Angku
Ridwan:
nan
paneh kini ko di lintang salatan, sadang mantest guru
astronomi
ko mah
:))
biaso
kami lai mambuek tapai bareh sipuluik itam jo katannyo
sakali...cuma sayang indak ba lamangnyo do Angku
Ridwan,
bilo
kok kaniak ba o lah kami barang sabatang duo dih.
salamaik puaso.
wass,
Boes
-----Original Message-----
From: [EMAIL PROTECTED] [mailto:[EMAIL PROTECTED]]On Behalf Of RIDWAN Yasin
Sent: Monday, November 19, 2001 3:34 AM
To: [EMAIL PROTECTED]
Cc: [EMAIL PROTECTED]; [EMAIL PROTECTED]; [EMAIL PROTECTED]
Subject: Re: [RantauNet] [surau] Mamuloi Puaso
Assalamu'alaikum Wr. Wb,
Angku St.Lembang yo santiang maagiah katarangan nan simple dan mudah dimangarati dek urang awam.
Alah buliah pulo manjadi guru astronomi ambo komah, disampiang kapiawaian beliau di geologi.
Cuma kalau buliah ambo manambah saketek , tantu posis geografis (lintang utara /selatan )juo harus diparetongkan pulo
untuak maetong matohari tabanam.
Karano kiniko sadang musim paneh di bagian lintang utara, mako matohari tabanam labiah lambek , sahinggo bulan tuh lah makin jaleh
nampaknyo di ufuak barat.
Sakian sajo dari ambo,..... salamaik bapuaso angku Boes , .. lai ado lamang jo tapai ndak diCanada tu , untuak babuko ????
Wassalamu'laikum Wr.Wb
Ridwan
Muhammad Dafiq Saib <[EMAIL PROTECTED]>
Sent by: [EMAIL PROTECTED]11/19/01 12:51 PM
Please respond to rantau-net
To: [EMAIL PROTECTED], [EMAIL PROTECTED]
cc: [EMAIL PROTECTED]
Subject: Re: [RantauNet] [surau] Mamuloi Puaso
Assalamu'alaikum wr.wb.,
Ambo ulang baliak carito maetong awal bulan nan alah
panah ambo sampaian sabalunko manjawab tanyo dunsanak
Boes babarapo bulan nan lapeh.
Posisi bulan bageser pado jam nan samo dicaliak dari
tampek nan samo satiok ari labiah kurang 12 derajat
(lingkung langik). Sabab sajak bulan sabik (ditapi
langik di baraik)sampai bulan purnamo (ditapi langik
di timur), malalui lingkuang langik 180 darajaik dalam
wakatu 14 satangah hari, atau awak bulekan sajo
manjadi 15 hari.
Kalau hariko wakatu maghrib nampak diawak posisi bulan
di katinggian 12 darajaik misalno, mako baisuak pas
wakatu maghrib posisino bageser ka timur, naik 12
darajaik (=24 darajaik). Baitulah tiok hari batambah
12 darajaik, sahinggo di hari kalimo baleh latakno
alah di tapi langik sabalah timur (180 darajaik).
Pageseran posisi bulan sabanyak 12 darajaik di
lingkuang langik tu tajadi salamo wakatu 24 jam. Jadi
untuak satiok jam batambah latak bulan cako bageser
satangah darajaik kaarah timur.
Untuak labiah tapekno awak ambiak conto sarupo iko. Di
Jakarta, ari Kamih tanggal 15 November, wakatu
maghrib, posisi bulan, kito kecekan sajo persis di
titiak nol ufuk, aratino alun tampak bulan baru tu lai
doh. Jadi alun muloi urang puaso di ari Jumaaik.
Bageser awak arah ka baraik, misal ka Makkah. Ampek
jam sasudah maghrib di Jakarta, masuak pulo wakatu
maghrib di sinan. Dalam salisiah wakatu ampek jam itu,
mako posisi bulan alah naiak 4 x satangah darajaik
atau duo darajaik, mako urang di sinan manatapkan
puaso ari Jumaaik. Baitu pulo samakin bageser awak
kabaraik, manyusul pulo wakatu maghrib dan untuak di
Arizona nan wakatu maghrib tibo 12 jam sasudah maghrib
di Jakarta mako urang Arizona alah manampak bulan
satinggi 6 darajaik pado hari Kamih patang, tantu sajo
labiah kuaik pulo alasan untuak mamuloi puaso hari
Jumaaik di Arizona tu. 12 jam pulo sasudah maghrib di
Arizona, baliak pulo waktu maghrib di jakarta, tapi
alah hariJumaaik patang hari, mako posisi bulan alah
12 darajaik di tapi langik sabalah baraik. Barulah
puaso urang di Jakarta hari Sabtu.
Jadi manuruik pandapek ambo, iyo kurang puaso dunsanak
Afriva Khaidir, kalau baru muloi puaso ari Sabtu di
Amrik sinan. Manuruik pandapek ambo pulo buliah
diganti baliak di ari lain puaso nan tatingga dek
indak tau tu.
Sakitu sajo dari ambo.
Wassalamu'alaikum wr.wb.,
Lembang Alam
> -----Original Message-----
> From: Afriva Khaidir
> [mailto:[EMAIL PROTECTED]]
> Sent: Saturday, November 17, 2001 12:59 AM
> To: [EMAIL PROTECTED]
> Subject: [RantauNet] Puaso di AS
>
>
> Awak sadang makan siang sambia mambukak internet di
> kampus. Ruponyo ado
> e-mail dari kawan di Muslim Student Union, Indiana
> U., baso hari iko
> Jumaik, 16 November mulai awal Ramadhan di AS,
> karano kapatang malam
> alah nampak bulan di Arizona.
>
> Samantaro ambo masih bapadoman ka pengumuman minggu
> sabalunnyo di
> musajik sarato kalender dan jadwal shalat bahaso
> Ramadhan mulai hari
> Sabtu. Baa kolah hukumnyo, bisa dianggap indak tahu?
> atau harus mambaia
> puaso sahabih hari Rayo. Kamungkinan ambo akan
> bahari rayo jo keluarga
> di Padang.
> Mohon penjelasan dari nan tahu, mis. pak Saib atau
> udah Gindo.
>
> Parmato Alam
>
>
__________________________________________________
Do You Yahoo!?
Find the one for you at Yahoo! Personals
http://personals.yahoo.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
