Iko manarik bana baa caronyo ma-integrasikan bisnis nan bisa maidui urang kampuang ambo maliek parsoalan ko dari babarapo sisi, "administratur sebagai penyandang amanah publik ", "urang kampuang di kampuang" dan "urang kampuang diparantauan" kamudian "jariangan kampuang jo/antar parantauan" , tantang panciftaan transportasi ambo sapandapek jo sanak sadonyo.
Ambo pernah bacarito carito jo kawan lain tantang baa caronyo maefektifkan infestasi nan ado dimasiang masiang kabupaten dengan adonyo otonomi daerah, basandaran potensi nan paliang banyak ado. Sahinggo babarapo kawan mancibo maliek liek kambali tantang pola pola produksi nan ado dinagari awakko, nan tagambar baitu ndak sistematisnyo tarutamo pola partanian tradisional, sangaik boros dalam bea investasi awal Lahan saketek tanago nan dikaluakan ndak jauh beda jo lahan banyak, sahinggo banyak mubazia. Komoditi nan ditanam siklusnyo ciek arah dan limbahnyo banyak, jarang dipagunokan labiah lanjuik. Karano katarbatasan pasa jadinyo perencanaan produksi itu ka itu se. Karano produksinyo surang surang harago mudah diakai dek pambali Koperasi koperasi nan ado bukanyo mambantu malah mambebani. Bea pupuak jadi maha dan panggunanyo ndak efektif. Katerbatasan modal dan pola tanam nan cocok. Bantuak lahan ndak mamungkinkan di otomatisasi. Pangelolaan candaruang asa kajadise sahinggo parencanaan produksi lilahitaala se. Sahinggo dari asumsi asumsi nan tagambartu dicubo maliek elemen lain nan bisa dikaikkan saparti Pemda, pemilik lahan, pekerja kamudian koperasi nan lah ado, salanjuiknyo dicubo manambah elemen baru pihak swasta, baik jadi investor maupun sabagai pangelola. Lantas direkonsruksi samacam parusahaan pertanian (bisa juo model Sumber alam makmur (usul sanak Z caniago) , cuman tantu panekanan ka-utunganyo agak babedo), nan kapamilikkanyo malibatkan baik Pemda, pemilik lahan ketek maupun gadang, buruh tani, swasta ataupun konsultan manajemen Manajemennyo dibaii sacaro profesional sadangkan kapamilikan saham dibagi rato badasarkan parsentase dari panatapan panilaian investasi (bisa publik ), pilihan produksi ditantukan badasarkan potensi lahan dan diusahokan satiok tahap dari produksi dapek dijadikan komoditi, limbahnyo sadapek mungkin bisa diolah baik jadi karajinan maupun kompos.(samacam pola produksi lingkar tatutup) Dengan sponsor awal pemda sarato dengan bantuak'an parusahaan diharokkan pola produksi jadi lebih efektif dan pangelolaan labiah frofesional dan bukaan pasa jadi labiah leba dan progresif (Pemda manantukan komoditi unggulan antar daerah dan jaringan konsulat nan ado untuak pasa lua nagari atau rang kampuang diparantaun juo tagabuang). (Mungkin sanak nan dari partanian atau nan kenal jo pola produksi "Sumber alam makmur" industri partanian Amerika jo Eropa, sarato pola patanian kambali ka alam di Japang bisa bacarito banyak disiko, ambo ma-harok moderator bisa mantriger secara continue masalahko.) Salam rang akaik ****************************************************** MARI MEMBENTURKAN KEHENDAK BAIK MUDAH MUDAHAN BISA MEREKONSRUKSI KEBENARAN ****************************************************** RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
