
>>
>> Wassalam
>>
>> Fahmy chaniago
>>
------------------------------------------------------------
Free Web-email ---> http://mail.rantaunet.web.id
Komunitas Minangkabau ---> http://www.rantaunet.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
