Assalamu'alaikum wr.wb.,
Baa bana konsep masyarakat Islami mungkin bisa kito
cubo mauraikan dari komunitas nan paliang ketek yoitu
rumah tangga. Rumah tangga nan Islami adolah rumah
tangga nan managakkan syiar agamo Islam, rumah tanggo
nan sakinah, mawaddah warahmah. Ado kasiah sayang di
sinan, ado horomaik mahoromaik-i di sinan, ado saliang
koreksi di sinan, ado saliang amanah di sinan, ado
imam atau kapalo kaluarga nan ditaati disinan, kapalo
kaluarga nan mangayomi, nan manjago, nan mamaliharo.
Ado kesalehan dan ketaatan dalam baibadaik kapado
Allah di sinan. Ado kasabaran dan katawakalan di
sinan. Ado kamampuan basyukur ka nikmat Allah di
sinan. Satiok anggota mangarati bana jo fungsino
masiang-masiang. Ado apak nan jadi kapalo, nan mancari
nafkah, nan kamalindungi satiok anggota kaluarga. Ado
ibu nan ka jadi panyajuak, nan kamambari kasiah
sayang, nan kamamparatian sakik sanang satiok anggota.
Ado nenek mungkin nan jadi urang tuo, nan bijaksana,
nan kamanunjuk-maajai katiko ado nan talonsong salah.
Baitu pulo ado anak-anak nan ka jadi panagak kasiah
sayang cako, nan talatiah untuak mangasihi nan ketek,
mahoromaiki nan tuo, mamuliakan urang tuo. Itulah
kiro-kiro gambaran ideal sabuah rumah tangga Muslim.
Kalau kalompok paliang ketekko dikumpuaan manjadi
sabuah RT, jo kualitas nan samo labiah kurang, dimaa
ado pulo nan jadi Katua RT ka tampek barundiang baiyo
batido, katua RT nan amanah pulo, nan taat pulo, nan
paduli pulo, nan mangayomi pulo, mako itulah komunitas
RT Muslim. Baitu pulo sataruihno di tingkek RW,
kampuang, nagari, kacamatan, kabupaten propinsi,
nagara atau bahkan kumpulan nagara sakalipun. Bahaso
awak sajak mulo musti disamokan dulu. Apo arati
tangguang jawab, arati kawajiban, arati kajujuran,
arati kataatan, arati kasiah sayang sasamo anggota
masyarakaik dst.
Tantu paralu pulo referensi, mako referensi nan ka
dipakai adolah al Quran jo Hadits Rasulullah SAW.
Sabanano disiko muloi tagijau kaji. Urang satuju jadi
Islam, satuju di KTPno tasurek agamo Islam, satuju
pulolah kalau Islam itu musti sumbayang (walau ado nan
indak mangarajoan), satuju musti puaso (walau ado nan
indak mangarajoan), musti pai naiak haji ka Makkah
kalau lai bapitih, tapi katiko dikecekan bahaso ado
sangsi untuak nan mangarajokan parbuatan doso, urang
muloi indak suko. Itulah sababno urang jadi alergi jo
ide 'manjalankan syariat Islam bagi pemeluknya'. Kalau
dipikia-pikia kan aneh tu. Amuah baagamo Islam, panah
mandanga arati doso jo pahalo, tau nan maa nan
palanggaran, nan maa nan indak buliah, nan maa nan
haram, tapi kalu kaditagakkan hukum....hoooppp...a iyo
indak doh. Hukum itu talampau sadis, malangga hak
azazi, malangga ham dsb.
Kalau ambo mancaliak panyabab sabanano adolah katidak
mangaratian kabanyakan umaik Islam jo arati barIslam
sasungguahno. Kalau surang-surang urangtu sabana
mangarati Islam, manjalankan Islam dalam kahidupan
sahari-harino indak bagai ado nan kaditakuikan doh.
