> Angku JD, > > Nan ambo tulih ko bukan teori ambo angku, kan disitu ambo tulih badasarkan > analisis ekonom. Kalau ambo, memang dasarnyo bukan ekonom. Tapi acok mambaco > buku-buku ekonom, tarutamo ekonomi kebijakan. Dan cieklai, ambo mangatngahkan > iko, karano ambo tahu, kini jo bisuak ko dunia akan mamasuki era pasa bebas. > Dan konsekwensinyo ka masyarakat nagari awak nan masih takabulakang > dibandiang UE jo AS (Dunia ka tigonyo, bararti dunia patamunyo UE jo AS atau >G7)sangat > gadang, tarutamo resiko atau ancaman tagusua dari sumber kahidupannyo. Ambo > yakin, nagari awak kalau pamikiran urang saarupo angku kiniko, akan baliak ka > zaman panjajahan, tantu panjajahan ekonomi nan labih padiah pulo rasonyo.
Indak paralu bana takuik do sanak, lai banyak NGO asiang sabagai pressure group nan labiah didanga dek kapitalis2 tu untuak manahan ekploitasi negara maju jo kamungkinan tajajah. Kok dek urang model ambo awak bisa tajajah baliak iyo maraso tasanjuang ambo tumah (suruah lah si Urpas nan sok basijarah tu ba-diskusi jo si Batak, kiro2 pernah ndak RAKYAIK Indonesia di jajah Balando). > Nan posisi ambo, tantu ambo bapihak ka urang banyak dari pado urang nan > saketek. Kok nan ciek ko iyo agak balawan awak tu sanak, ambo indak tabiaso ba-tuhan kapandapek urang do (lah mada sajak ketek) tapi masalah kabapihakan tu talapeh kabadan surang2 jo kuuntuang nan kadidapek dek surang2. Tokh banyak urang nan gagal jadi idealis manjadi kapitalis. Gagal pagawai nageri, cubo diswasta, gagal jadi swasta mambuka Industri demonstrasi bagai malah. >Ambo baraja masalah globalisasi ko pun indak lewat buku sajo doh. > Sakali-kali ambo badiskusi jo kanti ambo nan baru pulang sikola di Inggirih, samo > mungkin jo tampek angku kiniko (Inggirih). Inyo baraja bidang Teknik Design > Komputer di Univ Manchester. Tapi, inyo pun ikuik pulo maambiak kuliah di > bidang Sosial Politik. Kabatulan, inyo pun acok maikuti acara-aacara > organisasi/partai sosialis di sinen. Namonyo Yanuar Nugroho, dosen di Trisakti, >sarato > aktif di ornop UNISOSDEM (Uni Sosial Demokrat). Cieklai, Romo (Pendeta Harry), > juo sikola di Inggirih Maambiak gelar doktor bidang ekonomi. Sukur lah lai banyak kawan2 sanak di Inggris, nak barajanyo baa bantuak welfare state tu. Nak dibulalakan nyo incek manieknyo baa bana model NGO dinegara kapitalis-neokolonialis ko mangalolah organisasinyo, baa caronyo mangalolah dana nak bisa batua2 NGO daripado sakadar jadi pangemis ka kaduta2-an Asiang sambia mamakiak-makiak anti kapitalis. Nan indak tajawab dek ambo, baa mangko bisa jadi halal bea-siswa dari hasie pajak urang kapitalis tu dek urang2 nan anti kapitalis. . >Dan jo Sritua Arif, HS. Dillon, ambo pun alah pernah batamu, wakatu koalisi ornop >pemantau > WTO maadokan seminar tentang bahayo globalisasi. Jadi data-data manganai > dampak globalisasi ko indak ambo ambiak/pungut sumbarang tampek sajo doh. Salah2 urang manangkok, sanak bisa2 dikiro urang mamanggak beko atau kurang kaparcayaan diri. Ambo labiah tatariak kapandapek urang, indak talampau paduli kasia