Dari buku Kato Pusako, A.B.Dt.Majoindo, hal. 73 XX. RUNDIANG (Bicaro)
Kamuniang di tangah balai Ditutuah batambah tinggi Barundiang jo urang tak pandai Bak alu pancukie duri. Jikok barundiang lah sudah makan Jikok baranti lah lapeh rarak Baitu adaik nan biaso. Nan ka jadi buah rundiang Ka andai-andai urang di ladang Ka bida-bida urang di balai. Rundiang bak katiak ula Bakato bak balalai gajah Rundiang nan tajam dari sambilu Walau lukonyo indak badarah Padiahnyo lamo mangko sanang. Dubalang tagak di pintu mati Laloknyo siang bajago malam Tiduanyo balapiak sigaga Laloknyo bakulambu ransam Jikok bakato tak balandasan Kok barundiang balalu lalang. Bedo kato jo rundiangan Kalau kato lapanyo bamaana Kalau rundiang nan dibicarokan mukasuiknyo sampai. Ado tigo macam rundiang Partamo rundiang basimanih Kaduo rundiang basiginyang Katigo rundiang basirnsang. Nan dinamokan rundiang basimanih Rundiang nan liuak-liuak lembai, .. -dst... Tigo macam caro barundiang Partamo tipu Aceh Kaduo gurindam Baruih Katigo tangguak Malayu. Nan dikatokan tipu Aceh... -dst.. Salam -Adyan- RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================