Kerajaan Melayu Minangkabau was Re: [RantauNet] Mak Band Alumni Duri Petropolitan

[Adyan]

Bismillahirrahmanirrahim   Mamak ambo,   Rupo-ruponyo keberadaan Kerajaan Melayu Minangkabau nan sagadang tu, iolah kurang taraso di zaman kini ko, paliang tidak di kalangan generasi mudo di kampuang: saolah-olah Kerajaan Minangkabau nan bapusek di Pagaruyuang tu hanyolah tambo lisan nan sajajar jo folklore; seolah-olah Pagaruyuang hanyolah Adityawarman, nan nota bene asing. Kacuali tantunyo bagi sabagian nan sangajo mancari informasi tantang sijarah Minangkabau.   Jadi tantang Kerajaan Melayu Minangkabau tu, kalau dipikia-pikia, sabananyo sulik ditarangkan baa mangko urang Minang tu ketek banamo gadang bagala, dan baa pulo asanyo urang minang to mangko mangecek mamakai bahaso nan khas yaitu pasambahan. Baa mangko ado Sutan ado Bandaro, ado Pangeran ado Palimo. Saolah-olah awak sadang barado dalam drama Shakespeare sajo. Raso-rasonyo itu hanyo bisa ditarangkan dengan adonyo suatu sistem kerajaan nan gadang dan batahan cukuik lamo, nan sistimnyo manjadi tradisi, dipatahankan sampai kini.   Mungkin pulo, kurang tarasonyo keberadaan kerajaan tu, partamo dek indak ado bukti tertulis (iko nan acok disabuik-sabuik); dan kaduo barangkali dek awak menekankan ciri demokratis Bodi Caniago untuak dipacik sebagai budaya Minangkabau kini, sadangkan sistem Pagaruyuang adolah Koto Piliang. Sahinggonyo panagatahuan tantang alat-alat kelengkapan sistem seperti Basa Ampek Balai, Langgam nan Tujuah dan lain-lain agak tageser kabulakang. Nan kamuko istilah adaik salingka nagari. Baa agak hati Mamak tu? Mohon komentarnyo dan tarimo kasih labiah dhulu.   Wassalam   Adyan Anwar di kampuang               ----- Original Message ----- From: Arman Bahar <[EMAIL PROTECTED]> To: <[EMAIL PROTECTED]> Sent: Friday, January 11, 2002 5:26 PM Subject: [RantauNet] Mak Band Alumni Duri Petropolitan