urangnyo do (la taraja sombong sajak ketek) >Lagi pulo ambo parnah malakukan studi Perjanjian Pertanian di WTO wakatu ambo masih > di Pesticide Action Network (PAN Indonesia). DAn malakukan investigasi > langsung ka sarang-sarang petani di Jawa dan Sumatera, tamasuak Sulsel. Jadi posisi > ambo jaleh di masyarakat banyak, sabab ambo indak ado pulo kainginan untuak > tajun ka dunia politik atau dunia nan panuah jo tipu dayo/munafiak. Masalah pilihan hiduik tu tamasuak masalah pribadi sanak. Sanak nan nteuk2 se komah, sia pulo lah nan indak hiduik dimasyarakaik banyak sanak. Nan jadi masalah baa caro malieknyo. Indek sakatek urang nan iduik dari manonton jo mandiskusikan kemelaratan urang untuak mamanuhi kabutuhannyo hiduiknyo nan jauah labiah tinggi dari rato2 rakyaik Indonesia nan keceknyo di perjuangkannyo tu. > JAdi, baa andaknyo supayo masayarakat awak nan pandidikannyo indak samo rato > tu bisa mangarati jo gejala nan tajadi di dunia kiniko, sarato parangai > birokrasi nan jauh dari adat alamnyo (bukan adat-instiadat/ritual/tradisi buto). > Nah untuak manjawab masalahko, manuruik pandapek ambo iyo jo baliak ka pangka > dulu. Aratinyo, kok sasek di tangah jalan, baliaklah ka pangka dulu, jan > ditaruihkan juo. Sabab malah akan labih parah. Aratinyo, moral-moral urang awak > (Indonesia) nan alah tacemar jo paham-paham asiang (ambo mangecekkan paham > setan)sahinggo hanyo manuruikkan nafasu belaka, tanpa bajalan aka nan > sehat/bana, mako kito cuci dulu. Caronyo, tantu jo sangsi-sangsi moral jo hukum. Nah > disiko ambo maminta tokoh-okoh nan lai bapangaruah dan tagak dijalan nan bana > untuak samo-samo jo masyarakat luas mambangkik batang nan tarandam. Apo tu > batang nan tarandam tu. Yaitu adat minang nan sabana adat. Sabab, dari adat > minang nan parnah dikecekkan Gus Dur, mode demokrasi nan bisa dicontoh oleh > penguasa di Indonesia. Cieklai, kasalahan kato-kato. Sarupo jo kato-kato > "pemerintah", nan bararti urang nan mamarintah, dan tantu ado urang nan kanai > parintah. Kalau mamarintah, tantu inyo bak kandak hatinyo sajo, walau ado aturan > nan alah disapakati basamo. Cieklai jo kato-kato "pandukuang" si anu lah, si > itulah, tantu urang nan didukung ka sanangan, tapi awak nan mandukuang kan > latiah. Bilo lo ado sejarahnyo si pandukuang akan labiah sanang nasibnyo jo urang > nan didukuang. Maksud ambo disiko, kadang-kadang tanpa disadari awak alah > bakandak untuak manarimo kaadaan sasuai jo nan alah taucapkan. Ingek, Tuhan > manciptakan alam iko hanyo jo kato-kato. Nan urang minang, iyo, silek kato > ikolah nan dipakai. Tantu jo jalan nan bana. Nah disikolah partisipasi awak nan > lai paduli jo urang banyak untuak saliang ingek-maingekkan. Ondeh sanak, antah alur logika sanak nan malompek-lompek atau ambo nan bengak. Kecek sanak sanak maikuti pandapek urang banyak. Nan namonyo nagari tu iyo ado pamarentah jo nan diparentah. Tapi harusnyo disiko harusnyo dibatasi sabagai hirarki administrasi, indak ado sangkuik pauik jo Human Value bagai do. Obsesi ambo sakali waktu babu2 dinagari awak jo