Mandanga carito dari gaek tantang baitu dinamisnyo masyarakaik minangkabau sabalun tahun limapuluhan iyo tangilan ngilan wak dinyo, ado mamak nan kiai adopulo tukang carito sajo, ado pulo mamak nan pandeka sarato isianyo saparti tahan basi jo jago rede.(nano nanolah kato rang kini) Kamudian ado ritual pasanak'an nan dikumayani sahinggo manjadi sanak sakandungan, sataruihnya suasana kampuang nan punyo baragam ota dilapau lapau, dari mahampeh basikareh arang sampai carito cilok cama sambia mintak rila ka-nan punyo, io sabana sero.
Kok taraso lah panuah pangatahuan samantaro lega nagari lah tajulajahi, mau tak mau harus marantau untuak mampagadang caro pandang dan kapamilikkan. Kok nyampang baruntuang rantau sabelok, mako pulang mangabakan carito kagenerasi salanjuiknyo, kok indak mangkuih mako kampuang tatap dipacintoi sambari bakaba di surau pasukuan. Maliyek fenomena ko dan caro hiduik urang awak kiniko apo bisa diambiak bagian bagian nan ancaknyo dari caro caro nan tuo tuo tu?. Banyak nan pai marantau mancari iduik, ado pulo marantau mancari ilimu. Tantunyo dengan adonyo kamajuan metodologi pembalajaran kiniko, sarato adonyo kumpulan kumpulan urang awak baik nan mancari iduik maupun nan basikola sadapeknyo ado usaho mamformulasikan suatu caro nan bisa mansinergikan potensi model maso dulu, nan bisa mambuek ganarasi kiniko labiah bakambang walaupun pado awalnyo dengan raso sentimental kultural. Kolo ambo asosiasikan surau sarupo jo tampek bakumpua (umum), kolo di nan mancari iduik samacam pangkalan atau tampek tampatan (nan dituokan) sadangkan kolo nan basikola sarupo asrama atau rumah kontrakkan basamo-samo atau ikatan ikatan alumni. Salamoko dari nan ambo danga-danga kabanyakan urang awak bakumpua, kolo ndak main kowa atau domino kamungkinannyo bajoak ma-adu ego. Ado juo nan bakumpua dalam organisasi tajebak kapagelaran kasenian sahinggo aktifnyo manakala ado hajatan atau pertunjukkan sajo, samantaro pangambangan wawasan ndak tarkordinir dengan baik, forum forum pangambangan intelektual dibekukan (mungkin talupokan ) manjadi formalitas pambalajaran nan dibatehi dek "pasan mandeh" untuak "sikola" bukan "baraja" (traumatik PRRI /orba). Ambo bedakan sikola jo baraja dalam artian sikola fokusnyo mandapekkan sertifikat sadangkan baraja suatu proses eksperimen dan merangkum sabanyak-banyaknyo informasi guno manghadoii kaadaan atau nan labiah hebat manjadi agen parubahan bagi rang banyak. Ambo maliek urang mudo nan pai marantau mapunyai kalapangan nan laweh sarato hiduik hampia ndak punyo baban, kabutuhan utamonyo adolah mamahami "logika dasar informasi" dan "caro maolahnyo" kamudian "manyerap" sabanyak banyaknyo informasi tasabuik, salanjuiknyo "bareksperimen" taradok apo sajo nan nyo ma-ui. Karano dikultur awak lah ado rujukan rujukan nan bisa dijadikan spirit dan manyederhanakan persoalan sahinggo kama pai ado tangiang ngiang. Salanjuiknyo dengan pendalaman orientasi dalam bayangan ambo tu mungkinkah para parantau mengkaji ulang pola pola interaksi, parkumpulan sarato orientasi media nan awak punyo kiniko dalam karangko mamindahkan "surau" ka "parkotaan".?? Kok dulu disurau bakumpua nan sapasukuan, kok kini dipaleba jadi nan sakufu (apo ajo nan manyababkan ado ikatan), kato intinyo yo "bakumpua dan babincang bincang, bareksperimen tantang apo ajo", nan hebaik di konsep mamaparkan nan babakaik jadi pimpinan ma mamimpin , nan bisa badagang juo ditilik langkah langkahnyo dll. Memang dengan era internet sabagaian dari fungsitu lah mulai hiduik cuman kolo wak liek ndak sado urang bisa ma'akses internet, sahinggo saluran saluran organisasi, tampek tingga, ikatan alumni mungkin masih sangaik bamamfaat dan bisa dioptimalkan pemberdayaanyo. Sakitu dulu dari ambo. Salam rang akaik maninjau .Ps* Postinganyo sarupo tatahan babarapo wukatu.kanapo yo (apo arsip diservernyo kapanuhan atau ado hidden filter (kok iko nan tajadi, bakubirah bana "urang ko")) RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
