Ass.Wr,Wb,
Dunsanak di lapau nan dirahmati dek Allah SWT,
Sato pulo lah ambo saketek babagi carito soal sampilik ko..
Kalau soal sampilik manyampilik itu mungkin sifat dasar sabagian
manusia..indak pandang dari suku maa asanyo.
Babaparapo hari nan lalu ambo pai manghadiri undangan kawan nan ma
akikahkan anaknyo nan baru lahia. Dek anaknyo laki-laki yo lah didabiah
duo ikua kambiang karano memang baitu nan disyariatkan Islam dan acara
akikah tu diadokan pas anak tu baumua 7 hari.
Dek ado topik soal 'sampilik' di lapau awak ko...yo lah takana dek ambo
soal kenduri baralek dikampuang ambo disabuah nagari di Luhak nan
babendara kuniang. Nan kenduri nan ambo carito kan iko adolah kenduri
pernikahan. Jadi dek sialek lah diundanglah urang sakumpuang..lalu sabalun
bado'a tantu ado pulo 'pasambahan'. Dalam pasambahan tu dikatokanlah dek
mamak rumah tu makasuik kenduri ko diadokan, nan partamo mando'akan
kaduo mempelai baru, nan kaduo mando'akan nan urang tuo baiak nan hiduik
jo nan lah maningga sarato nan katigo ma-akikahkan duo urang kamanakan.
Nan jadi tapikia dek ambo apokah lai elok ma-akikah kan anak jo 'manebeng'
di kenduri pernikahan tu..? Ambo cuma bapikia positif sajo, mungkin urang
tuo anak tu alun punyo piti ma-akikahkan anak wakatu anaknyo baumua 7
hari. Namun kadang tapikia pulo dek ambo..bia praktis dan 'hemat' biaya
makonyo akikah anak tu manebeng di acara kenduri tu.
Ndak taulah dek ambo apokah iko bisa dikatokan sampilik pulo..?
Namun nan jaleh hal ko acok ambo saksikan di kampuang ambo.
Indak taulah ambo apo di nagari lain ado juo hal sarupo ko.
Wassalam
On Wed, 19 Sep 2001, Rudy Gunawan Syarfi wrote:
> Ms. Dewis & Mr. Andri,
> Hahaha, iko lamak pulo diotakan nampaknyo.
> Ambo juo pernah punyo pengalaman menghadapi kelompok yang under estimate ka
> urang awak pakaro sampilik ko...
> Walau mungkin ado sebaian, tapi iyo naiak juo darah ambo di lapia jo kato2
> sampilik tu.
> Caritonyo dulu ambo (waktu msh kuliah) "bakawan" di Bandung, dan amak nan
> padusiko bapasan ka anakyo supayo hati2 jo urang minang (mereka selalu
> menyebut urang Padang, walau ambo dari bukiktinggi), karano berdasarkan
> obsevasi amaknyo urang padang ko iyo sabana sampilik!!! nan padusi ko inyo
> lapor pulo ka awak, iyo taagaak rambuik mandanganyo hahahaha, ambo datangi
> amaknyo tu dan ambo jelaskan kesalahannyo:
> 1. Ambo urang minang bukan padang.
> 2. Urang Minang bukannyo PELIT tapi IRIT, kalau misalkan ado bapitih dab nio
> mambali sepatu jo tali pinggang, kami akan mambali nan pantiang dulu;
> sepatu, bulan muko baru mambali tali pinggang. Jadi kami bukanlah kaum yang
> boros dan mubazir (pitih dipinggang jan ditanyo... hehehe.)
> 3. Urang Minang tu selain irit, bukan type "cowok/cewek matre", pantang
> mengemis, labiah namuah manyapikkan lidah ka lantai dari pado malu.
> 4. Jadi bukannyo sombong, aratinyo malah kaum kami masih lebih baik, kalau
> ka dipabandiangkan "Tidak Boros/Irit" dengan sifat "Royal Indak
> Baparetongan".
> 5. Mengenai sebagian nan sampilik tu...(sabananyo kan rahasio ko ah), dek
> awak samo awak hahaha ambo akui memang iyo ado juo...tapi apokah di rantau
> ko indak ado nan sampilik? Buaaanyaak atuuuh, bahkan maliang dan koruptor
> disiko naiak jaguar/mercy indak nyak malu bagainyo doh... malah labiah
> sombong dan tagak pulo badannyo hehehe.
>
> Jawaban spt iko tahun 1990 lai laku dan mangkuih, dan iko mungkin adolah
> aplikasi pelajaran panitahan nan acok di posting mak Bandaro di rantaunet
> juo, masa urang minang bisa kalah basilek lidah dirantau? kalau dikampuang
> ndak baa...memang banyak jagoan pasilek lidah.
>
> Cuboanlah jawaban ambo ka kawan tu, kalau lai juo jawaban darinyo haaaa bao
> lah kamari, dibalerong lai banyak kawan2 kito nan kamaladoinyo beko hehehe.
