Memang pariwisata marupakan caro paliang mudah maningkekkan pandapetan, dek karano dengan kaindahan alam dan kaasrian lingkungan untuak paristirahatan mako nilai juanyo lah ado, tingga digili saketek mako jadilah. Cuman kok laii untuang banyak pitih na tingga, tapi kolo buntuang kadipangakan.
Lah marupokan kondisi umum satiok urang nan pai wisata bausaho malapehkan karangkeng rutinitas, sampai sampai aturan moral nan paranah nyo jalani saat dalam kahidupan normal. Apolai kolo tujuan dari pandatang tasabuik bukan dalam karangko studi tantang paradaban wilayah nan nyo kunjungi tasabuik dan bukan wisata keluarga, mako mau tak mau akan banyak eksesnyo nan timbua, dari upayo jor-joran pamarintah manggalakkan pariwisata taradok satu daerah. Kolo didaerah nan dikunjungi, ado samacam kontrol sosial nan kuaiek sarato pamimpin nan dipanuti dan juo sangaik paduli taradok hari ka hari gajala nan timbua dalam masyarakaik mako ekses nan timbua masih mamungkinkan dieliminir, akan tatapi maliek kondisi indonesia sacaro kasaluruhan dan baitu hancuanyo kontrol sosial, dari satiok individu taradok masayarakaik, sangat suasah dikatokan bahwa proses pangeliminiran ekses ko bisa dicapai. Kolo wak masuak kaurang minang taraso samakin riskan dek karano, masih adonyo saketek budaya egaliter walau budaya kasamoaanyo mulai di susupi dek kakuatan konsumerisme. Dengan kabaranian barekperimen mako akan banyak nan ka mancibo apo juo nan baru, sadangkan kesadaran kritis nan sistematis dalam manganalisa dampaknyo sacara komunal saat ko lah hampia manipih abih. Tantunyo percobaanko ndak ado masalah kolo dalam skop tarbateh diurang tatantu, tapi kanyataanyo wilayah pariwisata marupakan milik umum. Namonyo sajo pai basanang sanang maka mau tak mau kasanangan hatitu bakorelasi jo kasanangan badan, nan mau tak mau babuek sakandak hati, apo nan katajadi tantunyo lah dapek wak kiro kiro dari maliek banyaknyo rumah paristirahatan dan bar atau restoran nan kamuncua, nan lainyo tantu dangau dangau tampek maresapi kaindahan alam nan manampuang juo rang mudo mudo, kok taban taban lah hari kolo sadang maresapi kaindahan alam tantu nan nampak nan indah indah sajo. Panyimpangan patamo akan diikuti oleh panyimpangan salanjuiknyo samakin lamo samakin biaso, tarakhirnyo mungkin-mungkin minangkabau akan resmi jadi urang barat sabatuanyo. kok manjadi barat dalam kapalo tantu ndak ado masalah karano masih dalam karangko ide sahinggo akan mangalami parbanturan dalam implementasi akan tatapi nan susahnyo dalam ikatan caro iduik nan dijalani tantunyo manjadi ganjia dan mamprihatinkan. Karano dari carito carito nan ambo baco di babarapo tulisan nan lalu bahwa urang minang tu lah abih, nampaknyo pariwisata mungkin ancak bana digalakkkan sacapeknyo. Kolo misal ado nan ndak satuju, apo mungkin parawisata dibuek batehan batehan sadamiakian rupo atau dirubah topiknyo jadi pariwisata olah raga atau apolah nan tujuan utamonyo ma-eliminir dampak buruak penyerapan informasi, ekses dari parawisata. Sakitu dulu dari rang akaik, Muncua disiko sabulan nan lalu. Sanang badunsanak dalam ide. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
