Assalamu'alaikum WW, Alah babarapo tahun belakangan ambo pulang-pai ka kampuang-rantau alah mancubo babarapo parusahaan otobis nan dari kampuang , mungkin ambo cubo mambandiangkan ciek-ciek...
1. Gumarang Jaya + Lampung Jaya :Perusahaan iko ciek group dengan kantua pusat di Bandar Lampung, pelayanan standar tetapi lumayan perhatian samo penumpang dibandiang yang lain, sahari bisa minimal 12 bus barangkek dari L.Basuang (lampung jaya), BKT, Payakumbuah, Padang, kalau bajalan acok saliang bairiang tetapi kakompakan antar kawan sa PO point paliang tinggi, nan lain manunggu kalau ado bus nan rusak. Hanyo ado Ekonomi 2-3, AC Ekonomi 2-3, AC 2-2. Kalau ka Jakarta jarang sampai siang, karano biasonyo bakumpua dulu di Pool agak lamo di Tj Karang. Kondisi bus bacampua namun lumayan... Dan barangkek ngaret indak lamo bana ... manajemen tampaknyo lumayan rancak.. hanyo sajo kru bos pakai saragam hanyo di Bandarlampuang-jakarta.. dan dakek ka pool.. Kalau kakurangan-nyo hanyo kalau ka arah Padang...penumpang dibagi di Gunuang Medan.. nan ka BKT..nan ka PDG..nan ka PYK via Lintau atau nan Via BKT.. namun lai tetap jo Gumarang Jaya juo.. nan ka arah Piaman jo L Basuang pindah ka Lampuang Jaya..., strong point = cocok untuak urang tuo-tuo dan punyo penggemar fanatik.. jadi akan basuo jo urang-urang nan samo kalau acok naiak itu penilaian ambo : kok bisa indak mambagi di G Medan, buek sajo iko ka BKT, iko ka PYK, iko ka Pdg di jakarta.....jadi dibagi di jkt sajo 2. NPM, secara finansial mungkin tampak kalau kini agak manurun, dan baru tahun kapatang mulai bangkik jo pengurus baru. Perhatian ka pemumpang tamasuak lumayan, namun kondisi bus nan rancak iyo rancak bana...tetapi nan lain.. kok kurang-iyo kurang bana.... Jadwal kalau dari kampuang acok talambek.... Bis biasonyo ka arah BKT dulu baru ka Padang.. kadang di opor di Solok... Bus ado dari ekonomi 2-3, 2-2, AC dan SE.. tapi bajalan 8 bis minimal..., ongkos paling murah untuak aC dan SE. Kru indak ba saragam. penilaian ambo : kalau kondisi bus standar dan labiah tapek waktu mungkin bisa labiah bersaing 3. ANS, sacaro umum manang dalam sarana bus, khususnyo jumlah , kalau kondisi standar sajo... banyak juo nan mogok di jalan.., perhatian ka panumpang sacaro umum kurang dan seakan angkuh dengan ongkos paliang maha. Bus dari ekonomi 2-2, AC dan SE .. dan armda baru SE lumayan .... jadwal lumayan tapek waktu , cuma kebersamaan satu merek indak sarupo Gumarang dan NPM... seringkali cuek sasamo kawan.. Kalau ka JKT biaso sajo, yang acok bamasalah kalau ka kampuang, default bis iko ka padang .. urang nan ka BKT dll acok ditingga dan dioper dengan cuek di solok..., biasonyo di janjikan akan diantakan ka BKT kalau alah sampai di PDG.. namun jarang nan bantuak itu... Nan lain adolah ANS iko manang pool sajo.. di BKT , PDG dan JKT.. penilaian ambo : kalau pelayanan dan perhatian ka panumpang bisa labiah rancak, indak ragu urang untuak mambayia maha... 4. Transport : Kondisi Bus standar.. dengan klas dari ekonomi sampai SE., pelayanan dan perhatian ka panumpang sacaro umum lai lah.. kurang saangin dari lumayan..., trayek ka arah Pariaman dan L Basuang, kalau urang ka PP, BKT dan Padang... acok dibagi di LA (pool).. jadi kurang rekomendid untuak nan ka BKT.. , jadwal di kampuang acok talaik juo... dan babarapo kali ambo balimpik no :-(( penilaian ambo : dek banyak bana agen di kampuang , koordinasinyo kok bisa ditingkekkan... 