>
> Wassalam,
> Rudy Gunawan Syarfi
>
> Note: Iko kan hanya berbagi pengalaman dan carito palamak ota, sabalum kanai
> tembak dilapau, labiah elok ambo mangaku baraso Istri ambo iyo lai dari Jawa
> juo kasudahannyo huahahaha.
>
> ----Original Message Follows----
> From: "Andri Ca-An Mandai" <[EMAIL PROTECTED]>
>
> Assalamu'alaikum, wr, wb.
>
> Dunsanak Dewis...!
>
> Mungkin bukan hanyo dunsanak Dewis sajo nan pernah mandanga pakecek-an urang
> nan sarupo nantu. Ambo sendiri pun pernah. Kini tagantuang dek diri awak
> surang. Apo awak bisa manunjuk-an ka urang tadi tu basonyo urang minang itu
> bukan sampilik (tarutamo awak nan jadi lawan mangeceknyo). Jujur sajo, indak
> saketek pulo diantaro awak ko memang sabananyo pancikik. Mungkin sajo ambo
> tamasuak kadalamnyo. Tapi ndak ado salahnyo-mungkin labiah baik-kito barajo
> untuak jadi urang nan pamurah.
>
> Kok di kampuang indak pernah bagai awak mandanga urang kampuang mangecek-an
> awak panceke, mungkin dek inyo tu panceke pulo. He....he......he...........
> Tapi molah awak pai marantau, basuo samo urang dari banyak suku bangso, baru
> tadanga sakik talingo dipakecek-an panceke.
>
> Atau dek awak-ko tinggi ati salamoko. Ambo takana dulu wakatu di kampuang.
> Kok ado urang lain tadanga mangecek jo bahaso Indonesia, ndak batanyo bagai
> dulu doh apo inyo urang ma, lai ko bisa babaso padang, langsuang sajo
> talompek kato "baso minang se lah kabau". Kini baru taraso. Pai marantau, ka
> jawa pulo lai. Ha tapaso babaso indonesia.
> Aa... sudah saya katakan ke dia (alah den katokan ka inyo)
> Ada enak rasanya (lai lamak rasonyo) dan banyak lagi.
> Cubolah dunsanak pai ka tanak abang atau ka senen. Jaleh sajo ma nan padang
> disinan.
> Tu ciek lai. Nan bapaso-paso-an dibahasa indonesia kan. contohnyo "Parak
> Lawas" (Parak Laweh), "Terandam" (Tarandam), "Parupuk Tabing" (Parupuak
> Tabiang) dan lain-lain. Manga kok musti pulo di indonesia-indonesiakan. Kok
> awak liek di daerah lain indak ado bagai "Banyuwangi" diubah-ubahnyo do. Kok
> ka dijadikan bahaso indonesia nan batua sakalian. "Kebun Luas", "Terendam",
> kok parupuak yo ndak tau ambo artinyo do. Hi....hi....hi.........
>
> Sekian sajo komentar ambo Da Dewis, sekedar sato sakaki sajo.
>
> Wassalam
>
> @ndri
>
>
> --
>
> On Tue, 18 Sep 2001 14:41:35
> Dewis wrote:
> >
> >Assallammualaikum Wr. Wb.
> >
> >Kapado yth mamak-mamak atau dunsanak nan ado di Rantau Net, ambo ingin
> dapek
> >palajaran dari mamak mamak dan dunsana di rantau net, ado pandangan nan
> >cukuik sumarak dari urang lua terhadap urang padang (Minang) nan kurang
> >lamak juo di danga dek talingo, " Urang Padang Pelit" ambo sadari tantu
> >indak seluruh urang minang tapi kalau alah banyak urang manyabuik, baa
> kecek
> >urang ado asok tantu ado api.
> >Pernah pulo ambo mandanga pembelaan dari urang awak "Sabananyo bukan
> >sampilik tapi karano tingginyo pamahaman ekonomi urang awak jadi
> pengeluaran
> >manuruik prioritas kepentingan".
> >Tapi mungkin ado pandapek lain dari mamak mamak, sarato dunsanak lain,
> sabab
> >sangaik sulik bagi ambo untuak manarangkan ka urang, sabab di dalam
> berdebat
> >itu banyak contoh diagiahkan ka ambo..
> >
> >Wasalam
> >Is
>
>
> _________________________________________________________________
> Get your FREE download of MSN Explorer at http://explorer.msn.com/intl.asp
>
>
> RantauNet http://www.rantaunet.com
>
> Isikan data keanggotaan anda di http://www.rantaunet.com/register.php3
> ===============================================
> Mendaftar atau berhenti menerima RantauNet Mailing List di
> http://www.rantaunet.com/subscribe.php3
>
> ATAU Kirimkan email
> Ke/To: [EMAIL PROTECTED]
> Isi email/Messages, ketik pada baris/kolom pertama:
> -mendaftar--> subscribe rantau-net [email_anda]
> -berhenti----> unsubscribe rantau-net [email_anda]
> Keterangan: [email_anda] = isikan alamat email anda tanpa tanda kurung
> ===============================================
>
--
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
