Bismillaah, Ar-Rahmaan, Ar-Rahiim Kecek urang cadiak pandai, bahaso Islam adolah sebuah peradaban bukan kebudayaan. Sabanano hambo surang kurang jaleh bana apo bedo antaro "peradaban" dan "kebudayaan" tu. Kutiko sadang berang ka urang, "urang Padang" suko mangecekkan "indak baradaik". Iko makasuiknyo adolah "indak tau adat". Kok urang Indonesia mangeceknyo "di mana adabmu ?". Iko mungkin aratino adolah "tidak tahu adab dan sopan santun". Tetapi ado juo nan berang jo mangecekkan "biadab kau !". Iko hambo nan indak tahu arati-e : apo samo jo "tidak tahu adat" atau "di mana adabmu ?". Nan jaleh, kato-kato "adab" iko ado dipakai oleh IAIN misalnya sebagai "Fakultas Adabiyah".
Sanak kasadono nan hambo sayangi "Indak tahu adat" adolah urang nan indak tahu ba'a caro melaksanakan adat yang berlaku pada suatu komuniti. "Biadab" adolah untuak manyabuikkan urang nan indak punyo (bukan indak tahu) adab atau alun mengenal peradaban. Kato-kato iko biasonyo digunoan untuk manyabuik urang-urang nan masih tingga di hutan, sarupo urang Sakai dan Kubu di Sumatera atau urang Dayak di Kalimantan. Kok ado urang nan kanai hardik jo kato-kato "biadab kau !", iko berarti urang to alah dikecekkan samo jo urang-urang Sakai atau Dayak di hutan-hutan tu. Islam datang ka dalam hiduik awak sebagai sabuah "peradaban baru", nan akan marusak "peradaban nan biadab" itu. Sebaliknyo baitu juo, "kebiadaban" akan mengacam tagaknyo "peradaban Islam". Urang-urang modern nan anti jo Islam, mangecekkan bahaso "orang islam itu tidak berperadaban" karano di Islam ado hukuman mati, hukum potong tangan, hukum rajam dan lain sebagainya. Sedangkan hukum nan berdasarkan "kebebasan manusia" adolah nan mareka kecekkan sebagai "peradaban manusia moderen". Jadi kiniko, paliang indak ado benturan duo peradaban nan tajadi di sekitar awak, yaitu "peradaban Islam" jo "peradaban manusia modern". Peradaban manusia moderen itu ditandoi jo adonyo demokratisasi dan emansipasi wanita. Promotor dan fasilitatornyo adolah urang-urang barat(Amerika, Eropah, dll) digerakan dengan program dan dukungan jaringan nan kuek. Sedangkan peradaban Islam hanyalah bergerak di kalangan urang-urang Islam nan kabatulan pado miskin, terbelakang teknologi dan berada di perkampungan sederhana dengan dukungan jaringan nan acok tasumbek. Nan manjadi pertanyaan hambo kini adolah : "ba'a carono awak ko membangun peradaban Islam di tangah-tangah kueknyo arus pembangunan peradaban manusia moderen berdasarkan kebebasan manusia" ? Insha Allah, akan ado urang awak di siko nan mauah babagi pandapek untuk iko. Mohon maaf ateh sagalo kakurangan dan terimo kasih ateh sagalo parhatian. As-Salaamun alaikum wa rahmatullahi wa barakatuh. Syaifuddin Ma'rifatullah - Aceh. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================