Subananyo banyak masalah balerong ko nan harus disalasaikan, tapi antahlah akhir-akhir ini ... awak labiah suko bagalau sajo mampasokan pandapek dan keinginan sepihak masiang-masiang awak daripado posting ka visi dan misi awal dari didirikannyo Balerong RantauNet ... sebagai forum diskusi, babagi informasi tentang masalah seputar Minangkabau, Perantau Minangkabau dan Sumatera Barat serta tempat komunikasi dan silaturahmi sasamo Urang Awak.
Sarupo nan babarapo kali ambo sampaikan ... banyak masalah nan alun disalasaikan untuk kelangsungan Balerong RantauNet ini kamuko. Seperti masalah: Homepage RN, database anggota dan database posting RantauNet, updating Tata Tertib yang tidak lagi sesuai dengan perkembangang teknologi internet sekarang, mengembangkan diskusi di milis ini, re-organisasi dan manajemen Komunitas RantauNet yang memang masih 'ala kadar' nyo ... dan banyak lagi. Tapi INDAK ADO NAN PADULI!? ... Labiah suko ka nan bagalau sajo 8-( Dan akhir-akhir ini masalah server ... server RN kini ko alah sasak angok dengan kondisi gadangnyo anggota, terbukti dengan adonyo banyak posting nan hilang, dan harusnyo alah ado tampek baru untuak kelancaran posting ke Balerong RN ini. Tapi kalau itu nan disampaikan ... indak ado respons saketekpun, dan praktis indak banyak nan ikuik mamikiekan hal iko. Untuak diketahui, sekitar US$50-150 dihabihkan sabulan untuak biaya bandwidth serta biaya rutin lain untuk mantainance hardware. Apokah banyak awak ikuik MAMIKIEKAN masalah iko !?!? Akan ado pertanyaan, "Mengapa tidak ke @yahoogroups.com saja?". Jawabannya RN sudah ada sejak @yahoogroups.com belum sebagus sekarang dan dulu juga dibuatkan server sendiri juga dengan semangat menghindar pakai gratisan, untuk mencapai sebuah kondisi yang terarah. Dan lagi dimasa mendatang saya tidak percaya @yahoogroups.com akan gratis terus, seperti sekarang ini. Buktinya, kemaren keluar pengumuman email untuk POP @yahoo.com akan bayar mulai tanggal 24 April depan, nampaknya kan menyusul yang lainnya. Jadi ambo jalehkan baliak ... Balerong RN ko bukan media tampek diskusi bebas, sarupo nan dimakasuik oleh Uda Ali Cestar St Rangkayo Labih (Esteranc Labeh) dalam postingnyo terakhir ... dek karano memang alah ado pembatasan nan jaleh dari awal. Ambo mangarati bana makasuik baliau ko, tapi indak itu tujuan Balerong RN doh dan indak kasinan arah nan ka di buek untuk Balerong RN ko ka maso mendatang. Iko masalah komitmen awal, kesepakatan awal nan tertuang jaleh di TATA TERTIB ... bukan untuk memenuhi KEINGINAN orang per orang, baik nan pro ataupun nan kontra diberlakukannyo 'banned' di sini. Dan itupun alah ambo agiah gambaran, banned memang diberlakukan disini ... jauh sebelum saya menjadi administrator. Jadi bukan karena saya. Ambo juo manjadi anggota dan mengikuti perkembangan [EMAIL PROTECTED] yang merupakan milis 'sekuler' terbesar dan ambo juo ado di [EMAIL PROTECTED], disinan mamaki agamo, mamaki urang, maremehkan urang sasuko hati dan banyak nan ganjia lain indak jadi soal ... tetapi ambo bisa mangarati karena milis-milis itu memang dibiakan seperti itu, dibuek untuak sarupo itu ... tidak ada yang salah manuruik ambo kalau di prols ataupun minangnet sarupo itu. Masalahnyo katiko awak mambiakan Balerong RN tanpa aturan, artinyo itu akan mam bao Balerong RN ka arah yang bagalau sarupo itu juo. Dan Balerong RN memang 'barusaho' dan 'menghindarkan diri' untuak manjadikanyo babeda dari karakter milis nan sarupo itu ... dengan adonya Tata Tertib tadi. Kalau di pabiakan sajo ... akan ado duo akibatnyo, ditinggakan anggotanyo atau sekadar manjadi tampek posting se arah sajo atau anggotanyo semakin banyak tapi hanya sekadar bagalau sajo, dan tujuan awal indak pernah tacapai. Itu akibatnyo nan jaleh. Dan nan indak lamak di ambo pribadi adolah ... admin bagini, admin bagitu (sakali lai bukan moderator), admin indak adil, admin mambuek indak simpatik, admin fasis ... padohal alah cukuik jaleh rasonyo ambo sampaikan dalam thread di awal posting subject ini. Tamasuak masalah nan di tanyokan oleh Titik (=Bapak Basri Hasan Sutan Bagindo Nagari) ... tolong di sigi bana dulu Pak, sampai kabawah 8-) Dan sikap pribadi ambo pun alah ambo sampaikan, tolong dibaco bana baliak. Kejadin bagalau ko, masalahnyo hanya antara pandapek atau keinginan yang pro/kontra banned, dihadokkan jo kenyataan adonyo banned di Balerong ko dengan dasar Tata Tertib sejak dulu. Antah ba a, adonyo banned jadi serius disiko, malah di samokan jo kehidupan nyato nan jaleh-jaleh babeda. Milis adolah dunia cyber, maya .... banyak hal bisa di kabuakan disiko, urang bisa mambuek banyak muko, urang bisa kalua masuak sasuko hatinyo tanpa identitas jaleh, tagantuang niek masiang-masiang. Ambo contohkan disuatu milis [EMAIL PROTECTED] milis soal hardware, banned adolah hal nan biaso sajo ... katiko ado 3 urang sajo nan taganggu (biasonyo melanggar netiket), posting anggotanyo malah lucu-lucu sarupo iko: "Mbah, rumah kita dimasukin orang, nggak bener tuh!" (mbah disini artinyo administrator), langsung si Mbah mangalua ka clurit-nyo ... cress (dengan posting juo), di banned lah urang ko. Tanyato banned pun bisa jadi 'much fun'. :) Kalau ka masuak baliak silahkan sajo dengan email lain, dan itu memungkinkan. Apokah bisa disamokan internet jo dunia nyato!?!? Apokah ambo kecewa jo kejadian nan tajadi, jo tuduhan-tuduhan ka ambo ... indak ado ciek pun hal sarupo iko nan masalah bagi ambo 8-). Dek ambo mangarati bana, ba a bana karakter milis. Adolah salah katiko awak baharok manjadi anggota milis harus sasuai jo keinginan awak pribadi. Karano milis, ya seperti itu. Pilihan nan ma nan ka di ambiek untuak Balerong RN ke depan ... itulah nan ba ulang kali ambo sampaikan, updating Tata Tertib sangaik diparalukan, tantu sajo dengan kesepakatan awak basamo dan indak kalua dari visi dan misi awal Balerong RN ini. Tapi biasonyo ... SIA NAN PADULI ???? Untuak itulah ambo harok thread yang bagalau ini DITUTUP, cukup berakhir sini saja ... sekaligus ambo ingin mancaliak ba a bana pandapek-pandapek awak kasadonyo disiko dalam masalah-masalah yang Balerong RN nan alah ambo sampaikan di ateh. Apokah awak paduli jo RUMAH GADANG CYBER AWAK KO??? Mari samo-samo awak caliak. ------ MIKO -------- Administrator RantauNet RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
