Assalamu'alaikum WW
Lah ampia abih Ramadhan tahun iko..
Lah banyak carito, kaba, ide, diskusi, garah, ataupun anekdot nan ambo
posting.. insyaAllah ado manfaaik-nyo untuak adidusnanak di balerong maya-
Rantau-net nangko dan mungkin ado pulo nan salah jangga.. singajo indak
singajo.. talando katurun ..tasingguang ka naiak...
Dengan karandahan hati ambo minta maaf jo rila dari adidunsanak
saparantauan-sakampuang, adidunsanak sa-tampek-maya di Rantaunet...
Semoga Allah meridhai ibadah kito di Bulan Ramadhan iko dan InsyaAllah masih
memberikan kesempatan untuak Ramadhan-ramadhan yang akan datang...
Dan karano "masih ada kapal ke Padang".. dan rencananyo akan ikuik babiduak
dari Tanjuang Pariuak ka Taluak Bayua beko siang-InsyAllah...
ambo ucapkan "salamaik hari rayo IdulFitri 1 Syawal 1422 H" ..Minal'aidin
wal faizin...
Dan ambo off dulu dari balerong agak sapakan...
Untuak Mamak Bandaro, Mak Ngah alias Nyiak Sunguik, Bunda Ben, Uni Evi,
Kanda Dedi N, Ustadz Pudin, Ajo Buyuang, Uda Son, Kare-an Indra JP, Mak Sati
, Uda Miko, Ari + Daniel, Uni Des, Uni Rita, Ceceu' Dedeh, Ajo DUta, Sahabat
Uda Rudi PLN (batam), Mandan , Uda Afrizal Pono Manih, Bapanda Erwin M,
Sanak Mulyadi, lanjuiktannyo adidunsanak di RN ... salamaik Ri Rayo... si
Palai Rinuak ka babaliak ka tapi aia Danau Maninjau... dari Tanjuang Pariuak
tampek Uda Miko basawah-ladang... balai lewat Selat Sunda nan sadang
macet....taruih ka utara... sampai ka parantauan Mamanda Sutan Gelar
Menghindar (Mak Tan Gala Mainda--tarangan-rangan ambo ka carito mamak...di
Bangkahulu... malambai-lambai ranah pasisia Pantai Carocok.. tampek si Upaih
banyak bacarito.... turun dari Taluak Bayua... mancari Batang Antokan ka
jalan lalu...insyaAllah baranti biduak di tapian Muaro Pisang,... malinteh
Batang Muaro Pisang naiak ka Bukik sabalah ka ateh.. sampailah si Palai
Rinuak di Kelok 1 - Rateh Pasa Maninjau... untuak barisuak ka bajalan
mancari Rinuak jo Bada....
Wassalam
Z Chaniago - Palai Rinuak
======================================================================
Alam Takambang Jadi Guru
======================================================================
_________________________________________________________________
Get your FREE download of MSN Explorer at http://explorer.msn.com/intl.asp.
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