kaparcayoan diri panuah manuliskan babu di kolom pekerjaan KTP nyo, dek babu tu indak labiah dari sakadar profesi, sisonyo inyo manusia utuh saroman urang lain nan hak2nyo harus diakui. Sayangnyo hal nan saroman iko cuma ado dinegara Imperialis, neo-kapitalis, Liberalis tidak agamis. (Tanyokan lah ka kawan2 sanak nan di Inggris tu) > alun dima alah marabo. Biasonyo padusi nan parabo, sabab kodratnyo alah coitu > (jan tambah pulo jo huruf s, lain aratinyo beko). Lha, harusnyo sanak agak sensitif saketek mambedakan antaro marabo, cynical, atau sarcastic sudah tu batanyo kabadan surang baa mangko respon urang saroman itu, indak salah kapitalis bagai do tu (kecek amak ambo, ambo talampau pagarah, jadi indak kamungkin bagai jadi urang gadang do) > Kalau ambo, sacaro kamampuan ambo alah ambo karajokan. Nan ambo iyo acok > bapergian. DAri rimbo, kampuang tapancia sampai ka kota metropolitan. Nan kalua > nagari pun sakedar palapeh tanyo alah pulo ambo rasokan. Ambo punyo jaringan > jo CAFOD di Inggirih, si Walden Bello di Global Focus, Thailand, Mark Ritchie > di IATP, Minnesota, AS. Marthin Khor di Penang. Sakali-kali cubo dunsanak > buka site www.cafod.org, atau www.iatp.org,www.twn-side.org/sg, dan masih > banyak lai. Kenal jo Anuradha Mithal, atau Vandana Shiva dari India. Atau George > Aditjondro, Uda Soni (Revrison Baswir), di Indonesia. Nah, samo posisinyo jo > ambo. Bedanyo, mereka iko alah tamasuak pakar tantang globalisasi. Nan ambo > iyo baru pamula, sabab umua baru 30 tahun. Sorry sanak, ambo nan kenal cuma jo mak Anis sopir Pozla (ambo iyo bana kuli aduak semen nyo). Lagian ambo sabana palupo. Kadang2 lah tamaik buku ambo baco indak tantu dek ambo sia panggarangnyo do (Kecek kawan2 ambo, ambo sok2 essensialist padahal sabananyo ambo palupo) > > Uda Dachtar, kalau uda alah kanyang jo teori, cubo dibagi-bagikan ka urang > nan masih lapa, tamasuak ambo mungkin. Cieklai, kalau alah kanyang, cubo pulo > gunokan mamfaatnyo ka untuak urang banyak. Kalau indak, tamasuak tipe > individualist, egosit, dan materialist awak beko jadinyo. Kok iko iyo lai tapek sanak tu mah. Indak banyak urang di ateh dunia ko urang nan sa Individualist, egoist, materialist indak panah kanyang2. Kok makan tabu tu kok bisa iyo jo urek2 nyo. > Tambah pulo, sahubungan jo buku nan ambo tawarkan, isinyo pado intinyo > mancaritokan jalan pikia urang awak nan sabana minang dulunyo, yaitu jalan pikia > atau nalar nan dilandasi jo hakekat agamo sarato dipraktekkan sacaro adat > sahari-hari. Jan asa protes sajo, kalau alun dibaco. Bacolah dulu, baru tahu > makna jo hakekatnyo. Mudah2an sanak manjua buku untuak mandukuang kegiatan sanak nan marakyaik tu nak saimbang jo kolega2 NGO sanak nan di-negara kapitalis tu, lagian nak taubek pulo hati urang RN nan panjualan bukunyo jaleh2 untuak bea-siswa urang malaraik dikampuang. > Sakitu dulu, alah tapanjang leba rasonyo ambo bacaramah ka Uda mah. Dan > mohon maaf ambo jo kato-kato nan mungkin manyingguang atau indak katuju. Samo2 Fendi, Wass JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
