Mak Benny Yustim,
Padia se lah, suko hatinyolah, nan awak iyo ka bamamak, ka bauda,
bauni, Baetek, baadiak juo, bialah awak ba Mak Ngah, Mak Bandaro, Mak
Lembang, Mak Batuah, Mak Sati, Kanda Boes, Mak Duta, Mak Parapatiah, Ajo
Arisman, adiak Rudy, Uda Arman Bahar, Sanak Pemi, Uda Erizal, dlsbnyo, di
lapau ko, itulah hebatnya mail awak, awak sarupo badunsanak, bakampuang di
siko...
Nan awak iyo babahaso Minang juo, bialah kok pakai bahasa "sub
Minang" bagai, bahaso Piaman, Pikumbuah, Pasaman, Painan, Ampek Angkek,
Agam, Tusangka, Kurai, indak masalah doh....
Alah dulu yo, ambo kamanyimpan energi saketek...
Salam
Elthaf St. Sri Bagindo,
-----Original Message-----
From: Benny Yustim [mailto:[EMAIL PROTECTED]]
Sent: Thursday, October 11, 2001 6:59 PM
To: [EMAIL PROTECTED]
Subject: Re: Tanggapan untuk Sanak Ismet. RE: [RantauNet] Fw:
[youngleaders] PETITION: World Peace ! Say No To World War 3 !
Assalammualaikum Wr.Wb.
sabalunnyo ambo minta maaf, kalau saandainyo tanggapan ambo ado yg
manyingguang parasaan uda2 atau uni2 di milist ko, khususnyo dunsanak
Ismet...
(ambo kuduang snek...)
>PETISI EVALUASI RANTAUNET
>
># Please forward this petition to all your colleagues, if you agree.
># Please delete this petition, if you do not agree.
># Please write your name and do not hesitate to express / describe
>your
>opinion / thought / emotion / comment accurately to me (short
>sentence is
>prefered) then all the problems between you and I must be finished.
>
>Menurut hasil survey yang ambo lakukan sendiri dan mambaco email-
>email yang
>tatulis oleh dunsanak-dunsanak yang balega di galanggang ko, mako ambo
>mancubo untuak mambuek petisi ka dunsanak-dunsanak untuak disetujui,
>dilewatkan sajo (dianggap indak ado) atau diberikan komentar ka
>sipengirim
>petisi iko. Mukasuik ambo io demi kabaikan rantaunet iko juo.
>
>Petisi partamo.
>Untuk labiah dapek mengekspresikan buah pikiran kito ka galanggang ko
>alangkah baiknyo tegur sapa antar dunsanak di siko indak lai mamakai
>kato-
>kato 'kamanakan', 'mamak', 'mangah', 'datuak', 'amai', 'ano', 'maciak'
>dan sabagainyo tapi cukuik jo manyapo jo dunsanak sae. Dengan kato
>dunsanak
>akan dapat manghilangkan raso sagan, raso takuik, raso ketek, raso
>kagadang-gadangan, raso bangsawan, raso sakampuang, raso mamangku gala
>datuak, yang kasadonyo kurang baik untuak diskusi yang demokrasi.
>Kacuali
>kalau ka maagiah papatah, patitiah, nasehat ka anak kamanakan surang-
>surang.
Untuak patisi partamo, ambo kurang satuju jo dunsanak Ismet. Karano manuruik
ambo awak disiko, walaupun didunia maya, raso hormat tu harus tetap ado (yg
itu hanyo bisa kita tunjuakkan kalau kito tau gala atau pangkek dari surang
urang), awak harus tatap dikenal dek urang lain sabagai urang minang, yg tau
jo kato manurun jo kato mandaki. Kito dituntuit bisa mambedakan antaro sawah
jo pamatang sanak! Kalau gala atau pangkek yg dunsanak risaukan dalam
badiskusi di siko, indak usah pulo dunsanak raguan pulo lai, karano salamo
ambo pribadi bagabuang di milist ko, ambo alun parnah mandanga urang yg
berang gara2 indak disabuikkan gala atau pangkek nyo wakatu badiskusi, dan
sacaro indak tatulis ambo raso, uda2 jo uni2 yg bagabuang jo milist ko,
pasti mereka sadar, kalau inyo bagabuang jo milist yg tabuka jo satiok
masukan, talapeh dari sia datangnyo masukan tu!!
kalau buliah ambo maungkik saketek, sadangkan lai masih aturan yg lamo kito
pakai, dunsanak alah barani mangaluaan kato2 mutiara dunsanak di milist ko?
