Mak Bas, Masalah iko sabananyo tagantuang jo awak masyaakat sadonyo untuak mampakuat negosiasi pamarintah. Tapi, kadang-kadang di mak Bas, pamarintah awak ko tanyato bodohnyo indak kapalang tangguang lo doh. Contoh, wakatu Putaran baru di WTO, November kapatangko, ambo dapek info dari Chakravarthi Raghavan nan bakantua di NY, keceknyo, delegasi urang awak kurang mamahami bahaso nan ado dalam deklarasi untuak referensi isu-isu baru di WTO kapatangko. Konsekwensinyo, urang awak indak paham jo mukasuik paragaf 18 dalam deklarasi itu, yaitu mengenai investasi, paragraf 20 (kebiajakn kompetisi), paragraf 22 (transparansi dalam pengadaan pemerintah /goverment procurement), paragraf 23 (fasilitas perdagangan). Aratinyo, pamarintah manarimo apo nan ado di dalam deklarasi tu.
Baliak ka masalah paten. Kabatulan delegasi Afrika bisa minta moratorium pamakaian pasal 27.3 b TRIPs, masalah paten makhluk hidup. Sudah tu, karano di Afrika juo banyak nan HIV, inyo pun dapek fasilitas mamakai instrumen compulasory licensing sarato jo impor paralel, nan mamudah sarato mamurahkan ubek HIV di Afrika. Lain jo pamarintah awak. Sadonyo batarimo apo nan diusulka negara maju, antah cocok antah tidak. Mengenai masalah paten, mungkin mak Bas alah mandanga maso tempe asli buatan urang Indonesia, 15 pamacik patennyo uang Japang, sakitar 20 urang nagari si Bush. Bahkan ka patangko dapek info, dadiak buatan urang awak, ruponyo alah dipatenkan urang Japang pulo. Tamasuak tanaman ubek asli urang awak (ado sakitar 13 macam), nan dipatenkan oleh Shiseido, perusahaan kosmetik Japang. Bareh Bengawan Solo, asli Jawa, dipaten pulo dek urang Ausie. Pasak Bumi asli Kalimantan, juo dipaten dek urang lain. Apo dampaknya ka urang awak sadonyo. Lah jaleh iko asli nagari awak, kok patennyo urang lain nan mamacik, tantu iko namonyo parampokan (biopirasi). Misanyo, dadiah kalau awak produksi sacaro besar-besaran atau sempat awak jua balikan, dikeceknyo tamasuak palanggaran atau pambajakan. Biko ka pemerintah awak indak patuah jo komitmen di WTO, nan tantu ado sangsinyo. Jadi ikolah nan bakacamuak di dunia global ko mak Bas. Sadonyo dijadikan pitih dek bule di nagari maju. Sayangnyo, pamarintah awak salain bodoh pulo, malah mampabodoh masyarakatnyo pulo, sahinggo indak tanggap jo kaadaan nan bakambang. Tantang paten ubek, ubek iko sabananyo masalah esensi manusia, masalah nan paliang urgent..Dan kalau awak maniru jo jargon kelompok si Bush ko paten ubek ko samo jo malanggar hak azazi manusia. Misalnyo, penderita HIV di Indonesia kiniko iyo alah cukuik banyak. Atau panyakik lain. Labiah-labiah urang awak kecek dosen unand, rentan jo panyakik jantuang, karano nan makan lidah (talampau banyak kolesterol). Kalau ubek jantuang nan batua inyo tamukan, diproduksi pabrik ubek di Indoneesia, haragonyo pasti maha, sabab salain mambali bahan baku ubek ko, pabrik tu juo mambayia royalti, sahinggo biaya produksinyo batambah tinggi dan dijua harus tinggi pulo. Sahinggo, alah biaso awak danga banyak urang nan mati sabalun diubeki. Karano indak talok jo ubek nan maha. Kalau manuruik pikiran ambo, celah nan bisa dilakukan untuak malawan dominasi tu, tantu salain jo caro mailak, yaitu baliak jo caro pangobatan tradisional, bisa juo kironyo jo caro maminta pertanggungjawabab delegasi RI ka WTO ko. Apo ado mamfaat nan dibawonyo dari pai ka Qatar atau Swiss atangko. Kalau cuma main-main sajo, labiah rrancak indak usah pai, maabihkan pitih negara sajo. Caro ko sadang dilakukan kanti-kanti di Koalisi Ornop Pemantau WTO. Sabab, sabalun ka barangkek sidang, kanti-kanti alah mausulkan supayo mandanga usul-usul publik dan mambawo kapantingan publik. Tapi dek nan tabayang di sinen alah lain, mako kesannyo delegasi ko hanyo pai hura-hura. Cieklai, sarupo kasus Shuseido di Japang, nan alah tabukti tanaman ko asli Indonesia. Saharusnyo, urang-urang sarupo nan di kadutaan, alah dulu tanggap dan mambatalkan paten ko di pengadilan satampek. Sabab dari katantuan WTO ko, paten dima sajo balakunyo sacaro internasional, dan indak tagantuang jo asal bahan nan dipaten ko.Di sikolah malapetakonyo muncul. Sabananyo, sarupo carito awak ka patangko, iyo labiah ancak ditarimo usul si Urpas ko, mambubarkan RI ko. Sabab, indak ado gunonyo ka masyarakat luas. Percuma rakyat manggaji lewat pajak, kalau nan dikarajokannyo indak ado hasianyo. Alah, sakitu rasonyo dulu Mak Bas, kalau ado nan komplen, ambo katangahan baliak galeh ko. Wassalam fendi ----- Original Message ----- From: Titik <[EMAIL PROTECTED]> To: <[EMAIL PROTECTED]> Sent: Tuesday, December 11, 2001 12:26 PM Subject: Re: [RantauNet] Kongress AS perluas monopoli paten pada obat > Angku Fendi, > Apo angku mancaliek calah untuk malawan dominasi itu? Kalau soal paten dari > barang nan mereka invention surang, baa pulo awak bisa malarang, tapi kalau > soal paten atas "mambuek tapai itam jo pariuak balango" yo paralu dilawan. -- Sent through GMX FreeMail - http://www.gmx.net RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
