Ass.ww Parmato, alah samo tau kan bahaso bumi ko bulek dan bulan mangaliliangi bumi? Kecepatan bulan mangaliliangi bumi labiah capek saketek dari paputaran bumi. Jadi mungkin sajo bulan tu alun nampak di Indonesia sampai Arab Saudi atau Afrika, tapi alah mancogok di Arizona.
Kalau awak tabang taruih samo jo kecepatan papuptaran bumi ka barat, mungkin wakatu malintasi Indonesia alun nampak bulan tu. Tapi wakatu malintasi Arizona alah mancogoknyo, tibo lah ari patamu puaso diari tu. Dan urang nan di Barat dari Arizona mamuloi puasonyo dari pagi barikuiknyo. Dek Bumi bulek dan pandangan mato mambias diudaro. Jo tinggi mato 5 meter diateh permukaan laut, bulan muloi tampak di cakrawala sawaktu tinggi sejatinyo minus 6 derajat (tinggi sejati adolah busur derajat antaro bulan jo cakrawala sejati, cakrawala sejati adolah bidang datar nan malalui pusek bumi tagak luruih ka pengamat di permukaan bumi nan tinggi matonyo 5 m tadi. Baliak ka bulan alah tampak dari permukaan bumi tadi, bararti tinggi sejati nyo pasti labiah gadang dari -6 derajat (indak salah -3 derajat) dan alah ado bulan nantun nan kanai sinar mato ari, alias bulan sabik. Sabok kalau alun bulan sabik alun tanggal satu tu lih doh (bulan mati namonyo alias seluruh permukaan bulan tatutuik dek bayangan Bumi) Nan banamo Ari Jumat itu dimuloi Bujur 180 BT samai 180 BB nan sabananyo garih bujur nantun itu juo. Kalau malintehi bujur nangko dari barat ka timur ari babaliak. Atau barubah dari ari Jumat jadi ari Kamih. Sabaliaknyo kalau malinteh dari Timur Kabarat, Ari Kamih lansuang jadi Jumat, walau wakatu itu masih siang bolong. Jadi hal saroman iko bisa sajo di Indonesia alun Puaso lai, tapi di Arab Saudi alah puaso. Mungkin Juo di Irian alun tampak bulan, jadi alun masuak puaso, tapi di Sumatra alah nampak bulan mako alah wajib puaso. Tolong pak kiai, Pak Boes, pak Lembang, pak Ikhsan Wahjudi dan pak ustadz nan lainnyo sacaro syariatnyo baa ko. Dek ambo iyo caro astronominyo nan tau. Wass.ww Darul Jkt -----Original Message----- From: Afriva Khaidir [mailto:[EMAIL PROTECTED]] Sent: Saturday, November 17, 2001 12:59 AM To: [EMAIL PROTECTED] Subject: [RantauNet] Puaso di AS Awak sadang makan siang sambia mambukak internet di kampus. Ruponyo ado e-mail dari kawan di Muslim Student Union, Indiana U., baso hari iko Jumaik, 16 November mulai awal Ramadhan di AS, karano kapatang malam alah nampak bulan di Arizona. Samantaro ambo masih bapadoman ka pengumuman minggu sabalunnyo di musajik sarato kalender dan jadwal shalat bahaso Ramadhan mulai hari Sabtu. Baa kolah hukumnyo, bisa dianggap indak tahu? atau harus mambaia puaso sahabih hari Rayo. Kamungkinan ambo akan bahari rayo jo keluarga di Padang. Mohon penjelasan dari nan tahu, mis. pak Saib atau udah Gindo. Parmato Alam RantauNet http://www.rantaunet.com Isikan data keanggotaan anda di http://www.rantaunet.com/register.php3 ==============================================Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ==============================================