Ikopun lah dijamin dek Allah di dalam Al Quran
"urang-urang nan bariman jo baramal shaliah, nan
managakkan shalat sarato mambaiakan zakat, bagi mareka
pahalo (amalan) mareka dari sisi Tuhan mareka, dan
indak ado raso takuik di diri mareka dan indak bagai
mareka bimbang" (Al Baqarah 277). Jadi kalau masih ado
takuik, masih ado karagu-raguan sarancakno ditanyo
bana diri, ditanyo bana ati ketek awak, alahkoh
samparono Islam awak. Cubo jawab sajujurno, katiko
awak mangecekan ado hukum-hukum nan ditatapkan Allah
tu sadis, indak sasuai jo jaman lai, apokah itu dek
karano awak ibo jo urang nan kakanai hukum atau
malahan takuik awak sandiri kakanai hukum sarupo itu?
Kalau awak takuik ka kanai hukum di ateh duniako
laikoh awak sadar nan bahaso hukum tu tatap
kaditagakan Allah nanti di akhiraik? Ado pulo urang
nan sarupo 'optimis', Allah tu kan Maha Pangampun,
mintak ampun awak sudah itu abih pakaro. Itu nan kecek
awak. Kok indak talakik mintak ampun baa? Atau kalau
indak diampuni dek karano tobaik awak main-main baa?
Cubolah samo kito manuangkan.
Wassalamu'alaikum wr.wb.,
Lembang Alam
Irdam Syah <[EMAIL PROTECTED]>
Sent by: [EMAIL PROTECTED]
03/21/02 09:27 AM
Please respond to rantau-net
To: "'[EMAIL PROTECTED]'"
<[EMAIL PROTECTED]>
cc:
Subject: RE: [RantauNet] [surau] Re: 1500 Tahun
Yang Lalu - Racun (1)
> ----------
> From: J.Dachtar[SMTP:[EMAIL PROTECTED]]
>
...<cut>...
> Kalau ndak salah, iyo baitu nan ambo kecekan.
>
Clear...
> >sadangkan nagara Islam untuak panduduak nagara
tasabuik
> > (mungkin disiko balaku KTP).
>
> Iko nan agak bagalau.
>
Karano memang konsep negara Islam itu alun jaleh
untuak suatu
masyarakat majemuk... atau mungkin alah ado hanya
pangatahuan
ambo indak sampai kasinan... Sapangatahuan ambo konsep
pemerintahan (negara?) Islam nan dicontohkan dek Nabi
Muhammad SAW
dan Khalifah Urrasydidin hanyo samacam nagara kota
dengan kondisi
masyarakat dan perangkat2 pemerintahan yang tidak
terlalu kompleks.
Sedangkan kekhalifahan sasudahnyo nampaknyo ma-adopsi
sistem
karajaan nan alah ado sabalun Islam, hanyo mungkin
karano ditaklukan
oleh orang Islam atau rajonyo masuak Islam....
>
> > Kalau konsep syariat Islam dikatokan indak jaleh
mako manuruik
> > ambo elok sanak baraja ka tampek nan sasuai supayo
indak
> > satangah2 pangatahuan nan didapek.
>
> Tarimo kasih sanak alah ma-ingekkan. Nan indak jaleh
tu konsep
> nan ma nan bisa di-aplikasi-kan ka suatu masyarakat
majemuk
> sahinggo lamak diawak katuju diurang.
>
Rasonyo hanyo ado ciek sajo konsep syariat Islam
sahinggo indak ado
tawar-menawar konsep nan maa nan cocok. Sagalonyo alah
diatur baiak
hubungan internal masyarakat Islam maupun dengan
non-Islam (Bagimu
agamamu dan bagiku agamaku), tapi kalau diterapkan ka
dalam suatu
sistem nagara (modern?) iyo indak sampai pangatahuan
ambo kasitu doh.
<diapuih>
__________________________________________________
Do You Yahoo!?
Yahoo! Movies - coverage of the 74th Academy Awards�
http://movies.yahoo.com/
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
