Assalamu'alaikum.......,
Ba-a kabanyo kini tuh dunsanak-dunsanak nan ado di Lapau kito ko?.
Ambo ndak tau ka-basia ka dunsanak-dunsanak sadonyo.
Kok ka-ba uda.... Yo kok iyo gadang pado awak. Ta uda-an bana nan ketek indak masalah
bana do. Tapi kok ta uda-an nan lah senior. Mati kanai sumpah pulo awak beko. Kok
ka-ba apak alun tantu pulo senior-senior bana. Ka di-pa-angku-an. Siapo tau alun
gaek-gaek bana. Bialah, 'dunsanak' sajolah.
O.. iyo, sabalun-nyo ambo batarimo kasih bana lah ditarimo di lapau ko. Sakaligus ambo
manambahkan keterangan ambo waktu bakirim imel (e-Mail) pertamo kapatang. Pariaman
ambo di Pariaman-nyo bana. Tapeknyo bana di Kampuang Jao. Duo rumah sabalun SD 5,
kalau awak dari Pasa Pariaman madok ka Padang. Tingga di kampuang dulu bana waktu
ketek-ketek.
Iyo ko ba-lancik-lancik-an rumah wak tu, Da Adrizon. He...he....he....!!
Iko ma, dunsanak ambo kasadonyo.
Satahun nan lalu ambo mambaco buku ... (judulnyo ambo lupo), penulisnyo Amir M.S.
Bukunyo tentang Minangkabau. Mulai dari Pepatah-petitih-nyo sampai tradisi 'Malakok',
dan banyak lai. Disalah satu bagian buku nan tu, penulisnyo manulis tentang
'Babalai-Bamusajik'. Sudah tu, tigo atau ampek bulan nan lalu, ambo baru pulo salasai
mambaco buku biografi-nyo A.A Navis. Waw....., beliau memang urang yang luar biasa.
Sasudah mambaco buku Amir M.S. nan tu. Di kapalo ambo talinteh pulo ide sederhana.
Ba-a pulo kok seandainyo 'Babalai-Bamusajik' tadi direalisasikan di Kota Padang. Kalau
nan salamo ko kito tau, 'Babalai-bamusajik' tu cuma bisa kito saksikan di
kampuang-kampuang. Kini-ko kita buek di Kota Padang sebagai representasi dari
nagari-nagari yang taseba luas di Ranah Minang.
Dengan adonyo 'Balai jo Musajik' nan ko. Diharapkan generasi mudo Minang, labiah
memahami agamo sarato adat istiadat-nyo. Balai jo Musajik dibangun dengan mengadopsi
ke-khasan ornamen-ornamen saluruh nagari-nagari nan ado di Ranah Minang (bia ndak ado
kacamburuan nanti-nyo). Kok lah ado Balai jo Musajik tadi; Baralek Gadang, Batagak
Gala, Pangangkatan Panghulu sarato sagalo upacara adat Minang bisa pulo diadokan di
'Balai Basa' nan ko. Samantaro Musajik-nyo? Lah ka jaleh se ado manfaatnyo. Indak
saketek pulo kegiatan keagamaan yang acok dilakukan oleh urang awak. Bukankah dengan
adonyo Balai sarato Musajik tu akan lebih memudahkan wisatawan-wisatawan asing maupun
lokal untuak manyaksikan acara batagak gala dan baralek gadang tu. Indah payah bana
inyo datang ka kampuang-kampuang untuak mancaliak acara adat kito. Timbua pulo
pertanyaan, apo tiok sabanta ko urang batagak gala, mangangkek panghulu?. Memang indak
tiok sabanta urang batagak gala. Tapi kan balai tu bisa dipaseokan ka urang nan
mengadokan alek pernik
Apo pulo hubuangannyo samo A.A. Navis?
Sasudah mambaco buku otobiografi beliau tu. Hanyo ciek nan ado di kapalo ambo.
Beliaulah urang nan cocok untuak malobi-kan 'Balai jo Musajik' tu ka bakeh
pimpinan-pimpinan kito di pemerintahan dan wakil-wakil kito di dewan sarato mambujuak
urang-urang minang nan barado di parantauan untuak pembangunannyo.
Tapi setelah mancubo mancari keberadaan beliau di beberapa situs Internet (ambo hanyo
mancubo mancari surang alamat atau alamat imel tanpa pernah batanyo ka urang atau
badan-badan yang mungkin labiah mengetahuinyo), akhirnyo, lah panek bajalan ambo
basobok samo Lapau kito ko. Ambo baranikan diri untuak mandaftarkan diri sabagai
anggota. Alhamdulillah ditarimo. Dengan harapan di Lapau nan ko ado beberapa urang
pangunjuang-nyo nan punyo akses ka ateh. Sahinggo bisa lah kironyo 'gagasan sederhana'
ko dibaoknyo ka urang-urang nan labiah punyo wewenang.
Ambo raso sagitu dulu ota ambo. Mungkin ado kato-kato nan kurang, ambo minta maaf.
Maklumkan sajo ambo 'Anak Ketek Anyia' nan cubo-cubo mamikiakan kampuang halaman.
Itupun hanyo sabatas mancubo mamikiakan. Kok umua, yo alun cukuik, pangalaman apolagi,
sikola ndak pulo tinggi.
Sakali lagi ambo minta maaf untuak sagalo kato-kato nan salah.
Salam ambo untuak sado pangunjuang Lapau Kito-ko.
Wassalam
@ndri
Get 250 color business cards for FREE!
http://businesscards.lycos.com/vp/fastpath/
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
