Ma sagalo adidunsanak jo anak kamanakan di salapan pinjuru angin, Assalamu'alaikum wr. wb.
Kok lai disampaikan Allah swt., ari Sinayan, 24 Desember 2001, anak bujang ambo FEBRI PURNAMA ESYA, (alumni SMA 1 Bkt, Lambau, taun 1990) ka manyudahi maso mambujangnyo. Kato sapatah ko ambo jadikan ka ganti badan diri kami sakaluarga, datang maningkek janjang, manapiak bandua ka sagalo adidunsanak jo anak kamanakan di salapan pinjuru angin ko, mambao rokok nan sabatang, siriah nan sakapua, maundang sagalo adidunsanak jo anak kamanakan sato maagiah doa restu ka marapulai jo anak daro, NORA TRIONINGSIH, di dangau kami di: Jalan Anggur No. 1A, Kompleks Bukik Umpang-umpang, Pintu Kabun Bukiktinggi. Indak diatok dibilang gala, rokok jo siriah ko kami adok-an ka sagalo adindunsanak jo anak kamanakan, tarutamo sakali nan lai alun babaliak ka rantau, talabiah lai nan manatauk di kampuang alaman. Taradok ka adidunsanak jo anak kamanakan nan indak pulang atau nan lah babaliak ka rantau, doa restu dari adidunsanak jo anak kamanakan dari tampaik masiang-masiang, semoga rumah tanggo marapulai jo anak daro ko jadi rumah tanggo nan sakinah, lah labiah dari badan diri. Tarimo kasih banyak. Salam Sjamsir Alam St. Nan Sati sakaluarga nan di Pintu Kabun, Bukiktinggi. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