cubo dunsanak bayangkan kalau dunsanak yg digituan dek urang, tanpa ado
angin jo hujan, sanak di hadiahkan kato2 mutiara dek urang, pasti sakik ati
sanak dak? mungkin alah sanak tanyo pulo ba'a kandaknyo?
karano yg kiniko yg kanai padusi (ambo turuik prihatin untuk uni Yeni,
mudah2an selalu diberkahi kesabaran dan ketabahan..), cubo laki2!! mungkin
panjang pakaronyo!!
dan kalau ambo pribadi yg kanai, talapeh dari pandapek sanak positif atau
negatif (tapi manuruik ambo, kato2 mutiara sanak tu indak ado yg positifnyo
do!!), mungkin alah ambo tanyoan pulo kandak dunsanak ma!
jadi manuruik ambo, indak ado yg paralu dipelokkan di milist ko doh,
manuruik ambo demokrasi alah bajalan dan hanyo paralu ditingkekkan mutunyo,
kacuali yg paralu dipelokkan adalah kasadaran jo mental urang2 yg suko
kalapehan mangecek, tolong lah diingek tajamnyo lidah tu dunsanak!! tahanlah
saketek, pabanyak basaba!!
>Petisi Kaduo.
>Bahaso Minang jaan dipakai lai di galanggang ko, karano bahasa Minang
>yang
>dipakai salamoko indaklah standard. Ambo maliek yang tatulis di email-
>email
>dunsanak-dunsanak bukan bahasa Minang tapi bahasa sub-sub Minang,
>diharapkan
>dengan indak mamakai bahasa sub-sub Minang indak tajadi lai perbedaan
>antaro
>kito. Jaan sampai penilaian batua salahnyo suatu parsoalan hanyo
>badasakan /
>berpihak kapado sub Minang mano sipambicaro barasa. Jaan sampai dengan
>memakai bahasa sub-sub Minang itu tabukak pulo luko lamo antaro urang
>darek
>jo urang pasisie yang memang baik dari segi subkultur dan sub
>budayanyo
>babeda.
Untuak patisi kaduo, ambo indak pulo satuju do, soalnyo cuma disiko ambo
bisa badiskusi pakai baso minang (kalaupun ado ditampek lain, suasananyo
babeda..), dan sakalian ambo bisa malatiah baso minang ambo bia indak lupo.
Kalau masalah standar atau indaknyo, baso minang kito, itu indak masalah
bagai do, yg pantiang makasuidnyo lai sampai, dan itu munkin manjadi
tantangan bagi kito sadonyo, ba'a caronyo kito manjadiannyo standar! Kalau
paralu, awak kambangkan mode bahaso jawa, yg mungkin manjadi kakuatan bagi
awak di kamudian hari...
ba'a kandak ati?
>Petisi Katigo.
>Agar redaksi rantaunet manata ulang dunsanak-dunsanak disiko dengan
>mamarikso identitas diri yang dicatatkan pada file di rantaunet. Ambo
>raso
>ado di antaro dunsanak-dunsanak yang ado di galanggang ko yang
>mambarikan
>identitas yang indak batua, iko dapek diliek dari identitas diri
>dunsanak-dunsanak tuliskan. Kalau ambo sandiri manuliskan yang
>sabananyo.
>Kalau dunsanak-dunsanak yang lain sia yang bisa mamastikan, lai parnah
>redaksi rantaunet mamarikso KTP anggotanyo surang-surang,. Jadi satiok
>anggota rantaunet iko harus ditata ulang kambali dengan masing-masing
>mangirimkan scanning KTP nyo dan dicaliek urang rami.
Untuak patisi katigo, mungkin lai bisa ambo tarimo, ituang2 untuak
kawaspadaan kito basamo, buliah indak disusupi urang2 yg indak batangguang
jawab! tapi tantu sajo jo catatan, lai indak mambarekkan karajo admin, atau
mungkin paralu dibantuak pulo divisi keanggotaan untuak marealisasikannyo..
># Please forward this petition to all your colleagues, if you agree.
># Please delete this petition, if you do not agree.
># Please write your name and do not hesitate to express / describe
>your
>opinion / thought / emotion / comment accurately to me (short
>sentence is
>prefered) then all the problems between you and I must be finished.
untuak usulan diateh, ambo satuju bana, samakin banyak option yg harus
dipiliah, mako akan samakin rancak! tapi dengan catatan, indak mamakai kato2
mutiara yg bisa manyakikan hati urang!!
:)
>Wasssalam
>M. Ismet Ismail
Wa'alaikumsalam Wr.Wb.
Benny Yustim,
Indovision-Jakarta
(ambo kuduang banyak..)
Make a difference, help support the relief efforts in the U.S.
http://clubs.lycos.com/live/events/september11.asp
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
