RE: [RantauNet] Registration

[Elthaf]

    Mail Mak Ngah ko ambo lantunkan baliak, supayo bisa masuak ka lapau...

    Mokasih Mak Ngah.

    Wassalam

    Elthaf

-----Original Message-----
From: Sjamsir Sjarif [mailto:[EMAIL PROTECTED]]
Sent: Saturday, March 23, 2002 6:32 PM
To: Elthaf; '[EMAIL PROTECTED]'; '[EMAIL PROTECTED]'
Cc: KTT Rantaunet; Abrar YUSUF; Arisman Adnan; Bandaro; Nurbaini McKosky
Subject: RE: [RantauNet] Registration

Mano Rang Lapau nan Basamo,

Ambo batarimo kasih ka Angku Elthaf nan lah mamporowaikkan barito duduaknyo Rangkayo Nismah di Lapau. Walaupun ambo mintak tap  sabanta untuak main ka Lapau (ruponyo sabanta ko alah labiah sambilan bulan pulo, indak taraso) tapi ambo lai duduak dari jauah diagiah kaba sileksi-sileksi Ota di Lapau nan diantakan (di-cc-kan ka ambo) dek antaro lain Angku Bandaro, Angku Gindo Arisman, Angku Elthaf, Angku Miko dan barisan anggota-anggota KTT [Komite Tata Tertib ] Rantaunet). Jadi walaupun indak di Dalam, ambo lai takuruang juo di Lapau, tapi, Takuruangnyo di Lua ... :)

Samantaro tu ambo lai sadang duduak-duduak pulo maengong-engongi duo Lapau ketek "Biaro" jo  "Angpek Angkek Canduang".

Kapado Adidunsanak nan Basamo ambo ingin manambahkan nan bahaso Rangkayo Nismah walaupun kini baru macogok baliak ka Lapau, baliau bukanlah urang baru di Palanta Lapauko. Ambo sanang bana mandanga barito ko. Baliau adolah tamasuak anggota-anggota nan mulo-mulo, "baduo jo batigo" wakatu Rantaunet kito bangun sambilan hampia sapuluah tahun nan lalu. Dengan baitu, Angku Gindo Arisman Rang Dapua Usali di Lapau ko, lah dapek baadang adok baliak jo Rangkayo Nismah, Angku Abrar, Rangkayo Nurbaini, Angku Bandaro, anggota-anggota KTT, sarato adidunsanak nan rajin-ranjin mamparatikan jalan Roda Ota di Lapauko.

Mudah-mudahan Roda Ota di Lapau dapek kito jago basamo-samo supayo bajalan taruih dengan "sumuih" dan lasuah. ["Sumuih" ko kato baru lo nan instan kalua dari pangana Mak Ngah di parak siang manjalang subuah ko. Aratinyo silakan caliak di Golosari].

Angku Elthaf, karano ambo sadang "Takuruang di Lua" dan alamaik ka rantauanet pasti malantun, jan lupo mamporowaikkan psotiang ko baliak ka Lapau. Tarimo kasih.

Untuak tambahan parbadaharaan kato-kato nan kalua sakatiko dari pangana Mak Ngah, biasonyo dilakongkoki pulo jo Golosari di bawahnyo.

Salam,
Mak Ngah
X______________________________Sjamsir Sjarif
Indonesian Translator and Cultural Consultant
Email: [EMAIL PROTECTED]
http://www.usindo.net/hambo
Tel (831)-426-1333      Fax (831)426-8907
=====================================

GOLOSARI: (Glossary):
Instan (Instant)
Porowaik (Forward)
Sumuih (Smooth), halus, lancar, licin, sopan, ramah, tidak tajam
 



At 03:29 PM 3/23/02 +0700, Elthaf wrote:

    Yth. Buk Nismah di Jakarta,
    Assalaamualaikum wr.wb,
    Ondee sanang bana kami mandapek mail dari Buk Nismah, masuak lah buk, kito bacarito lamak di siko, kalau dulu juo ado Mak Ngah Sjamsir di Rantau net, kini e-mail baliau indak subscribe lai ka RN, dan banyak lai juo ado anak-anak didik Pak jo Buk Rumzi di Riau..., ondee akan batambah meriah juo mailing list rantau net awak ko...
    Welcome buk, ahlan wa sahlan...
    Terimakasih
    Wassalam
    Elthaf

-----Original Message-----

From: Hayatun Nismah Rumzy [mailto:[EMAIL PROTECTED]]

Sent: Friday, March 22, 2002 11:35 PM

To: [EMAIL PROTECTED]

Subject: [RantauNet] Registration

 

Do You Yahoo!?

Yahoo! Movies - coverage of the 74th Academy Awards