Assalamulaikum W.W.
Mohon maaf... kapatang ingin mambaleh, tapi tibo pulo
Mak Utiah dari Juraman manggaduah. Mukasuik hati ka
ditutuik dulu baru hari ko ambo ka mambagi pengalaman
seketek... tapi tatakan "send".
Ambo punyo pengalaman sandiri mengenai kristenisasi
ko.
Ambo masih ingek bana sekitar tahun 1989 wakatu masih
sikola di Banduang, ambo ikuik proyek dosen nan
mangarajokan proyek dinas PU.
Ado senior nan dari Batak. Urangnyo elok bana ka ambo.
Mangeceknyo pun lambauik dan jagok pulo soal mangecek
ko. Suatu hari ambo dipanggianyo ka ruangannyo...
tanyato di dalam alah ado ciek senior lai urang batak
pulo padusi. Mulo-mulo ditanyo soal karajo, taruih
soal sikola jo rang gaek... lamo-lamo inyo bae bahas
soal agamo. Mulailah inyo manggili-gili (kaduo senior
tu) untuak mampangaruhi ambo.
Ambo kecekkan... ambo urang Minang walau soal agamo
indak kuaik tapi indak ka namuah gai doh ambo pindah
agamo. Di baenyo badiskusi nan mambuek ambo ta-pojok.
Indak talok ambo menghadapi... ambo cari alasan baraso
ado karajo nan alun salasai.
Di panggangnyo ambo labiah dari duo jam.
Ambo sangko singgan tu se... eh indak. Panah
ditunggunyo mbo wakatu lembur malam dan ditunggunyo
sampai indak ado urang dikantua kecuali office boy.
Ondeh... raso ka tatinju si abang tu. Iyo tageh bana.
Satiok ado kesempatan ambo surang diri pasti
dikajanyo.
Kironyo indak ambo sajo nan di cubo dirubahnyo doh,
office boy, kawan-kawan junior nan lain baitu pulo.
Dek indak tahan ambo mangadu ka senior nan muslim.
Paranglah mereka. Dek senior nan muslim tu kami
dikumpuakan dan diagiah wejangan... tarutamo nan agak
lamah (tukang masak, office boy, dll).
Patuiklah ambo caliak inyo gampang jo ringan tangan
mambantu urang-urang ketek tu... tanyato ado udang
dibaliak rempeyek.
Urang-urang ko... indak nan lamah sajo targetnyo doh
... tapi urang nan abih sumbayangpun dikajanyo.
Untuang proyek itu indak lamo dek alah masuak ujian
semester.
Jadi alah tabayang dek ambo "caro-caro" urang tu nan
mancubo mambuek ulah di kampuang awak.
Ambo satuju ma-usia urang-urang tu dari kampuang awak.
Kalau indak salah ambo panah danga alah ado surang Mak
Utiah nan diusia dari kampuang awak dek karajo ko.
Kini Alhamdulillah keadaan tabaliak, ambo dapek
ma-irik surang .... hehehehe.
Indak usah pulolah ambo caritokan disiko, panjang beko
kaji tu. Mak Bandaro lah mangarati tu.... yo Mak.
Wassalam.
Mantari G.
--- Firdaus Ibrahim <[EMAIL PROTECTED]> wrote:
> --- Muhammad Arfian <[EMAIL PROTECTED]> wrote:
> > Padang Sebagai Prioritas Utama
> >
> > Bangsaku.com-Selain target aktivis, Kristenisasi
> > juga dilancarkan dengan
> > target wilayah. Paling tidak ada dua wilayah yang
> > dijadikan target; Sumatera
> > Barat dan Jawa Barat
__________________________________________________
Do You Yahoo!?
Get email alerts & NEW webcam video instant messaging with Yahoo! Messenger
http://im.yahoo.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
