Ambo sarumpuni doa dunsanak Elthaf Sri Bagindo. Indak ado tampek bapacik, indak ado tampek bagantuang salain dari kapado Allah SWT. Marilah kito samo mamintak patolongan jo palindungan hanyo kapado Allah SWT sajo.
Sabantako ambo tonton 'doa bersama' di NBC, di kathedral Washington DC nan dihadiri diantaro lain mak Buih Sr. jo mak Buih Jr. nan sadang mamacik kini, disampiang angku Kulinton bagai. Kasadoan pamuko agamo, tamasuak nan dari Islam sato badoa, bahkan nan paling dulu. Sato pulo rabbi Yahudi, Uskup Katholik, Pendeta-pendeta mungkin dari babarapo sekte. Jadi urang baagamo urang Amrik, jadi urang nan picayo Tuhan kasadono. Iko manunjuakan pangakuan nan bahaso katiko kasakikan iyo paralu juo Tuhan. Namun ado nan manakuik jo mancameh diambo, labiah pado ancaman ka pribadi-pribadi. Yoitu nan bahaso alah satoto samupakaik nagari Amerika nan mamarangi teroris jo caro apo sajo, jo biayo gadang sampai 4 milyard dollar. Diarah-arahlah musuah, dicari-cari nan ka jadi sasaran. Tunjuak sabana luruih kini ka Usamah bin Ladin nan barado di Afghanistan.
Pitih 4 milyard kan indak ketek. Sabanyak itu nan kadihampehan ka pambasmi teroris. Nan teroris ko samantaro, walau alun ado bukti alah direkayasa. Bahkan polling nan diadokan manuruik CNN mangecekan bahaso 61% dari urang Amrikko indak tau sia bana sabanano nan jadi musuah tu. Allah sajo nan tahu antah rencana apo nan ado di kapalo mak Buih jo kanti-kantino kiniko untuak mangurangi malu.
Usamah sandiri alah manyanggah nan bahaso awakno indak sato manyato jo urusan hari Salasa kapatangko di NY jo Washington tu doh. Tapi sagalo carito sadang dibuek untuak maarahan tunjuak bulek-bulek kaawakno. Salamoko awak alah samo tau, baa santiangno nagari nan maraso jadi pulisi dunia ko mampalakuan nagari-nagari nan manuruikno paralu dihukum (Iraq, Libya sabagai contoh). Iko nan labiah mancameh. Kok nyampang mahampeh habih pulono ka Afghanistan, nagari nan dihuni urang-urang Islam sederhana, nan alah lamo didaro parang.
Marilah samo mamintak kito pado Allah supayo dijauhkan No bala nan kamahadang umaik di duniako, tarutamo umaik-umaik nan indak badoso, nan indak badayo. Tarutamono umaik Muslimin jo Muslimat di sagalo pinjuru dunia ko. Amiin ya Rabbal 'alamiin.
Wassalamu'alaikum wr.wb.,
Lembang Alam
| "Boes Roestam" <[EMAIL PROTECTED]>
Sent by: [EMAIL PROTECTED] 15/09/2001 03:00 AM
|
To: <[EMAIL PROTECTED]> cc: Subject: RE: [RantauNet] ba a suasana? |
Add El jo dunsanak lainnyo:
siang ko di musajik, khatik manjalehkan bahaso bukanlah itu ajaran ugamo
islam nan buliah mambunuah urang. adolah salah urang nan malakukan
kamikaze co itu, tapi nan labiah randah adolah urang nan dibulakang mareka
nan mampagunokan urang2 berkamikaze tsb untuek agenda pulitiknyo.
manuruik khatik, inyo tahu bana didakek gaduang tu sambuah urang islam
dan tiok ari jumahaik, salalu mareka manyeo aula utk shalat.
lagi2 media pers ko lah nan ma-hambuih2 keadaan semakin indak manantu.
tarimo kasih doa Add dan dunsanak lain nan ado di palanta ko.
wassalam,
Boes