5. Bintang Permatasari : Kondisi Bus relatif baru-baru dan lumayan bagus..., namun PO ini seperti spekulan ..kalau rami ka Padang bus-nyo pai ka padang .. kok indak babaliak JKT- BDG..., makonyo koordinasi karcis..amburadul dan kadang banyak di calo-kan... pelayanan dan perhatian penumpang biaso sajo.. panilaian ambo : kok pengusahanyo iyo urang awak, cubolah buek nan rutin ka kampuang tu... 6. Lorena : kondisi bus relatif baik dan tapaliharo, kru disiplin dan pakai seragam, perhatian ka penumpang relatif elok.. jadwal lumayan ontime, namun kalau ke padang hanyo 3 bis sehari.., trayek hanyo ka padang .. punyo namo besar "raja pantura" kalau di jawa .. penilaian ambo : kudo hitam untuak bis di pdg 7. APD : armada khusus klas ekonomi. punyo pendukung fanatik urang dagang... kondisi bus standar sajo.. nilai plus untuak ambo ..pool di depok.. pelayanan dan perhatian ka panumpang dek karano banyak adolah pendukung fanatik jadi saliang kenal jo kru... penilaian ambo : jaso-nyo untuak rang panggaleh 8. Lubuak Basuang Jaya.. : kini lah di akuisisi Transport.... paliang banyak manaiakkan panumpang di jalan.. ongkos murah.(bisa diago kok naiak di jln)..Trayek ka L Basuang.. khusus klas ekonomi... penilaian ambo : panolong urang ka jao 9. Usaha Muda : Pool di Tanjuang Karang, sacaro umum mirip jo APD.. Trayek defautl ka BKT...dan Lintau... 10.KMS : Trayek ka L Basuang via Piaman. mirip jo LBJ...klas ekonomi 11. BJ Express : ,,,perusahaan iko armadanyo punyo sandiri cuma 3 buah bis, jadi jadwal indak tiok hari dengan fasilitas AC- 2-2, tanpa toilet, dengan ongkos yang labiah murah karano kok di jawa dikatokan AC-Ekonomi.. Trayek dari L Basuang ka JKT, dulunyo pas armada masih baru sampai ka Banduang..kini hanyo sampai ka JKT kok urang ka Banduang di oper di Merak... Tahun kapatang ambo pakai karcis oto iko tetapi bis nyo diganti jo Bis Pariwisata nan kondisinyo kurang bana... tetapi ambo lansuang komplain ka nan punyo di JKT.. kok ka mamakai bis lain...piliahlah nan rancak...dan tahun iko memang bis tambahannyo relatif labiah rancak... panilaian ambo : modal nekat jo 3 bis.., tapi niat manolongnyo lumayan... ======== Kesimpulan ambo : kalau misalnyo ka kampuang atau ka jao naiak otobus...dipatinggi sajo kasabaran dan harus siap mental dulu untuak kecewa ..., sarupo ambo siap mental untuak pulang lebaran naiak kapa klas ekonomi non seat : lupokanlah sadonyo fasilitas dan kurangilah harapan pelayanan.. namun ambo kapatang alhamdulillah fasilitas standar dengan pelayanan nan alhamdulillah cukuik akomodatif... wassalam Z Chaniago - palai rinuak _________________________________________________________________ Get your FREE download of MSN Explorer at http://explorer.msn.com/intl.asp. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
