Assalamu'alaikum wr.wb.,Wa'alaikum salam w.w.
Manolah Mak Lembang Alam
Tulisan mamak salalu kami nanti-nanti.. Jadi ruponyo Hindu nyo ko nan manjadi ciri namo-namo/gelar rajo Minang saisuak kacuali mungkin Adityawarman sorang nan taraso dari sono. Alah sanang pulo ati awak tu sakiro-kiro tantang itu.
Nan mukasuik awak sabananyo iyolah nak mangatahui sijarah urang Minang, nagari Minang dan adatnyo, tapi alah tapasah ka sijarah r a j o - r a j o Minang. Mungkin mereka itu niniak muyang rajo-rajo.. bukan niniak muyang urang Minang sebagai suatu etnis, meskipun manuruik pepatah adat:
Dari mano asa titiak palito
dibaliak telong nan batali
Dari mano asa niniak kito
dari puncak gunuang Marapi
Sanyampang pun baitu, kasalahan saroman iko agaknyo alah biaso juo: kok mangaji sijarah Islam, misalnyo, mangaji awak sijarah Khalifah-khalifah dan dinastinyo; baitu juo sijarah nagari-nagari lain, Cino, Inggris, dst. Tapi kalau manyabuik anak sikola tantangan 'The Western Heritage' misanyo, mungkin labiah banyak manyilau s a k o nan ditinggakan dek niniak mereka daulunyo samisal Rosseau, Martin Luther atau Aristoteles. Agaknyo dari warih jo pusako ikolah mereka bisa mancapai kamajuan nan idak bisa ditiru-tiru sajo dek urang bangso lain nan indak sapusako jo mereka.
Tapi sajalan jo itu, untuak manangkok 'setting' nyo iyo agak paralu juo dikatahui sijarah nan basipaik political takah di ateh: rajo-rajo dengan teritorinyo.
Baa pulo dek awak, dek niniak kito lai pulo mainggakan adat jo limbago, nan kalau dibalun sagadang kuku kalau dikambang seleba alam, itulah nan utang di awak mamaliharonyo.. jadi bukan 'to restore the Old Kingdom' atau maiduik-iduikkan primordialisme.
Baitulah sakiro-kiro dari ambo, mohon maaf kok ado kasilapan dan talabiah takurangnyo.
Wassalam
Adyan
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
