Bismillahirrahmanirrahim.. Angku Refri Lukman nan nan terhormat, ambo cubo lah manjawab samampu ambo, sasingkek aka ambo,
Satantang buku nan ambo kutip, raso-rasonyo buku ko cukuik langkok mangungkap falsafah minang, dari falsafah hiduk sampai falsafah alam, falsafah rumah gadang dan pakaian pangulu, tambo alam mingakabau, dan deskripsi sipaik-sipaik umum manusia. Dan uniknyo sadonyo tu mamakai bahaso khas sarupo nan ambo kutip. Kabatulan sajo sacaro acak tadinyo ambo piliah tantang "Bicaro". Bab sabalunnyo adolah tantang "Kato" dan bab sasudahanyo adolah tantang "Aka," "Ulemu," "Kaadilan," Paratoan:" dst.. Pernah ambo post daftar isinyo. Memang agak sulik juo bagi awak nan awam tantang kato-kato adat ko: kadang-kadang awak hanyo bisa manangkok sacaro tapotong-potong, tapi sulik mahubuangkan jo kato pusako nan lain, dan baa pulo kolah manerapkannyo. Sabagai contoh, ambo pernah dapek kasampatan batanyo ka saurang urang tuo: Baa mukasuiknyo "Taimpik nak diateh, takuruang nak dilua" tu angku? Apo itu indak munafik namonyo tu? Jawabnyo baliau, indak, sabab kalau "takuruang makanan lantak, tapauik makanan tali," itu namonyo binantang taranak.. sadangkan manusia "nan dipacik 'bicaro' nyo." Jadi, ruponyo, jan difokuskan pado masalah dilua atau di dalam nyo, tapi pado masalah takuruang, nan identik jo takabek tu: kok takabek baa mangko takabek, itu nan utamo labiah dahulu. Dan kok takabek juo, jo apo dikabeknyo, itu pulo nan harus diparatikan. Baitu lah labiah kurang katarangan baliau. Mungkin ado nan ingin manambahkan? Jadi raso-rasonyo iyo paralu dicerna labiiah lanjuik kato-kato pusako niniak muyang nangko. Kok diambo indak bisa do mauraikannyo; mungkin ka mamak-mamak awak nan lai ado duduak dipalanta ko awak bisa minta pitua-pitua dan pandangannyo. Sakianlah dulu dari ambo, mohon maaf ateh sagalo kakurangan.. Adyan ----- Original Message ----- From: Refri Lukman <[EMAIL PROTECTED]> To: <[EMAIL PROTECTED]> Sent: Wednesday, January 09, 2002 11:23 AM Subject: Re: [RantauNet] Dari buku "Kato Pusako" > SanakJD jo sanak Adyan > > Rasonyo apo nan ambo bantangkan lah tatangkok dek sanak JD, aratinyo ado RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================