St Bandaro Wrote :
Kalau baitu manuruik dunsanak ado Tuhan Islam + Tuhan-tuhan lainnyo?
Indak samo ruponyo Tuhan nan disambah Islam, Yahudi, Nasrani, Budha,
Hindu dll? Hebat bana tauhid dunsanak, kama painyo "la illa ha
illalah", kok buliah tolong lah dibaco Risalah Tauhid - Muhammmad
Abduh dan Sejarah Tuhan - Karen Amstrong barulah manyampaikan
kasimpulan.
===========
Reply Nofen: Angku......
Talabiah dahulu ambo mohon ma'af, kalau apo nan ambo tulis salah
besar, maklum.... umua alun satampuak pinang laido.
Jadi manuruik nan angku tau Tuhan nan disambah agamo nan angku
katokan diateh samo???
antahlah yah.... tapi bagi awak muslim, katigo agamo samawi nan angku
sabuik diateh dulunyo dizaman nabi2 sabalun nabi SAW, memang tuhannyo
ciek senyo yaitu ALLAH SWT, kalau duo agamo ardi nan angku tulih, apo
tuhannyo samo jo tuhan agamo samawi nan ambo kamukokan????????,
(satau ambo dalam Qur'an ndak ado disabuik agamo Hindu, Budha dll.
Tapi disabuikan agamo Ardi, yaitu agamo hasil ciptaan manusia).
Dan dizaman kiniko apo angku berani mangatokan bahwa tuhan mereka itu
samo jo awak??, kalau memang tuhannyo "LA ILLA HA ILLALAH" (tau
tentang sahadat) tentu ndak akan ado agamo yahudi dan Nasrani
tulaido, pasti inyotu akan menjadi muslim.
Tentang buku dan karya2 urang nan angku sabuik, hanyo urang nan
sepaham joinyo nan maanggap tulisannyo tu bana-nyo, tapi urang nan
ndak sapahan tantu ndak akan manarimodo, dan lagi tulisan urang non
muslim angku amini. (yg ambo tau, Karen A. itu keceknyo ahli tentang
islam, tapi inyo sandiri bukan penganut islam).
----------------------
Itukan katubah diateh bukik, pas bana jo riwayat AT dkk, 30 tahun
labih bakatubah dan bateori tantang rancaknyo Islam, tapi 40 milyar
(nan nampak) triliun nan alun nampak dilapia nyo juo. FPI barami-rami
sambai mambao ladiang ka manutuik disco-disco, alah bar urang bana
baliau-baliau itu nan indak ka panti pijat jo ka pasa rubaa, dan
indak makan pitih samacam AT?
=============
Reply Nofen : Angku...... kalau masalah AT nan angku maksud, ambo
ndak taudoh, itu masalh politik, ndak ambo ndak namua ikuik2 maota
masalah politik itudo, karano apo.... karano politik itu KOTORRRRRRR.
Tapi kalau urang nan bajuang di jalan Allah nan angku sabuik Bar-bar,
teroris dan lain sebagainyo.... ambo hanyo bisa mangatokan
ASTAGHFIRULLAH.
Semoga urang nan mangecekan dan banci kapado urang nan managakan
kebenaran itu selalu mandapek lindungan dan ampunan dari Allah SWT,
karano beliaulah nan maha tahu.
-------------------------
Syariat Islam versi arab Muawiyah iko sangat "non human" dan kejam,
angku caliaklah di Arab Saudi, apo ado parubahan budaya? nihil selain
munafikun nan samakin banyak plus saketek nan sarupo Osamah bin laden
nan frustasi. Masalah dasar urang-urang itu iyolah indak namuah
mambuka pikiran sahinggo indaj jadi "iduik baraka, mati baiman". Soal
zaman nan samakin gilo, dari maa angku manyimpulkan zaman samakin
gilo, ambo raso samo sajo. Zaman Ibrahim urang iduik-iduik dibaka,
kini co itu juo. Zaman Musa (di nagari arab) urang berzina dirajam
(dibae jo batu barami-rami) baralah sadisnyo mereka itu ateh namo
Tuhan, baa mangko indak dubunuah sajo. Iko samo juo jo zaman
inquisasi katolik di eropa, urang dibaka iduik-iduik ateh namo Tuhan.
Jadi kagiloan zaman itu hakekatnyo constant karano itu adolah
sunatullah atas alam.
Soal generasi muda, solusinyo jalankan kincie-kincie tu, artinyo
=open mind. Mungkin angku mamandang sabalah mato papatah "alam
takambang jadi guru" namun manuruik kito itu inti falsafat
minangkabau.
===================
Reply Nofen : Angku kecekan dizaman khalifah bakuaso dulu sangek
kejam...... darima data angku dapek?? cubo agiah ambo, angku alah
tuo2, ndak mungkin angku ndak pernah mambaco ataupun manonton film
tentang perang salib, bagaimano sikap tentara muslim terhadap tawanan
parangnyo.
Kalau dicaliak diarab Saudi... negara Amerika ataupun Eropa nan
mangaku sangek demokrasi dan menjunjung tinggi Hak Asasi Manusia,
baiak itupun dulu maupun sampai kini, ma.. nan tinggi angka kekerasan
dan kejahatannyo, kalau diarab saudi ndak banyak berubah budayanyo
karano inyo berpegang kapado Syariat Islam (Qur'an dan Sunnah Nabi).
Kalau Osamah nan frustasi kecek angku... tolonglah baco baliak
sejarah kehidupan Osamah tu, dima latak frustasinyo???????? dima
iduik ndak barakanyo??? dima indak barimannyo???.
Kalau dizaman nabi Ibrahim urang iduik dibaka, itu mungkin urang nan
alun manarimo ajaran dari nabi Ibrahim, dan kalau kini urang dibaka
iduik2, tantu ado masalahnyo... kanapo sampai demikian karano urang
ndak picayo jo hukum nan dipakai dek pamarintahan kiniko. Kalau Rajam
bagi urang nan bazina.... ndak ambo jawab lai!!!! mamak Lembang Alam
alah mangamukokan.
Soal generasi muda awak kiniko, justru karano ambo manjalankan
kincie2 tu.. mangkonyo ambo menginginkan seperti nan ambo katokan
dahulu.
Untuak angku JD, ambo bisa memahami dari jawaban angku, tapi saketek
apokah awak bisa bersembunyi dibaliak Hukum Islam?????? Hukum Islam
itukan ndak mengenal perbedaan, baik inyo mantan Presiden, ataupun
seorang pemulung.
Memang syariat islam tuh dijalankan dengan keimanan awak, tapi apokah
ndak labiah bagus lagi kalau dilandasan dalam kehidupan bernegara
awak???
Sekian dari ambo, kalau ado salah-salah kate, mohon dima'afkan, tapi
kalau ado nan bananyo itu samato dari Allah SWT, karano ambo masih
dalam tahap belajar dan pencarian mana yang terbaik untuk kita semua.
Semoga kita slalu mendapat lindungan dan rahmat dari-NYA.
Wassalamualaikum
Nofendri T. Lare,
Jkt
Get your Free E-mail at http://minangkabau.zzn.com
____________________________________________________________
Get your own FREE Web and POP E-mail Service in 14 languages at http://www.zzn.com.
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
