At 09:07 AM 7/8/01 +0700, Refri Lukman wrote:
Manolah dunsanak kasadonyo,Jalo lusuah ikan ndak dapek, badanlah basah dek baranang.
Ketek nan indak basabuik namo,
Gadang nan indak basabuik gala,
Pokoknyo saganok nan ado dibalairong RN-ko
Sakadar parintang-ringtang ari, pahilang sakik kapalo,
Saisi pantun di balairong nangko,
Ambo binjek ciek-ciek, diambiek sado nan paralu,
Ambo jawek malah kini, cubo lah simak dek dunsanak ambo.
AriNofiandi:
> Bakukuak ayam dibirugo, tabanam matoari patang,
> Pandan diambiak ari cako, lapiak lah sudah kemaren patang.
Sijoli tabang katitiran,
Tabang manyisia-nyisia ladang,
Manyasok minum masuak lubuak,
Raso dihati indak tatahan,
Bialah lapiak lah sudah kemaren patang,
Marilah kitu mulai barundiang,
Baselo sambia duduak.
ajoduta17:
> Tabanglah tabang bangau jauh
> Tabang jauah kasubarang nagari
> Bangau bakahandak pulang malabuah
> Sayang palimbahan indak ado lai
> Sabananyo bangau lai pulang malabuah
> Sanak dicari, sudaro dijalang
> Palimbahan alah barubah jauah
> Gagak jo Alang alah tagak mangangkang
> Tapaso bangau mambaliak tabang
Dibali buah marapalam,
Dianyang duduak dibarando,
Mandanga bangau baliak tangan malam,
Lah bamain guntiang indak bamato.
Indak panjang bungo tanjuang,
Maleo-leo ka pabaran,
Ba-a palimbahan indak ka barubah, oi sanak kandung,
Banyak parasaian nan ditangguangkan.
Tapi samantang pun baitu ....,
Lah masak padi tangah sawah,
Nyo tuai anak Ulak Karang,
Campua jo anak Tanjuang Saba,
Mancaliak contoh ka nan sudah,
Kok mamandang ka nan manang,
Indak bisa mbo mancari panuka.
Toloang sambuaang ........
RefriLukman
Payo kumbuah koto nan ampek, basimpang jalan kelimbanang
Pantun rang Minang, pantun baibo hati..
Sariak jo sungai pua, dakek batagak jo batu palano
lapiak jo banta kalo dijua, alamaik badan kasansaro... kadima tidua beko.
Api-api saribu satu, angko satu muko balakang,
piliah diadiak nan katuju, kami nangko samogadang....
n.st.l.a.
tambah taruih, mudah-mudahan lai bamamfaat
