Assalamu'alaikum wr.wb.,
Ado kawan ambo batanyo, apo nan kaawak sabuik katiko mandanga kaba nan mangajuikan umaik manusia di dunia sarupo nan tajadi di NY jo di Washington DC tadi malam tu. Jawek ambo singkek sajo, satiok kali awak mancaliak tajadi musibah, baiak langsuang manganai kabadan awak, ka dunsanak awak, atau kaurang nan sadang lalu lalang ditangah labuah gadang, atau juo kini nan tajadi di nagari rantau ajo Duta jo nyiak Sunguik tu, bacoan awak tatap samo. Inna lillahi wa inna ilaihi raaji'uun. Awak indak basyukur, indak pulo malaknat ka sia-sia, sabab sasudah ano tajadi sarupo itu kini iko tamasuak kadalam aturan 'takdir' nan alah ditatapkan Allah. Indak ado ciek juo usao apopun nan mungkin dilakukan umaik nan mano sajo, indak juo malaikat, nan kamungkin marubah takdir manjadi sarupo sabalun tajadi, indak kamungkin mambatakan nan alah tajaditu, indak mungkin di'indak jadian' sainggo gaduang tinggi WTC tu ndak jadi runtuah, tagak sarupo kapatang, 14 jam nan lapeh baliak.
Tantu sajo awak pun jadi sasi tantang 'kajaekan parang', antah parang nan maa sajo, parang nan maambiak korban diantaro urang-urang nan indak sato baparang. Antah nan maa lah nan sadang mahampeh tu kini. Namun diantaro nan jadi korban, ambo yakin, banyak bana urang nan indak tau manau jo nan di pacakakan urang. Urang-urang nan pai barangkek bakarajo pagi-pagi, baru sajo kaduduak nak mamuloi karajo, lalu dihantam dek kajadianko.
Awak basyukur, iko tantu buliah, dek kaluarga ajo duta lai salamaik. Ambopun sadang badoa pulo untuak dunsanak-dunsanak kito nan lain, tamasuak untuak kamanakan ambo nan bakarajo di World Bank di Washington DC, mudah-mudahan di paliaro Allah SWT.
Inna lillahi wa inna ilaihi raaji'uun.
Wassalamu'alaikum wr.wb.,
Lembang Alam
| [EMAIL PROTECTED]
Sent by: [EMAIL PROTECTED] 12/09/2001 06:19 AM
|
To: [EMAIL PROTECTED] cc: Subject: Re: [RantauNet] ba a suasana? |
Alhamdulillah kami sekeluarga lai aman-aman sajo.
Karyawan dikantua ambo dikumpuakan, kalau ado
nan perlu pulang dipersilahkan. Nyonya ambo pulang capek
dari tampek karajonnyo. Si Bungsu pulang capek pulo dari kuliahnyo.
Nan lain duao si gadih terhenti pulo kuliahnyo.
Sadonyo kantua di Washington, DC tutuik, sadonyo disuruh pulang.
Dek sadonyo bagudu, jalan jadi macet total. Banyak nan bajalan
kaki sajo puluhan km. Mall, bank, airport sekolah dll, tutuik.
Pemerintah bajago-jago, kalau2 ado bom barikuiknyo.
Nan jaleh Bin Laden ditudiang. Komunitas muslim di AS, belajar dari
Oklahoma, biasonyo ditudiangg pulo oleh masyarakat lain. Untuk
itu berbagai organisasi Islam meminta kepado umat, kalau ado
tindakan destruktif dari tetangga atau kawan sakarajo, supayo segera
melapor.
Baru sabulan lalu, ambo mambao mintuo ka NY,dan bafoto
dengan latar gaduang jangkuang WTC itu.
Terima kasih atau kepedulain sanak.
Wassalam
Dutamardin Umar
