RE: [RantauNet] FW: Interview Skill

[RST]

Assalamu 'alaikum wr wb.   Angku Datuak, Niniak Mamak, Bapak, Ibu, Uda, Uni, Dunsanak kasadonyo di palanta.   Ambo ingin berbagi pengalaman. Sesuai dengan profesi ambo kiniko, sebagai konsultan manajemen, di mano salah satu penugasannyo adolah recruitment untuak klien-klien kami, mako ambo ingin mengungkapkan beberapo kesalahan mendasar urang manulih surek lamaran karajo, manulih CV, dan mengadapi interview.   Kesalahan mendasar manulih surek lamaran :   1. Surek lamaran indak jaleh maksuiknyo, batele-tele, indak straight forward. 2. Surek lamaran indak menunjuakkan alasan melamar dan  ringkasan kompetensi. 3. Surek lamaran labiah banyak babantuak surek pengantar sajo. 4. Surek lamaran manggunokan bahaso yang "kasar", indak umum dalam bahaso korespondensi bisnis. 5. Surek lamaran indak menjalehkan, mengapo perusahaan harus mamiliah pelamar untuak karajo itu.   Kesalahan mendasar manulih CV :   1. CV indak menjalehkan keahlian, tetapi labiah banyak menjalehkan ijazah, sertifikat, dsb. 2. CV indak manjalehkan kompetensi, labiah banyak manjalehkan pengalaman (ingat : pengalaman indak samo jo kompetensi). 3. CV dimulai jo data pribadi, seharusnyo dimulai jo pemaparan kompetensi. 4. CV hanyo barisi point-point sajo, indak ado penjelasan satiok point. 5. CV indak barisi prestasi yang pernah dibueknyo. 6. Urutan CV batele-tele. Urutan yang lazim dalam dunia bisnis, dimulai dari kompetensi dan kualifikasi, pengalaman kerja dan prestasi, pendidikan dan pelatihan, terakhir baru data pribadi dan informasi lain-lain.   Kesalahan mendasar wakatu interview :   1. Penampilan indak manunjuakan profesi nan dilamar (ado nan malamar jadi teknisi lapangan, interview pakai jas lengkap). 2. Menjawab pertanyaan batele-tele, bahkan inti pertanyaan indak tajawek. 3. Penampilan menegangkan, indak rileks, bisa-bisa pangana hilang wakatu ditanyo, bakaringek dingin. 4. Cenderung marandah wakatu ditanyo kompetensi jo prestasi (seharusnya proporsional, indak pulo gadang ota atau maninggi). 5. Alah kalah mental talabiah dahulu jo yang menginterview, apo lai kalau itu urang asiang. 6. Indak punyo informasi apo-apo mengenai bidang karajo nan dilamar sarato bidang bisnis nan dilamar (modal nekat sajo). 7. Kurang memiliki etiket yang lazim berlaku saat interview (tata caro duduak, tagak, basalaman, tegur sapa, dsb). 8. Interview indak dimanfaatkan untuak mancari tahu parusahaan atau instansi nan dilamar, urang sajo nan batanyo, inyo indak. 9. Nan sopan, jiko alah diinterview dek urang, seharusnya mengirimkan surek tarimo kasih untuak kesempatan interview.   Nah, dunsaka kasadonyo ... itu dulu babarapo tips dari Ambo. Mudah-mudahan bermanfaat.   Wassalam   Riri Satria Sutan Permato   this message was sent by Lembaga Manajemen PPM