Assalamualaikum wr.wb.Salam sejahtera untuak kito sado�.
Iyo sabana gegap gempita sounding pulang kampuang,pribadi atawa
basamo di RN ko.Taharu ambo dibueknyo,ba ka indak rantau jauah nan di
tempati,pulang kampuang tingga kenangan.keinginan ado,niaikpun ado,ta
pi baa nan kadikajoan.Antah lah yuang.
Begini,ado pangalaman kito mungkin baguno dek dunsanak nan kapu-
lang kampuang,pribadi atawa basamo via jalan darek(lintas Sumatra).
Sah-sah sae sanak mabuek stiker,spanduak RN net,untuak ditempekan di
oto sanak.Pangalaman ko pulang ka Jakarta dengan oto Transport naik di
Padang tgl 24 April 1999.Kito didampingi induak bareh rang Koto Gadang;duo
kakak kanduang('padusi dan laki-laki).Sasudah melewati Tan
juang Medan,Muaro Bungo dan kiro-kiro 40km dari Lubuak Linggau,kl.jam
20.15 malam,tajadi "tambrakan dahsyat"antaro bus Transport nan kami tumpangi
dengan sebuah Truk"nan sangajo diparkir agak katangan jalan".
Dalam musibah itu(inna lillahi wainna ilahi rajiun),saya pingsan,kakak
padusi meninggal seketika,dan hampir semua penumpang luka-luka berat.
Selain kakak nan meningga,juo kernet,dan tigo penumpang lain.
A nan paralu disimak dari musibah ko;fakta:
1.Penduduk kampuang nan manolong indak manolong doh,ulangi indak mano
long,tapi MANJARAH sagalo harato penumpang alias marampok.Sagalo
nan dapek inyo resek,direknyo,indak ado baleh kasian dari mereka.
2.Truk nan di parkir tu sangajo di parkir untuk jebakan,sebab sawaka
tu oto Transport ka melewati Truk tu,tibo-tibo ado lampu sepeda mo
tor dinyalokan balawan arah jo oto Transport,dan si supir mamban-
tiang stir ka kida dan fatal akibatnyo.Kecelakaan.
3 Sasudah kami dirampok,penduduk itu menghilang.
Saran kadunsanak nan ka pulang balebaran,ini berdasarkan saran aparat
keamanan dan para sopir nan kito temui di Lubuak Linggau.
a.Daerah sepanjang jalan lintas Sumatra mulai dari Lahat sampai ka
Tabiang Tinggi agak rawan keamanannyo.
b.Karena itu hindari bajalan malam ciek kandaraan.Dima bapatang disi
tu bamalam.
c.Ikutlah dengan rombongan kendaraan.
d.Jangan terlalu capek jatuah hati kok mancaliak urang tidua ditangah
dan ditapi jalan,lalu manolong urang tu.Itu adolah jebakan untuk
marampok
e.Kok pacah ban di tangah jalan(pasawangan)jangan baranti,ulangi ja-
ngan baranti,taruih sajo sampai tampek rami atau dakek kantua Poli
si,barulah ban di ganti.
f.Selalulah pelihara kewaspadaan dan kehati-hatian.Usahokan barang-
barang nan baharago(perhiasan)indak paralu dibawo,atau simpan ditam
pek nan tasambunyi di oto sanak sado�.
Sakian sanak,salamik balebaran di kampuang masing-masing dan salamaik
pulo saliang mengenal sasamo urang palanta RN ko.Wass.Ajo Buyuang.
_________________________________________________________________
Get your FREE download of MSN Explorer at http://explorer.msn.com/intl.asp
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
